Jeremiah 50:36 - Hawaii Pidgin Bible

³⁶ Goin get war Agains da guys dat bulai An tell, dey can find out stuff from dea gods. Dey goin ack stupid cuz dey donno Da One In Charge! Goin get war Agains dea bestes army guys. All dose guys goin come real sked.

Jeremiah 50:36 ပူးပေါင်းရင်းမြစ်များ

2 Samuel 15:31

Somebody tell David, “Ahitofel, he one a da guys dat stay make one plan wit Absalom fo take ova da govmen.” So David pray to Da One In Charge, “Eh! You Da One In Charge! Wateva Ahitofel tell Absalom az good fo him do, make wat he tell come pupule, aah?!”

2 Samuel 17:14

Absalom an all da Israel guys tell, “Wat Hushai da Ark guy tell us fo do, mo betta den wat Ahitofel tell us fo do.” (Cuz you know, Da One In Charge wen plan awready fo jam up wat Ahitofel tell fo do. He do dat fo Da One In Charge make bad kine stuff happen to Absalom.)

2 Records 25:16

Wen he still yet stay talk, da king tell him, “Eh! Us give you da job fo tell yoa king wass good fo him do, o wat?! Stop! No good my guys kill you!” So da guy dat talk fo God stop. But he tell, “Fo shua God tell awready wass good fo do. He goin wipe you out! Az cuz you wen bring dose odda gods hea. You no lissen wen I tell you wass good fo do!”

Isaiah 43:14

Dis, da message from Da One In Charge, Da One dat pay da price Fo get you guys outa trouble, Da Good An Spesho God fo da Israel peopo. He tell: “Fo help you guys, I goin sen army guys Babylon side. I goin make da Babylon peopo run away on top da boats Dat befo time dey make um look real nice. I goin make dem go down da Eufrates riva An run away.

Isaiah 44:25

I da One dat jam up da sign Da fake talka guys use Fo tell wat goin happen. Da guys dat try fo find out Wat goin happen bumbye, I show da peopo dat dey stupid. I turn aroun da stuff Dat da guys talk bout dat suppose to know wat fo do, An I make eryting dey know Show dat dey donno notting.

Jeremiah 48:30

I know dey make tantaran an come piss off fas, But az all fo show. Dey all mout, But dey no can do wat dey tell dey goin do.” Az wat Da One In Charge tell.

Jeremiah 49:22

Look! One nation stay come! Jalike one eagle dat stay fly high An den come down fas. Da eagle spread his wings fo attack Bozrah town. Dat time, da Edom army guys, Goin suffa, jalike one wahine Dat suffa wen she born one bebe.

Jeremiah 50:30

Az why da young guys from Babylon Goin mahke on top da streets. All dea army guys goin mahke dat time, An eryting goin come real quiet.” Az wat Da One In Charge tell.

Jeremiah 51:23

I goin use you fo bus up da sheep guys an dea sheeps, Fo bus up da farma guys an da cows dey use fo plow. Fo bus up da govnas an da govmen peopo.”

Jeremiah 51:30

Da Babylon army guys, Dey no fight no moa. Dey stay inside dea strong wall. Dea powa all dry up. Dey come jalike wahines. Dea houses all burn down an dea town gates all broke.

Jeremiah 51:32

Dey take ova da places wea peopo walk ova Da odda side a da riva! Dey even burn da swamp! Dass why da Babylon army guys come real sked!’ ”

Nahum 2:8

Nineveh town jalike one pool dat leak all da time, An da peopo jalike da watta dat run out. But now, peopo yell, “Stop! Stop!” But no mo nobody turn aroun an come back.

Nahum 3:13

Look yoa army guys! Dey weak, jalike da wahines! Da gates inside yoa land, Dey stay wide open fo da guys dat stay agains you come inside! Da fire goin burn up da bars fo lock da gates.

Nahum 3:7

Erybody dat see you Nineveh peopo Goin run away from you an tell, ‘Nineveh stay all bus up! No mo nobody goin stay sad bout Nineveh!’ No can find nobody goin make you guys feel mo betta inside!”

1 Timoty 4:2

Dey tell one ting an do da odda, an dey bulai. Inside notting bodda dem wen dey do wass wrong, an dey no feel sorry notting wen dey do bad kine stuff.

1 Timoty 6:4

dey get big head an no undastan notting. Dey erytime like make argue an squawk bout wat somebody tell. Dey look at odda peopo an tell dey like come jalike dem. Dey beef bout stuff. Dey talk bad. Dey tink bad kine stuff bout erybody.

Jesus Show 19:20

But da Guy on top da horse win agains da Wild Animal, an agains da guy dat tell he talk fo God but he bulai. Da Bulaia Guy do all kine awesome stuff fo show dat da Wild Animal get powa. Az how he bulai all da peopo dat get da Wild Animal mark on top dea forehead, an dat go down an pray to his statue. Den da Guy dat stay ride da horse throw da Wild Animal an da Bulaia Guy inside da lava lake dat stay burn wit sulfur.

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.

Jesus Show 22:15

Outside da town get da peopo dat dey jalike dogs, da peopo dat put kahuna on top watevas, da peopo dat fool aroun somebody, da peopo dat like murda oddas, da peopo dat go down an pray to da idol kine gods, an erybody dat like fo bulai peopo.