Jeremiah 50:46 - Hawaii Pidgin Bible

⁴⁶ Wen da odda armies take ova Babylon town, Da noise goin make da earth shake. Da Babylon peopo goin yell loud fo help. An all da diffren peopos goin hear dat.

Jeremiah 50:46 ပူးပေါင်းရင်းမြစ်များ

Isaiah 15:5

Inside I stay cry fo da Moab peopo. Da peopo from dea run all da way to Zoar town An to Eglat-Shelishiyah. I stay cry cuz dey go up da way fo go to Luhit, An dey still stay cry wen dey stay going. I stay cry cuz on top da road to Horonaim, Da peopo stay yell An tell bout dea place Wea eryting stay broke.

Isaiah 5:7

“So, az da story bout dis peopo! Da One In Charge, Da God Ova All Da Armies, His grape field, dass da Israel peopo! An da plantation dat make Da One In Charge feel good inside Wit plenny love an aloha, Dass da peopo from da Judah districk. Da One In Charge wait fo peopo Fo judge da right way, But dey ony stay kill each odda! He wait fo peopo fo do da right ting erytime, But dey ony make each odda yell fo somebody help dem.”

Jeremiah 10:10

But Da One In Charge, he da ony god dass fo real. He da God dat stay alive an stay da king foeva. Wen he come huhu, da earth shake. Da diffren peopos no can handle Wen he no like wat dey do.

Jeremiah 46:12

All da peopos goin hear how you wen lose face. All ova da world, peopo hear you stay yelling real loud. One fighta guy goin trip ova anodda fighta guy. Den da two a dem goin fall down togedda.”

Jeremiah 49:19

“Me, Da One In Charge, I goin come Jalike one lion dat come outa da thick bushes by da Jordan Riva, An go by da fields wea da sheeps stay grind from long time. I goin chase da Edom peopo outa dea land real fas. Den I goin pick whoeva I like fo lead da Edom nation. You tink get somebody jalike me, o wat?! You tink get somebody can face me, o wat?! You tink get one leada guy dat can face me, o wat?! No ways!”

Jeremiah 49:21

Wen da Edom peopo fall down, Da earth goin shake! Erybody goin hear um all da way to da Red Sea.

Jeremiah 51:29

Da land shake an move jalike stay hurt, Cuz Da One In Charge know wat he like do, An fo shua he goin do um! He goin wase da Babylon land, So dat no mo nobody goin live ova dea.

Jeremiah 51:54

“You know wat?! Can hear peopo yelling from inside Babylon fo somebody help dem! Can hear one loud crash from inside dea land!

Ezekiel 26:18

Wen dis happen, da peopo dat live on da coast Goin come sked an shaking wen you Tyre guys come all bus up. Da peopo dat live on top da odda islans Goin come sked too cuz you guys had it.’

Ezekiel 27:28

“ ‘Da small mainlan towns nea Tyre goin shake, Wen yoa bestes boat crew guys yell fo help.

Ezekiel 31:16

Wen da big tree fall down, da noise make all da peopos come sked. Dass how I make dem shake. I make da tree fall down inside da Mahke Peopo Place, jalike all da odda ones dat go down inside da Deep Dark Hole. Den all da trees inside Eden, da bestes ones inside Lebanon, all da ones dat drink plenny watta, dey feel mo good inside. Az cuz da big tree stay wit um down dea unda da groun.

Ezekiel 32:10

I goin make plenny peopo bum out cuz a wat goin happen to you. Dea kings goin come sked an shaking an come bum out cuz a you, Wen I wave my sword aroun in front dem. Da time you fall down, dey all goin shake an come sked, Cuz dey donno if dey goin stay alive, o not.’