Jeremiah 50:34 - Hawaii Pidgin Bible

³⁴ But da One dat goin get da Israel peopo outa trouble, stay strong. Dass Da One In Charge, da God Ova All Da Armies, Az wat kine god him. He goin stan up fo dem Fo dem res real good inside dea land. But he goin bring trouble Fo da peopo dat live inside Babylon.”

Jeremiah 50:34 ပူးပေါင်းရင်းမြစ်များ

2 Records 6:39

If dey do dat, den I like you lissen from da sky wea you stay an hear wat dey pray, an how dey aks you fo make good to dem. I like you make shua da right ting goin happen fo dem. An let go yoa peopo an hemo dea shame, cuz dey wen do bad kine stuff agains you.

Job 19:25

Fo me, I know da one dat goin help me fo shua stay alive, He da One goin show proof I neva do notting wrong! An he goin stan up fo me wen time fo da las word!

Songs 35:1

Eh! You Da One In Charge! Go agains da guys dat go agains me! Fight da guys dat attack me!

Songs 43:1

Eh God! You da judge Fo show erybody dat I okay. I need fo you show proof Dat I neva do notting bad. Cuz da whole nation, Dey no stay tight wit you! I need fo you rescue me Away one place Wea dey no can hurt me. Away from da ones dat stay bulai An do bad tings to me.

Outa Egypt 6:6

So den, go tell da Israel peopo dis: Me, Da One In Charge. I goin take you guys away from da hard work dat da Egypt peopo make you guys do. Dey make you guys bus ass fo dem, but I goin get you guys outa all dat. I mo strong den da Egypt peopo, an I goin bus um up. I da judge, so I goin punish dem plenny.

Smart Guys 22:23

Cuz Da One In Charge, him goin be da One Dat goin help dose guys in front da judge. An fo da ones dat take away stuff from dem, He goin take away dea life!

Smart Guys 23:11

Cuz God, he da One get da kuleana Fo take kea dem, An he real strong. He goin talk to da judge fo dem, An agains you.

Isaiah 41:14

“No sked, you Jacob guys, No matta you no mo powa, jalike one worm. No sked, you Israel guys! I da One goin help you!” Az da spesho message from Da One In Charge, Da Good An Spesho God fo da Israel peopo, Da One dat pay da price Fo get you guys outa trouble.

Isaiah 43:14

Dis, da message from Da One In Charge, Da One dat pay da price Fo get you guys outa trouble, Da Good An Spesho God fo da Israel peopo. He tell: “Fo help you guys, I goin sen army guys Babylon side. I goin make da Babylon peopo run away on top da boats Dat befo time dey make um look real nice. I goin make dem go down da Eufrates riva An run away.

Isaiah 44:6

Lissen up! Dis one spesho message from Da One In Charge! He da King fo da Israel peopo! He pay da price fo get dem outa trouble! He Da One In Charge, Da God Ova All Da Armies! Dis wat he tell: “Me, I da firs One, An I goin be da las One. No mo anodda God afta dat, ony me.

Isaiah 47:4

Da One dat wen free us guys up From da bad kine stuff we do, Da One In Charge, Da God Ova All Da Armies, Dass his name. Him, da Good An Spesho God fo da Israel peopo.

Isaiah 49:25

But dis, da message from Da One In Charge: “Fo shua, I goin let da prisona guys go From da strong army guys dat wen catch um! Da stuff dat da leada guys steal, I goin get um back! I da One goin fight da guys dat fight you guys. I da One goin get yoa kids outa trouble.

Isaiah 51:22

Dis, one spesho message from Da One In Charge a you guys, From yoa God, da one dat stay help his peopo: “Look! Now I take away yoa trouble. Befo time, I wen make you guys suffa plenny Cuz I stay huhu wit you guys. Jalike I make you guys drink da wine From inside one bowl, An you no can walk good cuz a dat. But you guys no goin get dat kine trouble From me no moa. No way you goin drink from dat wine bowl Again, no moa.

