Jeremiah 5:17 - Hawaii Pidgin Bible

¹⁷ Dey goin eat up all da food you guys harves, An all da odda food you get. Dey goin kill all yoa kids. Dey goin eat all yoa cows, sheeps, an goats. Dey goin eat all yoa grapes an figs. No matta you guys trus da big towns dat get strong wall fo proteck you, Dey still goin wipe out all da peopo inside da towns wit dea swords.”

Jeremiah 5:17 ပူးပေါင်းရင်းမြစ်များ

Isaiah 62:8

Da One In Charge make dis promise Cuz he get da powa fo make um happen: “No mo I goin eva let Da peopo dat stay agains you Take away yoa wheat an barley. I no goin eva let Da peopo from anodda place Drink da new wine You guys wen bus ass fo make.

Isaiah 62:9

But da guys dat harves da wheat, Dey da ones goin eat um An tell good stuff bout Da One In Charge. An da guys dat harves da grapes, Dey da ones goin drink da wine Inside da open lanai fo da Temple Dat Stay Spesho Fo Me.”

Isaiah 65:22

Not like befo time, Wen you build house, Odda peopo take um away an live inside um. O you plant stuff, Odda peopo take um away an eat um. Dass how was! Jalike one tree can live long time, My peopo can live long time too. All da stuff da peopo I pick make wit dea hands, Dey goin use um, long time.

Jeremiah 1:15

I stay ready fo call all da peopo fo come From da kings inside da lands on da north side.” Dass da message from Da One In Charge. “Da north side kings goin come put dea thrones ova hea, Outside da gates fo Jerusalem town. Dey goin come attack all da walls aroun Jerusalem. An all da odda towns inside Judah.

Jeremiah 25:37

Da places wea da sheeps stay Wea eryting stay quiet, Dose places goin come all wipe out. Cuz Da One In Charge stay real huhu An he goin burn up eryting.

Jeremiah 4:26

I look, an da land dat wen get plenny fruits, Now ony get boonies dea. All da towns stay bus up, Cuz Da One In Charge stay real huhu.”

Jeremiah 4:7

“Get one guy, Jalike he one lion dat come outa da place he hide. His army guys goin wipe out plenny peopos. Dey wen go way from dea place Fo come wase yoa land An make erybody come bum out. Yoa towns goin come all bus up Cuz no mo nobody goin stay ova dea.

Jeremiah 5:18

Da One In Charge tell dis too: “But wen dat happen, I still yet no goin wipe out all you guys.

Jeremiah 50:17

“Da Israel peopo, dey stay run all ova da place Jalike sheeps an goats wen da lions chase um. Da firs lion fo eat um was da Assyria king. Da nex lion was Nebukadnezzar da Babylon king. He grind da meat off dea bones.”

Jeremiah 50:7

Anybody dat find dose sheeps eat um up! Da ones dat stay agains my peopo tell: ‘Poin finga dem, not us guys, fo us eat um lidat! Cuz was dem, not us, dat wen do bad kine stuff agains Da One In Charge An Da One In Charge, he jalike da fo real kine grass land, He da fo real kine res place fo his sheeps. Da One In Charge, he da One dea ancesta guys wen wait fo.’

Jeremiah 8:13

Dis anodda message too, from Da One In Charge: “I goin take away da food dey stay harves. No goin get grapes on top da grape plants. No goin get figs on top da fig trees. All da leafs goin dry up an fall down. All da tings I wen give dem, I goin take away from dem, An goin go some odda place!”

Jeremiah 8:16

From da Dan ohana land north side We hear da noise From da horses dat da army guys use dat stay agains us! Wen dea strong horses make noise, All da Judah peopo stay shake an come sked. Da army guys stay come Jalike dey goin eat up da land an eryting inside um, An Jerusalem town an all da peopo dat stay live dea.”

Sad Song 2:12

Dey tell dea muddahs, “Wea someting fo eat an drink?” Dey pass out jalike army guys dat stay all bus up On top da open squares inside Jerusalem. Dey stay alive fo ony short time inside dea muddahs arms.

Sad Song 2:2

Jalike da Boss wen wase all da houses fo da Jacob peopo. He no mo pity fo dem. He bus up da strong wall aroun da Judah peopo, Cuz he stay real huhu agains da peopo. He make da king an da princes lose face. He bring um down to da groun, Cuz nobody get respeck fo dem now.

Ezekiel 36:4

Az why you Israel mountains gotta lissen up wat Da One In Charge, da Boss, tell! He stay talk to da mountains an hills, da gulches, da valleys, da places dat stay skery cuz dey all wipe out. He stay talk to da towns dat erybody bag from too. Da odda peopos aroun you guys wen rip off dose towns an make fun of um.

Hosea 2:12

I goin wipe out her grape plants an her fig trees Dat she tink, ‘Da guys dat make sex wit me wen give me dis fo pay me!’ I goin make her trees grow thick togedda Fo ony da wild animals eat all da fruits.

Hosea 8:14

“Da Israel peopo foget me, da One dat wen make dem. Dey build palaces. Da Judah peopo make one strong wall aroun plenny towns. But I goin burn down all dea strong towns An dea strong wall.”

Joel 2:3

In front dem, da fire burn up eryting. Behind dem, da fire burn too. In front dem, da land stay jalike da place God wen plant, Eden side. Behind dem, da land stay wasted jalike da boonies. No mo notting get away from dem.

Prieses 26:16

If you guys make lidat, den fo shua I goin do dis to you guys: Right den an dea I goin make you guys come real sked. I goin give you guys da kine sick dat you no goin come good, an wit fever dat goin make you guys eyes come so you no can see, an make you guys weak, an den you goin mahke. You guys goin plant seed fo notting, cuz da peopo dat stay agains you guys goin eat da food dat grow dea.

Zefaniah 3:6

Da One In Charge tell: “I wen wipe out plenny peopos. Dea big towns dat get strong wall stay all bus up. No mo nobody stay inside dea streets. No mo nobody go thru dea. Dea big towns stay all wipe out. No mo nobody stay dea.

Malakai 1:4

“Da Esau peopo dat live inside da Edom land tell: Us guys stay all bus up, but we goin come back an build eryting dat wen get smash! “But me, Da One In Charge, Da God Ova All Da Armies, I tell: Wateva dey goin build, I goin bus um up. Wen odda peopos talk bout dem, dey goin call da Esau land ‘da land wea peopo dat do bad kine stuff stay,’ an ‘da peopo dat Da One In Charge put kahuna on top dem foeva’

Rules Secon Time 28:33

One peopo dat you donno goin eat da food from yoa land dat you wen work hard fo grow. You guys no goin get notting fo keep, you ony goin get hard time erytime.