Jeremiah 50:18 - Hawaii Pidgin Bible

¹⁸ Az why Da One In Charge, da God Ova All Da Armies, da God fo da Israel peopo, tell dis: “Me, I stay ready fo punish da Babylon king an his land, Jalike I wen punish da Assyria king.

Jeremiah 50:18 ပူးပေါင်းရင်းမြစ်များ

Isaiah 10:12

Wen God my Boss pau all he goin do on top Mount Zion inside Jerusalem town wea da Temple stay, den God goin tell, “Now I goin punish da king fo Assyria, cuz he get big head an high nose.

Jeremiah 27:7

All da diffren peopos goin come work fo him, an his boy, an his grankid. But den, da time goin come fo odda peopos an strong kine kings fo take ova his country Babylon, an make him an his peopo work fo dem.

Jeremiah 46:10

But Da One In Charge a me stay in charge a dat day too! He da God Ova All Da Armies! Dass wen he goin pay back Da peopo dat stay agains him. His sword goin kill peopo Till dey all mahke die dead. Cuz Da One In Charge a me, Da God Ova All Da Armies, Goin make sacrifice In da north country by da Eufrates Riva!

Nahum 3:18

Bummahs, you king fo da Assyria peopo! Da guys dat take kea yoa peopo, jalike dey stay sleep. Yoa alii guys stay res. Yoa peopo stay scatta all ova da mountains. No mo nobody goin bring dem back togedda.

Nahum 3:7

Erybody dat see you Nineveh peopo Goin run away from you an tell, ‘Nineveh stay all bus up! No mo nobody goin stay sad bout Nineveh!’ No can find nobody goin make you guys feel mo betta inside!”

Habakkuk 2:8

Cuz you guys wen rip off plenny nations, All da peopos dat still stay alive goin rip off you guys. Az cuz you guys wen make peopo bleed an mahke. An wen wipe out lands an towns an erybody inside um.

Rules Secon Time 32:41

Wen I make my sword sharp an shiny, I goin use um cuz I da judge, I goin punish da peopo dat stay agains me An pay back da peopo dat hate me.