Jeremiah 50:29 - Hawaii Pidgin Bible

²⁹ “Go tell all da guys dat shoot bow an arrow fo come, Da guys dat know how fo make da bow ready fo shoot, Fo dem go attack Babylon town. Go camp all aroun Babylon. No let nobody get outa dea. Pay dem back fo wat dey wen do. Make to dem jalike dey wen make to da odda peopos. Cuz dey wen get big head an go agains Da One In Charge, Da God Dat Stay Good An Spesho fo da Israel peopo.

Jeremiah 50:29 ပူးပေါင်းရင်းမြစ်များ

Outa Egypt 10:3

So Moses an Aaron go by da Pharaoh guy. Dey tell um, “You betta lissen! Dis wat Da One In Charge tell, da God fo da Hebrew peopo. God tell, ‘Eh! How long you goin tink you no need fo come notting in front me, haa?! Let my peopo go way from hea fo dem make one religious kine ceremony fo me.

Isaiah 37:23

“ ‘Who you wen make shame, Sennakerib?! Who you talk bad bout, aah?! You wen go talk strong agains me! You tink you mo betta den me, Da Good An Spesho God fo da Israel peopo!

Isaiah 47:10

You Babylon guys, you stay shua Dat wen you guys do bad kine stuff You stay okay. Cuz you tell, ‘Nobody see me.’ You tink you know plenny stuff An know wat fo do erytime. Inside, you tell, ‘Me, da ony one! No mo nobody jalike me, ony me!’

Jeremiah 25:14

Da Babylon guys goin be da ones fo come slaves fo strong kings an dea peopos. I goin pay back da Babylon guys fo da bad kine stuff dey do!”

Jeremiah 48:26

“Make da Moab peopo come wasted, Cuz dey tink dey stay mo big den Da One In Charge. Let da Moab peopo roll aroun inside dea bahf Fo erybody stay make fun a dem.

Jeremiah 49:16

You tink you can make peopo come sked a you, An you get big head. But you ony bulai you! You guys stay wea you can hide inside da cliffs, An you guys take ova da top a da hills, Even if you guys make yoa nes high, jalike one eagle, I goin bring you guys down from dea!” Az wat Da One In Charge tell.

Jeremiah 50:24

You Babylon peopo, you wen go fight me, Da One In Charge! Az how come I wen make one trap. An da trap wen catch you guys, An you neva know, had one trap!

Jeremiah 50:26

Go attack Babylon from ery side! Broke down da storage places wea dey stash da wheat an barley! Pile up da stuffs you rip off! Wipe out eryting, Jalike fo make um come one big sacrifice fo Da One In Charge! No let nobody from Babylon stay alive.

Jeremiah 50:32

You peopo wit big head goin trip an fall down. No goin get nobody fo help you guys stan up. I goin make one fire inside yoa towns. An dat fire goin burn up erybody dat stay aroun Babylon town.”

Jeremiah 50:9

Cuz dis wat I goin do: I goin make some peopos come huhu an come togedda Fo make one plan fo attack Babylon town. Da armies from da big countries goin come From da north side. Dey goin make ready fo fight. Dey goin take ova Babylon from da north. Dea arrows, jalike army guys dat no goin miss, An erytime dey goin hit wat dey shoot.

Jeremiah 51:24

Da One In Charge tell: “You goin see wat goin happen wen I pay back da Babylon peopo an erybody dat live ova dea fo all da bad kine stuff dey wen do inside Jerusalem town. An I goin do dat in front you Judah guys.”

Jeremiah 51:3

No give da Babylon bow an arrow guys time fo make ready. No let dem put on dea body armor. No show pity fo da young Babylon guys. Kill all dea army guys jalike dey one sacrifice.

Jeremiah 51:49

“Babylon goin come wipe out, Cuz dey wen kill plenny Israel peopo. Same ting, all ova da world plenny peopo wen mahke Cuz a da Babylon peopo.

Jeremiah 51:56

Wen da army guys go attack Babylon town fo wipe um out, Dey goin make da Babylon army guys dea prisonas, An broke dea bows an arrows. Cuz fo shua, dass da kine God me, Da One In Charge. I goin pay dem back fo eryting dey wen do.

Sad Song 1:9

Dey get da blame fo da bad kine stuff dey do. Az jalike if one wahine get blood on her skirts from her time ery month, Cuz she no tink bout wat goin happen bumbye. Da Jerusalem peopo, dey no tink bout wat goin happen to dem Cuz a da bad kine stuff dey stay do! Da wahine fall down, an dey drop dea jaws. No mo nobody can make her feel mo betta. She tell, “Eh! You Da One In Charge! Try look da hard time us guys get! Cuz da peopo dat stay agains us win awready!”

Sad Song 3:64

Da One In Charge, pay dem back wat dey wen earn, Jalike how dey wen make me suffa!

Daniel 11:36

“Da Syria king goin do watevas he like do. He goin ack jalike he mo big den all da gods. He goin talk mo bad den da peopo eva hear befo, agains da God Dass Mo Importan Den All Da Odda Gods. An eryting goin go good fo him till da time wen God punish him. Cuz wat God tell gotta happen goin happen fo shua.

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Daniel 5:23

You go ack jalike you mo importan den da God dat stay king inside da sky. You wen tell yoa guys fo go bring da fancy kine cups an bowls from da Temple fo dat God. Den you, yoa alii guys, yoa real wifes, an yoa odda wifes drink wine from um. An you talk good bout da silva, gold, bronze, iron, wood, an stone gods—no matta dey no can see, hear, o undastan notting. But you neva tell notting bout how awesome da God dat get da powa fo make you stay alive o fo kill you! He da One stay in charge a eryting you do!

Obadiah 1:15

“Da time stay nea Fo me Da One In Charge take ova all da nations! Jalike you guys wen do to da Israel peopo, I goin do da same ting to you Edom guys!

2 Tessalonika 1:6

God goin do da right ting, you know. Da peopo dat make you guys suffa now, God goin make dem suffa bumbye.

2 Tessalonika 2:4

He da guy dat goin go agains all da religious kine stuff, an go agains all da diffren tings dat peopo call gods. He goin tell he mo betta den dose gods. He even goin take ova God temple an tell he da real God.

Jesus Show 16:6

Cuz dey wen kill da guys dat talk fo you, An yoa odda spesho peopo. Dey make yoa peopo bleed an mahke. Az why you give dose peopo dat stay agains you Blood fo dem drink too, Cuz az wat dey get cuz dey kill yoa peopo.”

Jesus Show 18:6

“Pay um back double! Dass jalike you make dem one drink inside dea cup, two times mo strong!