Jeremiah 49:8 - Hawaii Pidgin Bible

⁸ “You guys from Dedan town, Turn aroun, run away from Edom! Go hide inside da caves! Cuz da time goin come Fo me punish da peopo dat come from Esau. I goin make real bad kine stuff happen fo punish dem.

Jeremiah 49:8 ပူးပေါင်းရင်းမြစ်များ

Isaiah 2:21

Dey goin go inside da cracks in da rocks An da pukas in da pali, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Isaiah 21:13

I get heavy kine stuff fo tell bout da boonies up country da east side from Judah: “You Dedan peopo, You get wagons fo carry stuffs fo sell, An you make camp nite time wea get plenny tree Inside da boonies up country.

Isaiah 34:5

Da One In Charge tell, “Afta I use my sword inside da sky Fo wipe out da bad peopo dea, An get blood all ova um, Den, cuz I da judge, I goin use my sword fo bus up da Edom peopo An wipe dem all out.”

Jeremiah 25:23

da peopo from Dedan, Tema, Buz, an erybody dat cut dea hair spesho kine fo dea gods,

Jeremiah 46:21

Da Egypt guys pay guys from anodda place Fo go fight fo dem. Dey feed um plenny fo dem come Jalike fat young cows dat peopo feed. But even dem, dey goin turn aroun An run away togedda. Dey no goin stan up fo fight. Cuz da time fo dem come all wipe out goin come on top dem, Az da time fo punish dem.

Jeremiah 48:28

You Moab peopo, go way from all yoa towns. Go live inside da cliffs an da caves. Make jalike da rock dove dat make nes Inside one puka on top da cliff, an da odda side a one gulch.

Jeremiah 48:44

“Anybody run away from wateva make dem real sked an shaking, Dey goin fall down inside one deep hole. An whoeva climb outa da deep hole, Da trap goin catch um anyway. Cuz az time awready Fo me punish da Moab peopo.” Az wat Da One In Charge tell.

Jeremiah 48:6

Run away! Run fo stay alive! No go nea odda peopo! Make jalike you one bush inside da boonies!

Jeremiah 49:30

Run away! Go hide inside da caves! You guys dat live Hazor side, no stay ova dea! Cuz Nebukadnezzar, da Babylon king, He get one plan Fo wipe out you guys.” Az wat Da One In Charge tell.

Jeremiah 49:32

Da army guys goin rip off dea camels. Dey goin steal all dea cows. I goin make dem scatta all ova da place, All da ones dat cut dea hair spesho fo dea gods, No matta how far away dey live, I goin make bad kine stuff happen to dem An goin come at dem from all ova da place.” Az wat Da One In Charge tell.

Jeremiah 50:27

Kill all da bull kine Babylon army guys! Take um down to da killing place! Ho! Da time stay come fo punish dem.

Jeremiah 6:1

“Quick! You Benjamin ohana peopo, run, go hide! Run away from inside Jerusalem! Blow da sheep horn trumpet inside Tekoa town! Light da signal fire ova Bet-Hakkerem town! Cuz get bad kine guys stay come from da north side Fo come bus us up an wipe us out!

Ezekiel 25:13

Az why me Da One In Charge, da Boss, tell dis: ‘I goin go agains da Edom peopo wit my powa, an wipe out dea peopo an dea animals. I goin bus up da land from Teman to Dedan, an kill dem wit swords.

Malakai 1:3

Da Esau peopo, I hate dem. I make dea mountains all bus up fo nobody live ova dea. I make dea land come one place ony da wild jackal dogs live.

Malakai 1:4

“Da Esau peopo dat live inside da Edom land tell: Us guys stay all bus up, but we goin come back an build eryting dat wen get smash! “But me, Da One In Charge, Da God Ova All Da Armies, I tell: Wateva dey goin build, I goin bus um up. Wen odda peopos talk bout dem, dey goin call da Esau land ‘da land wea peopo dat do bad kine stuff stay,’ an ‘da peopo dat Da One In Charge put kahuna on top dem foeva’

Jesus Show 6:15

Den erybody all ova da world, da king guys, da odda leadas, da army bosses, da rich peopo, da guys dat get powa, an all da slave guys, an da guys dat not slaves, dey all go hide inside da caves, an unda da rocks on top da mountains.

Local Leadas 6:2

Da Midian peopo make real strong presha agains da Israel peopo. Az why da Israel peopo make places fo hide inside cliffs an caves, an odda strong places inside da mountains.

1 Samuel 13:6

Wen da Israel guys see az goin be bad fo dem, an dat da Israel army get plenny presha, dey lose fight an dey go hide inside da caves an bushes, inside da cracks in da cliffs, an inside holes cut in da rocks an pukas fo watta.