Jeremiah 5:10 - Hawaii Pidgin Bible

¹⁰ “Attack da grape farms an bus up ery row. But no wipe all a dem out. Broke off all da young branches, Cuz dese peopo not da peopo a Da One In Charge.

Jeremiah 5:10 ပူးပေါင်းရင်းမြစ်များ

2 Records 12:4

He take ova da big towns inside Judah dat get strong wall, an come all da way Jerusalem town.

2 Records 36:17

God bring da Babylon king agains dem. Da Babylon army guys kill da young Israel guys wit swords inside da place dat stay spesho fo Da One In Charge. He no show pity fo nobody, da young guys an young wahines, o da ol guys an real ol peopo. God turn dem all ova to Nebukadnezzar.

Jeremiah 2:21

I wen make you guys come strong an solid, Jalike I plant you guys fo come da bestes kine grape plant, Da kine you stay shua goin make odda good plants erytime. So how come you guys wen bag from me, An come jalike one junk kine wild grape plant?

Jeremiah 25:9

I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.

Jeremiah 30:11

I stay wit you guys An get you outa trouble. No matta I wipe out all da odda peopos Inside all da place you guys stay cuz I wen scatta you, Fo shua, I no goin wipe out you guys. I goin punish you guys fo teach you one lesson, But ony wen you no go da right way. Still yet, I goin punish you guys litto bit.” Az wat Da One In Charge tell.

Jeremiah 39:8

Jerusalem side, da Babylon guys burn down da king palace, an da peopo houses, an broke down da town wall.

Jeremiah 4:27

Dis wat Da One In Charge tell: “All da land goin come bus up fo nobody live dea. But I no goin wipe all dem out.

Jeremiah 46:28

“No sked, you Jacob peopo, my worka guys, Cuz I stay wit you guys. No matta I stay wipe out all da peopos Wea I wen make you come dea prisonas, I no goin wipe out all you guys. I goin judge you guys da right way, An den I goin punish you guys, ony fo teach you. I no goin jus let you guys go, But I goin punish you guys.” Az wat Da One In Charge tell.

Jeremiah 5:11

Da Israel ohana an da Judah ohana, Da way dey ack, no way I can trus dem!” Az wat Da One In Charge tell.

Jeremiah 5:18

Da One In Charge tell dis too: “But wen dat happen, I still yet no goin wipe out all you guys.

Jeremiah 5:9

You tink I no need punish dem cuz dey make lidat?! No way! You tink I not suppose to pay back dat kine nation?! Not even!” Az wat Da One In Charge tell.

Ezekiel 12:16

But I goin make shua some a dea guys stay alive, so dey no mahke in da war o from no mo food, o from da real bad kine sick. Az fo dem tell da Pilau Stuff story ova an ova inside da countries wea dey goin go bout all da pilau kine stuffs dey wen do. Den dey goin know dat me Da One In Charge.”

Ezekiel 14:17

“O maybe I bring war agains dat land an I tell da army guys come wipe out eryting. An I kill all da peopo an da animals.

Hosea 1:9

Da One In Charge tell, “Give him da name Lo-Ammi. Dat mean, ‘Not my peopo.’ Cuz you guys no goin be my peopo no moa, an I no goin be yoa God no moa.

Amos 9:8

You know wat? Me, Da One In Charge, yoa Boss. An I stay watch yoa land. I see dat all da peopo ova dea Stay do wass wrong! Fo shua, I goin wipe out all dat land, All da peopo dat come from yoa ancesta guy Jacob!” Dass wat Da One In Charge tell.

Matthew 22:7

“An den da king come so wild wit dem, he sen his army guys fo kill da guys dat wen kill his worka guys. Den da army guys burn up da whole town.