Jeremiah 51:27 - Hawaii Pidgin Bible

²⁷ “Put up one flag inside da Babylon land! Blow da sheep horn trumpet Fo tell da diffren peopos time fo attack! Make da peopos come spesho fo me Fo dem fight Babylon! Call dese peopos fo go agains Babylon: Ararat, Minni, an Ashkenaz. Pick one officer guy fo take charge agains Babylon. Sen plenny horses jalike az plenny locust kine grasshoppas.

Jeremiah 51:27 ပူးပေါင်းရင်းမြစ်များ

Start 10:3

Da ohana dat come from Gomer: Ashkenaz, Rifat, an Togarmah.

Start 8:4

Was da numba seven month afta da flood watta come up, day numba seventeen, da big boat come down on top one mountain in da Ararat range.

2 Kings 19:37

Laytas, Sennakerib stay pray inside da temple fo his god Nisrok. Wen he go down in front Nisrok, his boys Adrammelek an Sharezer kill him wit dea swords. Den dey run away to da Ararat land. An Sennakerib odda boy Esarhaddon come da nex king.

1 Records 1:6

Gomer boys: Ashkenaz, Rifat, an Togarmah.

Isaiah 18:3

God tell dis: “All you peopo dat stay live inside da world, Wen I put up my war flag on top da mountains, You goin see um. An wen da trumpet make noise, You goin hear um.”

Isaiah 37:38

Laytas, one time wen Sennakerib go down fo pray inside da temple fo his god Nisrok inside Nineveh, his boys Adramalek an Sharezer take dea sword an kill him. Den dey run away to da Ararat land. Esarhaddon, Sennakerib odda boy, come da nex king fo da Assyria peopo.

Jeremiah 25:14

Da Babylon guys goin be da ones fo come slaves fo strong kings an dea peopos. I goin pay back da Babylon guys fo da bad kine stuff dey do!”

Jeremiah 46:23

Da Egypt peopo, dey jalike one fores Wit real plenny trees fo no go thru dea. But da army dat stay come, Dey goin cut down all da trees. Dat army get plenny guys, Jalike wen da locust kine grasshoppas come. No can count dem.

Jeremiah 50:2

“All you guys, tell dis to all da peopos! Make shua dey hear um! Put up one flag fo dem lissen! Make shua dey hear da message! No hold back notting, but tell um dis: ‘Anodda army goin take ova Babylon town! Da Babylon god Bel goin come shame! Dey call um Marduk too, an he goin come real sked. Dea odda idol kine gods goin come shame too. Da horraz kine idol gods dey pray to goin come real sked.

Jeremiah 50:3

Goin get one peopo Come from da north side An attack Babylon town. Dey goin wase da Babylon land. So no mo nobody goin live ova dea. Da peopo an da animals all goin run away from dea, But dey not goin know wea dey going.’ ”

Jeremiah 50:9

Cuz dis wat I goin do: I goin make some peopos come huhu an come togedda Fo make one plan fo attack Babylon town. Da armies from da big countries goin come From da north side. Dey goin make ready fo fight. Dey goin take ova Babylon from da north. Dea arrows, jalike army guys dat no goin miss, An erytime dey goin hit wat dey shoot.

Jeremiah 51:12

“Put up one flag fo yoa army guys Fo tell um attack da Babylon town wall! Put mo plenny guard guys aroun da town! Tell da watcha guys wea fo stan! Hide army guys fo dem stay ready Fo jump da Babylon guys! Da One In Charge tell all dis Cuz he make one plan awready agains da Babylon peopo, An he goin do wat he wen promise fo do.

Jeremiah 51:14

Da One In Charge, da God Ova All Da Armies, Wen make one strong promise. He da One goin make shua dat wat he tell goin happen, goin happen. He tell: ‘Fo shua, I goin fill up you Babylon guys town wit plenny army guys, Dat goin jump all ova you guys jalike wen get real plenny locust kine grasshoppas. Dey goin yell cuz dey win ova you guys.’

Jeremiah 51:28

Make da peopos ready fo fight Babylon. Da Mede kings, Dea govnas an leada guys, An all da peopos wea dey stay in charge.

Jeremiah 6:1

“Quick! You Benjamin ohana peopo, run, go hide! Run away from inside Jerusalem! Blow da sheep horn trumpet inside Tekoa town! Light da signal fire ova Bet-Hakkerem town! Cuz get bad kine guys stay come from da north side Fo come bus us up an wipe us out!

Joel 3:9

Tell all da peopos dis: “Make ready fo fight one war fo Da One In Charge! Make da strong guys ready fo fight! I like all da guys dat fight fo come togedda fo attack.

Amos 3:6

If somebody blow da war trumpet inside one town, Da peopo dea goin tell, “Wassup?! Watch out!” Weneva bad tings happen inside one town, Az Da One In Charge da One make um happen!

Zekariah 14:2

Da One In Charge tell: “I goin bring all da odda peopos Jerusalem side fo fight you guys. Dey goin take ova da town, rip off stuff from da houses, an rape da wahines. Dey goin take half a da peopo, an make um prisonas fo go far away. But da res a da peopo goin stay inside da town.”

Local Leadas 6:5

Dey come wit dea animals an tents ova dea, jalike wen get real plenny locust kine grasshoppas. No can count da Midian guys an dea camels. Dey attack da land fo wase um.