Jeremiah 51:15 - Hawaii Pidgin Bible

¹⁵ “Da One In Charge wen make da earth, Cuz he get da powa. Da world stay how stay, Cuz he da One make um lidat, An cuz he know wat fo do erytime. He spread out da sky Cuz he know da bestes way fo make um lidat.

Jeremiah 51:15 ပူးပေါင်းရင်းမြစ်များ

Job 9:8

He da One dat stretch out da sky, An no need nobody fo help him. He walk all ova da waves inside da ocean Fo show he stay in charge dea too.

Songs 104:2

Da One In Charge Get light all aroun him, Jalike dass wat he wea. He set up da whole sky Jalike one guy set up one tent cova.

Songs 104:24

Eh! You Da One In Charge! Get choke plenny tings you wen make! An eryting you make, You know wat you stay do! Da world stay full A da tings you wen make.

Songs 107:25

God jus tell someting, An he bring up one storm wind Dat make da ocean waves Come real big.

Songs 136:5

Cuz he erytime undastan wat fo do, Dass how he wen make da sky, Cuz he stay tight wit his peopo foeva!

Smart Guys 3:19

Da One In Charge, he know wat fo do erytime, An dass how come he make da world da right way. He wen put da sky wea he like Cuz he undastan da right way fo do um.

Isaiah 40:22

God, da One stay live above da earth an da sky! Unda him, look jalike one big circle, An da peopo dat live dea, Fo him dey look jalike small grasshoppas. He da One stretch da sky jalike one big curtain, Jalike wen you spread out da cloth Fo set up da kine tent you goin live inside.

Isaiah 40:26

Eh, you guys, look up inside da sky! Who you tink wen make all dis stuff?! Az da same One bring out da stars one by one. Get plenny a dem, jalike one army! He call da name fo ery star. Cuz God stay strong an get plenny powa, Ery star stay dea wen he call dea name.

Isaiah 42:5

Dis wat God, Da One In Charge, tell, Da One wen make da sky an stretch um out. Da One stay spread out da world an eryting dat come out from da groun. He make da peopo on top da earth breave. He make erybody dat walk on top da earth stay alive. He tell da spesho guy dat work fo him,

Isaiah 44:24

Dis one spesho message from Da One In Charge, Da One wen pay da price Fo get you guys outa trouble. He da One wen make you guys Inside yoa muddah. Dis wat he tell: “Me, Da One In Charge. I wen make eryting. I stretch out da sky An no mo nobody wit me dat time. Was ony me, wen I spread out da world.

Isaiah 45:12

I da One wen make da world. I wen make da peopo an put um on top dea. Was me, wen stretch out da sky Wit my hands. I tell eryting inside da sky wat fo do.

Isaiah 48:13

Me, wit my powa, I wen make da foundation fo da earth An spread out da sky an eryting inside dea. Weneva I call da earth an da sky, Dey all stan up.

Isaiah 51:13

How come you guys foget Dat me, Da One In Charge, I da One wen make you?! I spread out da sky An put down da foundation fo da earth. So, how come you guys stay real sked ery day, Cuz you tink bout da peopo dat stay mad An give you guys hard time, Cuz dey huhu wit you guys, An dey stay ready fo wipe out you guys. But wat dey goin do cuz dey mad? Notting!

Jeremiah 27:5

Me, Da One In Charge, I wen make da world, all da peopo, an da animals dat stay on top da earth, cuz I get plenny powa an I use um how I like. I give my powa to anybody I like.

Jeremiah 32:17

“You, Da One In Charge, you da Boss! Fo shua you da One wen make da sky an da world, cuz you strong an you no sked use yoa powa. I know, no mo notting stay too hard fo you fo do.

Zekariah 12:1

Dis wat me Da One In Charge tell bout da Israel peopo. Da One In Charge, da One dat spread out da sky, Dat put down da foundation fo da earth, An make da spirit inside peopo. I tell dis:

Jesus Guys 14:15

“Eh you guys! How come you guys do all dis? Us ony peopo jalike you guys too! We come fo tell you guys da Good Stuff From God. We tell you guys ‘Turn away from all dis no good stuff, an look to da God dat stay alive foeva. He da God dat make da sky, da earth, an da ocean, an eryting inside um.

Jesus Guys 17:24

Da God dat make da world an all da stuff inside um, he Da One In Charge a da sky an da earth. He no stay inside da temples peopo make.

Rome 1:20

Dat mean, from befo time wen God make da world, anybody dat try fo undastan da stuffs God wen make, dey can figga how God stay, no matta dey no can see him. You know, God get dis unreal powa dat goin stay lidat foevas. Az why he stay God fo shua. An erybody can undastan all dat. Az why dey no mo excuse fo how dey ack.

Rome 11:33

Ho, God! He unreals smart! God, he know how fo use all his smarts! An he know eryting! No mo nobody undastan how he make up his mind! No mo nobody can figga out how come God do wat he do! Jalike da Bible tell befo time:

Jesus Show 4:11

“You Da One In Charge a us guys, An you oua God! You stay spesho fo get da right Fo erybody tell dat you stay awesome An show respeck fo you, An let you take charge a dea powa. Cuz you wen make eryting Fo be how you like.”