Jeremiah 5:15 - Hawaii Pidgin Bible

¹⁵ Da One In Charge tell, “Eh, you Israel ohana peopo! I goin make one peopo from far away Come attack you guys. Dey was dea from long time. You guys donno dea language. An you guys no undastan wat dey talking.

Jeremiah 5:15 ပူးပေါင်းရင်းမြစ်များ

Start 11:7

So! I goin go down dea by dem an jam up dea language. Den no goin get nobody dat undastan each odda.”

Songs 81:5

Da time God wen go Agains da Egypt peopo, He wen tell da ones Dat come from Joseph Wat dey suppose to do. I wen hear one voice Dat I neva know who dat. Da voice tell:

Isaiah 28:11

Cuz dey no like lissen, God goin sen odda peopo fo talk to dem, Army guys from anodda place Wit da kine language dey no undastan! Still yet, God goin talk to his peopo,

Isaiah 29:3

Jalike King David time, I goin make army guys come make camp An go circle aroun da town. I goin put army guys wea dey stay ready Fo fight you guys. I goin tell um fo pile up dirt Fo walk on top da wall.

Isaiah 29:6

From me, Da One In Charge, Da God Ova All Da Armies, Goin come time fo make eryting come good. Goin get thunda, An da groun goin shake, an get big noise. Goin get strong wind, an storm, An fire dat goin wipe out eryting.

Isaiah 33:19

Dose Assyria guys Dat no kea how dey make to you guys, Dose peopo dat talk funny kine An no can undastan dem, You no goin see dem no moa.

Isaiah 39:3

Den Isaiah, da guy dat talk fo God, go by King Hezekiah an aks him, “Wat dose guys tell? Wea dey come from?” Hezekiah tell, “Dey come by me from one far place, from Babylon.”

Isaiah 5:26

God goin put up one flag Fo all da peopo inside da lands dat stay far see um. He goin whistle fo dem fo come, Fo dem come togedda fas from one real far place.

Isaiah 5:7

“So, az da story bout dis peopo! Da One In Charge, Da God Ova All Da Armies, His grape field, dass da Israel peopo! An da plantation dat make Da One In Charge feel good inside Wit plenny love an aloha, Dass da peopo from da Judah districk. Da One In Charge wait fo peopo Fo judge da right way, But dey ony stay kill each odda! He wait fo peopo fo do da right ting erytime, But dey ony make each odda yell fo somebody help dem.”

Jeremiah 1:15

I stay ready fo call all da peopo fo come From da kings inside da lands on da north side.” Dass da message from Da One In Charge. “Da north side kings goin come put dea thrones ova hea, Outside da gates fo Jerusalem town. Dey goin come attack all da walls aroun Jerusalem. An all da odda towns inside Judah.

Jeremiah 2:26

“Jalike one steala guy come shame wen da security guys catch um, Az how da Israel ohana come shame— Dem, dea king guys, an dea leadas, Dea pries guys, an dea guys dat suppose to talk fo God.

Jeremiah 25:9

I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.

Jeremiah 4:16

‘Tell da diffren peopos fo watch out! Make shua da Jerusalem peopo hear dis too: “Army guys stay come from one far place. Dey goin camp all aroun da towns an watch! Den wen time fo attack da Judah peopo, Dey goin make big noise agains da Judah towns.

Jeremiah 5:11

Da Israel ohana an da Judah ohana, Da way dey ack, no way I can trus dem!” Az wat Da One In Charge tell.

Jeremiah 6:22

Dis wat Da One In Charge tell: “Look! Get army guys stay come from da north side. Peopo from da mos far part a da world Stay make ready fo war.

Jeremiah 9:26

Da Egypt guys, da Judah guys, da Edom guys, Da Ammon guys, da Moab guys, An all da ones dat live inside da boonies Dat cut dea hair spesho fo dea gods. All dose peopos, an all da Israel guys, dey cut skin, But dey no mo da mark inside dem Dat show dey my peopo.”

Ezekiel 18:31

Throw out all da bad kine stuff you guys wen do agains me awready! Go put inside you one new kine heart an one new kine attitude! Eh! You Israel ohana peopo! You guys no need come cut off from God, you know!

Daniel 1:4

Ashpenaz suppose to bring young good looking guys dat no mo notting wrong wit dea body, an dat know how fo learn all kine stuff, an know plenny awready, dat can undastan stuff firs time, an smart fo work fo da Babylon king inside his palace. Ashpenaz gotta teach dem da Babylon language, an all da books dat guys wen write Babylon side.

Daniel 7:7

“Afta dat, same nite, get mo stuff I see in da dream. Get anodda wild animal, numba four. He look real skery an get plenny powa. He get big iron teets. He stay smash wateva he like, an eat um, an smash wateva stay lef ova wit his feets. Dis one look real diffren den da odda wild animals dat come befo him cuz he get ten horn.

Amos 6:14

But you know wat Da One In Charge tell, da God Ova All Da Armies? He tell dis: “Eh, you guys from da Israel ohana! I goin bring one army from anodda country Ova hea fo go afta you guys. Dey goin make you guys suffa plenny, an chase you all da way From Hamat Pass, north side, All da way thru da Arabah Valley, south side!”

Habakkuk 3:16

Wen I hear all dat, my body stay shake. My lips shake cuz I sked. My bones come weak. My legs shake wen I stan. But I goin res easy An wait fo da time God goin punish dem, Dose peopo dat attack us.

1 Corint 14:21

God tell dis inside his Rules: “I goin try talk to dese peopo Wit peopo dat talk anodda kine language. But no matta wat I do, dey no goin lissen. Dass wat Da One In Charge tell.”

Rules Secon Time 28:33

One peopo dat you donno goin eat da food from yoa land dat you wen work hard fo grow. You guys no goin get notting fo keep, you ony goin get hard time erytime.

Rules Secon Time 28:49

“Da One In Charge goin bring one peopo agains you guys from one far place, from da mos far part a da earth. Dey goin come real quick, jalike one eagle dat dive down real fas fo grab one small animal. You no goin undastan dea language.