Jeremiah 50:7 - Hawaii Pidgin Bible

⁷ Anybody dat find dose sheeps eat um up! Da ones dat stay agains my peopo tell: ‘Poin finga dem, not us guys, fo us eat um lidat! Cuz was dem, not us, dat wen do bad kine stuff agains Da One In Charge An Da One In Charge, he jalike da fo real kine grass land, He da fo real kine res place fo his sheeps. Da One In Charge, he da One dea ancesta guys wen wait fo.’

Jeremiah 50:7 ပူးပေါင်းရင်းမြစ်များ

Songs 71:5

You my boss, an I stay shua Dat bumbye you goin do Good tings fo me. Eh! You Da One In Charge! From da time I was one young boy, I still stay trus you.

Songs 79:7

Cuz dem, dey kill us peopo Dat get Jacob fo oua ancesta, An dey bus up da land Wea us guys live.

Songs 90:1

Eh Boss! From oua ancesta guys time till now, You jalike oua home!

Songs 91:1

Da God Dass Mo Importan Den All Da Odda Gods, He stay hide you Inside his secret place. Cuz he Da God Dat Get All Da Powa, He let you stay wit him Fo no mo notting hurt you.

Isaiah 47:6

I wen stay huhu wit my peopo. An make to my peopo Jalike dey no stay spesho fo me. I wen give my peopo to you Babylon guys, An you neva even give dem chance. You even make da ol peopo suffa plenny, An make dem carry one heavy load.

Isaiah 56:9

Da One In Charge tell: “Eh, all you wild animals From my boonies! Go come an eat stuff, Even all you wild animals From da fores!

Isaiah 9:12

Da Aram peopo from da east side, An da Filisha peopo from da west side, Dey go agains da Israel peopo An dey win ova um. An Da One In Charge stay huhu wit da Israel peopo still yet, An he stay ready fo bus um up.

Jeremiah 10:25

Mo betta you throw yoa huhu On top da nations dat donno you, An wit da ohanas dat donno wat kine god you, An dey no call you fo help dem. Cuz dem, dey kill us peopo dat get Jacob fo oua ancesta, An dey bus up da land wea we live.”

Jeremiah 14:8

You da One us Israel peopo wait fo. You da One stay get us outa trouble Wen we get hard time. So! How come you ack Jalike one guy from anodda place dat donno us?! How come you ack Jalike you ony stay hea one nite?!

Jeremiah 17:13

You Da One In Charge, da One us Israel peopo wait fo! Erybody dat bag from you goin come shame. Da peopo dat no go yoa way, Ony get one place wea somebody goin write dea name: Az on top da dirt. Cuz dey wen bag from you, Da One In Charge. No matta you jalike one watta spring fo dem Wea da watta come out all da time an make peopo come alive.

Jeremiah 2:3

Dat time, you Israel peopo wen stay spesho fo me, Da One In Charge, Jalike you guys was da firs food from da harves Dat peopo give to me. Anybody eat up dat food an no give um to me, Dey goin get blame fo dat. An all da bad kine stuff goin come on top dem.’ ” Dass da message from Da One In Charge.

Jeremiah 31:23

Dis wat Da One In Charge, da God Ova All Da Armies, da God fo da Israel peopo, tell: “Da peopo inside da Judah ohana land, dat live inside da towns ova dea, I goin bring dem back from wea dey stay prisonas. An wen I do dat, dey goin talk lidis one mo time: “ ‘I like fo Da One In Charge do good kine stuffs fo Jerusalem town, Cuz da One Dat Do Wass Right Erytime, live dea. I like him do da same ting fo da hill dat stay spesho fo Da One In Charge!’

Jeremiah 33:15

“Dat time, I goin make one guy from da King David blood line come up, One guy dat stay do wass right erytime, Jalike one new branch come out from one tree. He goin make shua get good judge guys Dat stay do wass right inside da land.

Jeremiah 33:16

“Dat time, da Judah peopo no goin be slaves no moa. Da Jerusalem peopo goin make house An no need worry somebody goin hurt um. Dey goin give Jerusalem town one name dat mean, ‘Da One In Charge, da one dat do right fo us guys erytime.’

Jeremiah 5:17

Dey goin eat up all da food you guys harves, An all da odda food you get. Dey goin kill all yoa kids. Dey goin eat all yoa cows, sheeps, an goats. Dey goin eat all yoa grapes an figs. No matta you guys trus da big towns dat get strong wall fo proteck you, Dey still goin wipe out all da peopo inside da towns wit dea swords.”

Jeremiah 50:14

“Erybody dat know how fo use da bow an arrow, Make ready fo fight all aroun Babylon! Shoot arrows at dem! No hold back da arrows! Cuz da Babylon peopo Wen do bad kine stuff agains Da One In Charge.

Jeremiah 50:17

“Da Israel peopo, dey stay run all ova da place Jalike sheeps an goats wen da lions chase um. Da firs lion fo eat um was da Assyria king. Da nex lion was Nebukadnezzar da Babylon king. He grind da meat off dea bones.”

Jeremiah 50:33

Dis wat Da One In Charge, da God Ova All Da Armies, tell: “Da Israel peopo stay suffa plenny, An da Judah peopo too. All da Babylon guys dat wen make dem prisonas, No like let um go.

Ezekiel 34:5

So dey scatta all ova da place cuz no mo sheep guys. Den da wild kine animals eat dem up.

Ezekiel 35:12

Den you Edom guys goin know, dass me Da One In Charge wen hear all da bad kine stuff you guys tell agains da Israel peopo an dea mountains. You guys tell, “Odda guys wen wase da Israel mountains, an dey give um to us guys. Now us guys goin eat um up!”

Daniel 9:16

Boss, you do eryting right. So I tell I like you fo pau stay huhu agains us guys, an no stay mad no moa. We come from Jerusalem, yoa big town, da hill dat stay spesho fo you. All da peopo aroun us stay laugh at us guys an poin finga us cuz a all da bad kine stuff we stay do, an da bad kine stuff oua ancesta guys wen do.

Daniel 9:6

We neva lissen da guys dat work fo you an talk fo you. Dey talk fo you cuz dey know wat kine god you. Dey wen talk to oua king guys, oua leada guys, an oua ancesta guys, an all da odda peopo inside da land.

Zekariah 1:15

But I stay real huhu wit da odda peopos dat tink notting bad goin happen to dem. Befo time I stay ony litto bit huhu, but dose guys wen make mo worse tings happen to my peopo.’

Zekariah 11:5

Wen guys buy sheeps, you know, dey goin kill um, an dey no tink dey do someting bad. Da guys dat sell da sheeps tell, ‘Talk good bout Da One In Charge! Cuz now I stay rich!’ Even da guys dat take kea da sheeps, dey no show pity fo da sheeps.”

1 Timoty 1:1

Aloha, Timoty! Dis letta from me, Paul. God wen tell me fo go all ova fo tell peopo da Good Stuff Bout Jesus Christ. God, he take us outa da bad kine stuff we do. Jesus, da Spesho Guy God Wen Sen, all us guys stay wait fo see him an come jalike him.