Jeremiah 5:26 - Hawaii Pidgin Bible

²⁶ “Some a my peopo, dey real bad kine guys. Dey hide an wait fo grab peopo, Jalike da guys dat trap birds, Jalike dey put one trap fo wipe out odda guys.

Jeremiah 5:26 ပူးပေါင်းရင်းမြစ်များ

Songs 64:5

Dey make one plan fo do bad tings, An dey make shua dey do um. Dey talk story plenny bout how Dey goin put up dea traps. Dey tell, “Nobody goin see us!”

Smart Guys 1:11

No matta dey tell, ‘Try come wit us. We goin hide an go jump whoeva stay come, Den we kill um. Cuz no mo notting else fo do, aah?

Isaiah 32:7

Da guys dat fool erybody, Eryting dey do, stay bad. Dey make one plan fo do real bad kine stuff. Az how come dey bulai Da peopo dat no mo notting Fo wipe dem out, No matta da peopo dat fo real kine need stuff Even wen dey get um right in front da judge.

Isaiah 58:1

Da One In Charge tell: “Yell real loud! No hold back! Jalike one trumpet, make um loud! Tell my peopo, da one dat come from Jacob, How dey go agains me An do bad kine stuff!

Jeremiah 18:20

You goin do good kine tings fo dem Wen dey stay do bad kine tings fo me, Jeremiah, o wat?! Jalike dey dig one big hole fo kill me. No foget dat I wen stan in front you An aks you fo do good kine tings fo dem, So you no stay huhu wit dem.

Jeremiah 18:22

Wen you bring army guys dea An dey donno dey stay coming, Let peopo hear dem scream fo help from inside dea house! Dey dig one big hole fo catch me An dey hide traps fo catch my feets.

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Jeremiah 9:8

Wateva dey tell, az jalike one poison arrow Cuz dey bulai. Dey tell dea frenz, ‘I like eryting come good fo you,’ But inside, dey make plan fo jump um an kill um.

Micah 6:10

Da One In Charge tell: ‘You guys tink I still yet goin foget da real bad guys? Da way dey bulai how dey measure da wheat, An stash da stuffs dey wen steal inside dea house?! No ways I goin let um do dat!

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Luke 5:10

James an John, dey Zebedee boys, an dey fishamen dat work togedda wit Simon. Dey blow dea mind too. Jesus tell Simon, “No sked. Jalike you guys fish fo fish, from now you guys goin fish fo peopo!”