Jeremiah 50:16 - Hawaii Pidgin Bible

¹⁶ Kill erybody dat plant seed Babylon side! Kill erybody ova dea dat harves da food wen da time come! Cuz da army guys goin come wit swords Fo wipe out da Babylon peopo. Let all da peopos dat come from odda countries run back dea peopo! Let um all go back dea land!

Jeremiah 50:16 ပူးပေါင်းရင်းမြစ်များ

Isaiah 13:14

“Den, jalike wen peopo chase da small deer, An jalike wen da sheep no mo nobody dat keep um togedda, Erybody goin go back by dea peopo. Dey all goin run away to dea land.

Jeremiah 25:38

Jalike one lion leave da place wea he stay hide fo hunt, Da One In Charge goin go out lidat too! Az why dat land goin come one skery place fo live. Cuz da guys dat like put presha on dem, Goin bus um up wit swords, An cuz Da One In Charge stay real huhu.”

Jeremiah 46:16

Da One In Charge wen make plenny army guys trip An fall down on top each odda. Dey goin tell each odda, ‘Stan up! Us go back by oua peopo, Da place we wen born, Away from da swords a da guys dat give us hard time.’

Jeremiah 51:23

I goin use you fo bus up da sheep guys an dea sheeps, Fo bus up da farma guys an da cows dey use fo plow. Fo bus up da govnas an da govmen peopo.”

Jeremiah 51:9

“Da peopo from anodda place dat live Babylon side tell, ‘We wen try fo make da Babylon peopo come good. But dey no can come good. Mo betta us bag from Babylon An go back oua land. Cuz wen God punish da Babylon peopo, He goin do um big time, Jalike he pile um up all da way to da sky, To da top a da clouds!’

Joel 1:11

Eh you farma guys! Bum out! You guys dat grow da grapes, cry loud! Stay sore inside bout da wheat an barley, Cuz da food fo harves come all wipe out!

Amos 5:16

“Cuz a wat you guys wen do, dis wat my God, Da One In Charge, tell—he my Boss, da God Ova All Da Armies: “ ‘Inside ery town, goin hear peopo crying fo you guys. Ery open place, ery street, da peopo goin yell, “Bummahs! Bummahs!” Dey even goin tell da farm worka guys Fo go town fo go da funeral, an cry fo you guys cuz you mahke. Da peopo dat know how fo sing da funeral songs, Dey goin pay um fo yell plenny fo you guys afta you mahke.