Jeremiah 50:27 - Hawaii Pidgin Bible

²⁷ Kill all da bull kine Babylon army guys! Take um down to da killing place! Ho! Da time stay come fo punish dem.

Jeremiah 50:27 ပူးပေါင်းရင်းမြစ်များ

Job 18:20

Wen da time come fo judge da bad guys, Peopo from da west side goin come bum out cuz a wat wen happen to dem. An peopo from da east side goin come plenny sked!

Songs 22:12

Da guys dat stay agains me, Dey come all aroun me Jalike plenny wild bull from Bashan side Trap me.

Songs 37:13

But da Boss, he ony laugh At da bad peopo, Cuz he know dat bumbye Dey gotta stan in front him, da Judge.

Isaiah 21:12

Da watcha guy tell um, “Morning stay come, An den da nite come. If you guys ova dea like aks, az okay. Go, den come back one mo time an aks.”

Isaiah 34:6

Da One In Charge, his sword get plenny blood on top! Get fat all ova um From da bebe sheeps an goats fo make sacrifice, Fat from da boy kine sheep kidney Dat he use fo make sacrifice. He goin kill plenny peopo inside da Edom land, Jalike goin get one sacrifice fo Da One In Charge Inside Bozrah, da Edom town.

Isaiah 34:7

He goin kill da wild cows An da odda kine animals fo make sacrifice. He goin kill da young bulls too, An da real big bulls fo make sacrifice. Goin get blood all ova dea land. Da dirt ova dea goin stick togedda from da fat.

Jeremiah 12:3

But you Da One In Charge, an you know me. You see wat I stay do, An you tes how I tink bout you. Drag dose guys away jalike dey sheeps ready fo da meat market! Pick dem fo kill, wen da time come fo kill dem!

Jeremiah 25:34

“You bad leada guys, You suppose to take kea yoa peopo Jalike da sheep guys take kea dea sheeps. But you goin cry an yell. You guys dat get powa ova yoa sheeps, Roll aroun on top da dirt, Jalike fo one funeral! Now stay yoa time fo you get kill O get chase all ova da place! You guys goin fall down an come bus up Jalike you da kine clay pots dat cost plenny an easy fo broke.

Jeremiah 27:7

All da diffren peopos goin come work fo him, an his boy, an his grankid. But den, da time goin come fo odda peopos an strong kine kings fo take ova his country Babylon, an make him an his peopo work fo dem.

Jeremiah 46:21

Da Egypt guys pay guys from anodda place Fo go fight fo dem. Dey feed um plenny fo dem come Jalike fat young cows dat peopo feed. But even dem, dey goin turn aroun An run away togedda. Dey no goin stan up fo fight. Cuz da time fo dem come all wipe out goin come on top dem, Az da time fo punish dem.

Jeremiah 48:10

“I like fo Da One In Charge put kahuna On top anybody dat tell dey work fo Da One In Charge, But dey ony stay do um half-ass kine! An I like fo him put kahuna On top anybody dat tell dey goin fight fo Da One In Charge, But dey no stay use dea sword fo make peopo bleed!

Jeremiah 48:15

Da Babylon army guys Goin go inside da Moab towns An wipe dem out. Dey goin kill dea bestes young guys. Az wat me, Da One In Charge, oua King, da God Ova All Da Armies, tell.

Jeremiah 48:44

“Anybody run away from wateva make dem real sked an shaking, Dey goin fall down inside one deep hole. An whoeva climb outa da deep hole, Da trap goin catch um anyway. Cuz az time awready Fo me punish da Moab peopo.” Az wat Da One In Charge tell.

Jeremiah 50:11

“Cuz you Babylon guys Stay real good inside, An make jalike you da winnas, Da time you wen rip off my property, You guys wen feel good jalike one young girl kine cow Dat jump aroun all ova da grass. O jalike one strong boy kine horse Dat stay yell cuz he stay real good inside!

Jeremiah 50:31

Dis wat Da One In Charge, da God Ova All Da Armies, tell: “Eh! You get big head. An me, I stay agains you. Da time stay come fo me punish you now.

Jeremiah 51:40

Den Da One In Charge tell: “I goin take da Babylon guys down to da killing place, Jalike dey bebe sheeps, o boy kine sheeps, o goats, Fo da butcha kill um.”

Sad Song 1:21

“Peopo hear me moan, But no mo nobody come fo make me feel mo betta. All da peopo dat stay agains me wen hear I get trouble, An dey dance an sing cuz a wat you, Da One In Charge, wen do. I like you make da tings happen dat you wen promise goin happen, Fo dem suffa jalike I suffa!

Jesus Show 18:10

Dey goin stan far away, cuz dey real sked wen dey see da Babylon peopo suffa. An dey goin tell, “Horraz! Horraz! Babylon, da big town wit plenny powa! An in one hour, you wen come wipe out!”

Jesus Show 19:17

Den, jalike one dream, I see one angel guy dat stan wea da sun stay shine. He talk loud to da scavenja birds dat stay fly in da air, “Go come hea fo da big luau God goin make!