Jeremiah 51:2 - Hawaii Pidgin Bible

² I goin sen guys from odda places to Babylon town. Dey goin chase da Babylon peopo all ova da place, Jalike da wind blow away da junks from da wheat, Dey goin wase da Babylon land. Wen time fo wipe out Babylon town, Dey goin attack ery side.

Jeremiah 51:2 ပူးပေါင်းရင်းမြစ်များ

Isaiah 41:16

Jalike wen you throw da junks up in da air, An da wind blow um, Den one strong wind blow um all away. But you guys goin stay real good inside Cuz you stay tight wit Da One In Charge, An you goin talk plenny bout how awesome Da One In Charge stay, Da Good An Spesho God fo da Israel peopo.

Isaiah 43:14

Dis, da message from Da One In Charge, Da One dat pay da price Fo get you guys outa trouble, Da Good An Spesho God fo da Israel peopo. He tell: “Fo help you guys, I goin sen army guys Babylon side. I goin make da Babylon peopo run away on top da boats Dat befo time dey make um look real nice. I goin make dem go down da Eufrates riva An run away.

Jeremiah 15:7

Den Da One In Charge tell: “I goin judge da Judah peopo Wea da judges come togedda inside dea towns all ova da land, Jalike peopo throw da wheat in da air Fo da wind blow away da junks. I goin wipe dem out An make shua dea kids mahke, Cuz dey no change wat dey do.

Jeremiah 50:29

“Go tell all da guys dat shoot bow an arrow fo come, Da guys dat know how fo make da bow ready fo shoot, Fo dem go attack Babylon town. Go camp all aroun Babylon. No let nobody get outa dea. Pay dem back fo wat dey wen do. Make to dem jalike dey wen make to da odda peopos. Cuz dey wen get big head an go agains Da One In Charge, Da God Dat Stay Good An Spesho fo da Israel peopo.

Jeremiah 50:32

You peopo wit big head goin trip an fall down. No goin get nobody fo help you guys stan up. I goin make one fire inside yoa towns. An dat fire goin burn up erybody dat stay aroun Babylon town.”

Ezekiel 5:12

One third you guys goin mahke inside da town cuz dey goin come sick real bad kine, o dey no mo notting fo eat. One third you guys goin mahke from da sword fight outside da town. An one third you guys I goin scatta all ova da place. Den I goin pull out my sword an go afta dem.

Matthew 3:12

Jalike he goin throw all da wheat fo let da wind blow all da no good parts from da wheat, an den he goin put dat wheat inside da storage place. Afta dat, he goin burn all da no good parts inside da fire dat no goin pio eva.”