Jeremiah 50:35 - Hawaii Pidgin Bible

³⁵ Da One In Charge tell: “Goin get war Agains da peopo dat live inside Babylon, An agains dea leada guys An dea guys dat know wat fo do erytime!

Jeremiah 50:35 ပူးပေါင်းရင်းမြစ်များ

Isaiah 29:14

Az why I goin do dis awesome ting One mo time fo dis peopo, All plenny kine stuff, ova an ova. All da stuff dat da guys tell Dat know wat fo do erytime, Goin all come wipe out. An all da stuff dat da guys tell Dat undastan stuff, Nobody goin know wat dey know, bumbye.”

Isaiah 41:25

“I wen make one guy come from da north side. He come dea from da place wea da sun come up. He know my name cuz he know who me. Dis guy walk all ova da guys in charge a da countries, Jalike dey mud, Ready fo make pots wit da clay.

Isaiah 44:25

I da One dat jam up da sign Da fake talka guys use Fo tell wat goin happen. Da guys dat try fo find out Wat goin happen bumbye, I show da peopo dat dey stupid. I turn aroun da stuff Dat da guys talk bout dat suppose to know wat fo do, An I make eryting dey know Show dat dey donno notting.

Isaiah 45:1

Dis one spesho message from Da One In Charge Fo one guy he pick awready: “Dis fo King Cyrus! I take his right hand fo help him, Cuz I goin make him win Wen he go afta da peopo inside odda countries. I goin take away da sword an sword belt From da odda kings, so dey no can fight. Az how I goin open doors fo Cyrus go inside. Even da big town gates no goin stay shut in front him!

Isaiah 66:16

Da One In Charge goin use da fire an his sword Fo punish all da peopo jalike one judge. Da One In Charge goin wipe out plenny peopo.

Jeremiah 10:7

Erybody gotta get choke respeck fo you! Cuz you da king fo all da peopos. Az who you! Da diffren peopos get dea guys dat know wat fo do erytime, An dey get dea kings, But still yet no mo nobody stay jalike you!

Jeremiah 47:6

Da Filisha guys tell, “Ho! Da armies dat stay come, Dey jalike one sword Da One In Charge use. How long da sword goin kill peopo? Da sword no goin go back inside da sword bag. No go kill nobody no moa! You no like res, o wat?!”

Jeremiah 50:27

Kill all da bull kine Babylon army guys! Take um down to da killing place! Ho! Da time stay come fo punish dem.

Jeremiah 50:30

Az why da young guys from Babylon Goin mahke on top da streets. All dea army guys goin mahke dat time, An eryting goin come real quiet.” Az wat Da One In Charge tell.

Jeremiah 51:39

Wen da Babylon peopo all stay amping out, Me, Da One In Charge, goin make one big party fo dem. An dea, I goin make dem come all piloot an wasted, Dey goin all pass out sleep foeva, An no wake up.” Az wat Da One In Charge tell.

Jeremiah 51:47

Cuz fo shua, da time goin come Wen I goin punish da idol kine gods Babylon side. Peopo all ova da Babylon land goin come shame, An peopo inside Babylon town goin fall down an mahke.

Jeremiah 51:57

I goin make um come piloot—dea leada guys, Dea guys dat erytime know wat fo do, An dea govna guys, dea govmen guys, an dea army guys too. Dey all goin go sleep foeva, an no wake up.” Az wat da king tell, Da One dat get da name “Da One In Charge, da God Ova All Da Armies.”

Jeremiah 8:9

Dese peopo dat tink dey know wat fo do erytime, Dey goin come shame. Dey goin come sked Jalike dey fall down inside one trap. Az cuz dey tell “Laytas” to wat Da One In Charge tell. So den, how come you guys tink Dey mo smart fo real? Dey know wat fo do erytime, o wat?!

Ezekiel 14:2

Get one message fo me from Da One In Charge. He tell:

Daniel 5:30

But dat same nite, da Mede army guys kill Belshazzar, da king fo da Babylon peopo.

Hosea 11:6

Cuz a dat, da peopo dat stay agains dem goin use swords Fo attack da Israel towns Dey goin bus up da bars on top da Israel town gates. Da Israel peopo goin make plans, But dey no can do notting!

Prieses 26:25

An I goin bring army guys wit swords agains you guys. Dass how I goin pay back you guys, cuz you guys broke da deal I wen make wit you guys. Wen you guys go back inside yoa towns, I goin sen bad kine sick on top you guys. An da guys dat stay agains you guys goin take ova.

Zekariah 11:17

“Bummahs, fo da sheep guy dat no worth notting! He bag from da sheeps. I like fo somebody wack his arm An his right eye wit one sword! I like his arm come all any kine, An he no can see notting wit his right eye.”