Jeremiah 5:28 - Hawaii Pidgin Bible

²⁸ Dey come momona an dea skin come nice. Dey do plenny bad kine stuff an no stop. In front da judge dey no try help da kids dat no mo faddah Fo make shua da kids get wat dey suppose to get. Dey no do notting Fo help da pooa peopo dat need help get dea rights.”

Jeremiah 5:28 ပူးပေါင်းရင်းမြစ်များ

Job 12:6

Eryting stay quiet inside da tents Wea da guys live dat like bus up eryting. An inside da tents wea da guys live Dat make God come huhu, No mo nobody bodda dem. Az jalike dey carry dea idol kine gods wit dem.

Songs 119:70

Dey get hard head an stay pupule. But me, wen I lissen yoa Rules, Dat make me come all good inside.

Songs 72:4

Wen da king judge his peopo, I like fo him make shua Fo help da pooa ting guys. An fo da ohanas dat need plenny, I like fo da king get um outa trouble An poun da ones Dat like take away dea rights.

Songs 73:12

Dass how da peopo Dat do bad kine stuff stay. No mo notting bodda dem any time. Dey stay make Mo an mo plenny money.

Songs 73:4

Da bad guys, no bodda dem Dat dey goin mahke. Dey get plenny fo eat.

Smart Guys 15:25

Da big head guys, Da One In Charge broke down dea place Wea dey get all dea stuff. But fo da widow, He make shua nobody steal her land, Even litto bit.

Isaiah 1:23

Yoa leada guys, dey go agains me. Dey hang aroun wit steala guys. Dey all like get unda da table kine money Fo eryting dey do. Dey no make jalike one good judge Fo kokua da kids dat no mo faddah o muddah. Dey no even tink notting Bout kokua da widow wahines.

Jeremiah 12:1

“You, Da One In Charge. You erytime judge da right way Weneva I tell you I get one problem. Still yet, I like talk to you Bout how you tink wass right an wass wrong. How come da bad kine guys come out okay erytime, aah?! How come all da peopo dat you no can trus live one easy kine life?!

Jeremiah 2:33

You guys know fo shua how fo make da odda gods love you! You can even teach hoaz da way fo do da mos baddes kine tings!

Jeremiah 22:3

“ ‘Dis wat Da One In Charge tell: Inside dis place, judge da right way an do wat stay right. Make shua da guys dat rip off peopo no hassle da ones dey wen steal from da firs time. Fo da guys not from dis place, an da guys dat no mo faddah o muddah, o da wahines dat no mo husban, no go do stuff fo hurt dem o bus um up. No go kill somebody dat neva do notting wrong.

Jeremiah 7:6

You guys no goin give hard time to da peopo from odda places dat stay live wit you guys, o da kids dat no mo faddah, o da widow wahines. You guys no goin go kill da peopo dat neva do notting wrong inside dis land. You guys no goin stay tight wit odda gods cuz dat goin hurt you guys.

Amos 4:1

Amos tell dis too: “Eh! You Samaria wahines! Lissen up! You guys jalike da fat cows from Bashan Dat eat grass on top da hills Samaria side! You wahines give hard time to da peopo dat no mo powa An you make any kine to da peopo dat no mo notting. You guys erytime tell yoa husban, ‘Bring mo booze!’

Zekariah 7:10

No put presha on da widows o da kids dat no mo faddah, o da peopo from anodda place, o da peopo dat no mo notting. No make plan fo scam each odda.

1 Corint 5:1

Fo real, some peopo tell dat one a you church guys stay fool aroun ova dea. Da guy stay do one mo worse ting den da peopo dat donno God. He even sleep wit his step muddah!

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.