Jeremiah 50:25 - Hawaii Pidgin Bible

²⁵ Me, Da One In Charge, I wen open up my place Wea I keep all my stuffs fo fight, An bring out all da tings I use fo fight Cuz I stay huhu. An I Da One In Charge, da Boss, da God Ova All Da Armies. I get plenny work fo do inside da Babylon land.

Jeremiah 50:25 ပူးပေါင်းရင်းမြစ်များ

Songs 45:3

Tie yoa sword aroun yoa wais! You one real strong guy! You look jalike one king, An you awesome!

Songs 45:5

Sharp, da arrows you shoot! Dey go inside da hearts a da peopo Dat stay agains you, da king. Dey fall down an mahke Unda yoa feets.

Isaiah 13:15

Erybody dat da army guys catch, Goin get stab. Erybody dey grab Dey goin kill dem wit swords.

Jeremiah 50:15

Yell from ery side wen you start fo fight! Da Babylon guys goin give up! Da mos strong part a dea wall goin fall down! Da res a da wall goin come all bus up! Dass how Da One In Charge goin pay um back, So you army guys, pay um back good! Make to dem jalike dey wen make to da odda peopo!

Jeremiah 51:20

“You Babylon guys, you jalike my war club fo fight, My war club fo make war. Wit you, I goin use you fo bus up da peopos, An fo wipe out kings an dea peopos.

Jeremiah 51:25

Da One In Charge tell: “I da One stay agains you Babylon guys, You jalike one volcano dat wipe out da whole earth. I goin use my powa agains you, An roll you off da cliffs. I goin make you jalike one mountain dat stay all burn up.

Jeremiah 51:55

Da One In Charge stay ready fo wipe out Babylon town. He goin make all da big noise from dea come quiet. Da army guys dat goin attack Babylon town Goin poun um jalike wild waves. Goin soun jalike monsta surf.

Amos 3:6

If somebody blow da war trumpet inside one town, Da peopo dea goin tell, “Wassup?! Watch out!” Weneva bad tings happen inside one town, Az Da One In Charge da One make um happen!

Jesus Show 18:8

“Dass why in one day all da big kine troubles Goin come on top Babylon, jalike da wahine. All kine sick goin come. Da Babylon peopo goin come all kine sore inside. No mo notting fo eat. Fire goin come an burn um up. Cuz God, Da One In Charge, get all kine powa, An he goin come fo judge Babylon!”