Jeremiah 50:12 - Hawaii Pidgin Bible

¹² Az why you Babylon guys, Da town dass jalike da muddah fo you guys. Goin come plenny shame. Da place wea you wen born goin come plenny shame. All da odda countries goin come mo importan den Babylon. No mo nobody goin live dea, Cuz too dry an notting grow dea.

Jeremiah 50:12 ပူးပေါင်းရင်းမြစ်များ

Isaiah 14:22

Da One In Charge, Da God Ova All Da Armies, he da One tell dis: “Az me, dat goin stan up an fight Agains da Babylon king guys. Bumbye, nobody goin even rememba Da name a da Babylon peopo. No mo no Babylon guys goin stay, Same ting fo dea kids An da ones dat come from dea kids.” Az how goin be, Da One In Charge, Da God Ova All Da Armies, tell.

Isaiah 23:13

Look! da Babylon land! Da peopo dat live dea, Befo time, nobody know who dem. Da Assyria guys wen use da Babylon land Fo da wild animals dat stay inside da boonies. But layta, az da Babylon peopo from da boonies Build towas fo fight Tyre town. Dey rip off eryting inside da palaces inside da town, An leave all da rubbish wea had house.

Jeremiah 12:14

Dis wat Da One In Charge tell: “All da real bad kine peopos dat live nea me, dey like grab da land I wen give to my Israel peopo fo come dea property. I goin throw out dose bad peopos from dea land. But I goin throw out da Judah ohana from dea land too!

Jeremiah 15:9

Even da muddahs dat wen born seven boys Goin come weak an pass out. All dea boys gone awready. Jalike da sun no shine fo dem no moa, even if stay day time. Dey goin come shame, an donno wat fo do! Da res a da guys dat stay alive still yet I goin make da guys dat stay agains dem make war an kill um.” Az da message from Da One In Charge.

Jeremiah 22:6

Dis wat Da One In Charge tell bout da palace fo da Judah king: “No matta da palace nice looking An stay fo me jalike da Gilead fores An da fores on top a da Lebanon Mountains, I goin make um come jalike da boonies, Jalike one town dat no mo peopo.

Jeremiah 25:12

An Da One In Charge tell: “But wen da seventy year pau, I goin punish da Babylon king an his peopo an wipe out dea land, cuz dey get da blame fo da bad kine stuff dey wen do. An I goin wipe out dea land foeva, an dis goin make peopo come shock foeva.

Jeremiah 25:26

all da king guys from da north, nea an far, one afta anodda— all da king guys land dat get on top da earth. An afta all dose guys, da king fo Sheshak (az one secret name fo Babylon, you know) gotta drink um too.

Jeremiah 49:2

But Da One In Charge tell: “Az why da time goin come Wen I goin make erybody hear Da trumpet blow fo war Agains Rabbah town, Da main town fo da Ammon guys! Rabbah goin come one big pile a dirt Cuz all da houses goin come bus up. All da towns aroun Rabbah goin burn down. Den da Israel guys goin kick out Da Ammon guys dat wen kick dem out befo time.” Dass wat Da One In Charge tell.

Jeremiah 51:43

Da small towns aroun Babylon goin come wasted, All dry up jalike da boonies, Wea nobody live, An nobody go thru dea.

Jeremiah 51:47

Cuz fo shua, da time goin come Wen I goin punish da idol kine gods Babylon side. Peopo all ova da Babylon land goin come shame, An peopo inside Babylon town goin fall down an mahke.

Galatia 4:26

But get anodda Jerusalem inside da sky, dat come from God fo da peopo dass not slaves. Az jalike oua muddah Sarah, dass not one slave.

Jesus Show 17:5

Da wahine get one sign on top her forehead wit her name, dat nobody know befo: “Babylon, Da Big Town: Da Muddah Fo All Da Hoaz, Da Muddah Fo All Da Peopo All Ova Da World Dat Do Da Real Bad Kine Stuff.”