Isaiah 54:5

Az cuz fo my peopo, You jalike da wahine dat get husban now— Cuz jalike I yoa husban, Da One wen make you! Me, Da One In Charge, Da God Ova All Da Armies, Dass my name! I da One dat pay da price Fo get you outa trouble, I Da Good An Spesho God Fo da Israel peopo! Da God Fo Da Whole World, Dass wat dey call me!

Jeremiah 10:16

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Da One In Charge, he Da God Ova All Da Armies, Az wat kine god him!

Jeremiah 15:21

“I goin get you outa da trouble Dat da bad kine guys like make fo you. I goin buy you back so da guys no goin grab you An make you come sked.”

Jeremiah 30:20

Da peopo dat goin come from dem Goin be jalike da ones come from befo time. Da peopo all togedda Goin stan strong in front me. I goin punish anybody dat make hard fo dem.

Jeremiah 31:11

Cuz Da One In Charge goin do wat he gotta do Fo da peopo dat come from Jacob No need be one slave no moa. Jalike he goin buy um back fo dea ohana From da peopo dat mo strong den dem.

Jeremiah 31:35

Dis wat Da One In Charge tell, Da One dat tell da sun fo shine day time, An tell da moon an stars dey suppose to shine nite time, Da One dat make da ocean move So da waves make big noise— Da One In Charge, da God Ova All Da Armies, do dat. Dass wat kine god him!

Jeremiah 32:18

You stay tight wit uku tousan generation a yoa peopo. But wen you pay back peopo fo da bad kine stuff dey wen do, even dea kids get hurt too. You da God dat stay awesome an get plenny powa. Da peopo dat know wat kine god you, dey call you Da One In Charge, da God Ova All Da Armies.

Jeremiah 48:15

Da Babylon army guys Goin go inside da Moab towns An wipe dem out. Dey goin kill dea bestes young guys. Az wat me, Da One In Charge, oua King, da God Ova All Da Armies, tell.

Jeremiah 51:19

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Dass Da One In Charge, da God Ova All Da Armies.

Jeremiah 51:36

Az why Da One In Charge tell dis: “You know wat?! I goin fight fo you guys. I goin pay back da Babylon guys Fo wat dey do to you guys. I goin dry up da place dea watta come from An make dea pukas fo watta come dry.

Sad Song 3:58

Boss, you fight fo me wen I get trouble! You wen pay da price fo let me stay alive!

Joel 2:11

Da One In Charge make noise jalike da thunda. He lead his army guys, Mo plenny den can count um. Dey strong, an dey do wat he tell um fo do. Da time wen Da One In Charge come fo take ova, Erybody goin stay sked an suffa. No mo nobody can hang in dea.

Micah 4:10

Squirm an yell, you Jerusalem peopo! Jalike one wahine dat stay born one bebe. Cuz now you guys gotta go way from da big town, An stay inside da boonies. You guys goin go all da way to Babylon town. Az wea you guys goin get outa dis trouble. Az wea Da One In Charge goin do wat he gotta do Fo get you guys outa trouble From da powa dat da peopo Dat stay agains you guys get.

Micah 7:9

I gotta hang in dea now, Cuz Da One In Charge stay huhu an goin punish me, Cuz I wen do bad kine stuff agains him. But afta dat, he goin talk fo me in front da judge, An make right all da bad kine stuff Dat da guys dat stay agains me wen do. Jalike he goin bring me out wea get light, An I goin see dat he stay do wass right.

Jesus Show 18:8

“Dass why in one day all da big kine troubles Goin come on top Babylon, jalike da wahine. All kine sick goin come. Da Babylon peopo goin come all kine sore inside. No mo notting fo eat. Fire goin come an burn um up. Cuz God, Da One In Charge, get all kine powa, An he goin come fo judge Babylon!”