Jeremiah 49:37 - Hawaii Pidgin Bible

³⁷ I goin make da Elam peopo come sked an lose fight In front da peopo dat stay agains dem An like kill dem. I goin make bad kine stuff happen to dem Cuz I real huhu wit dem.” Az wat Da One In Charge tell. “I goin sen peopo wit swords fo chase da Elam peopo Till I pau wipe um out.

Jeremiah 49:37 ပူးပေါင်းရင်းမြစ်များ

Jeremiah 30:24

Wen Da One In Charge come huhu, He goin stay huhu Till he pau eryting he plan fo do. You guys goin undastan all dis, Bumbye wen da right time come.

Jeremiah 48:2

No mo nobody goin talk good no mo bout da Moab peopo. Inside Heshbon town get guys dat make plan fo wipe dem out. Dey tell: ‘Go come, fo us go wipe out da whole Moab nation!’ All you Moab guys dat live in Madmenah town goin mahke. You no can run away from da war dat goin come!

Jeremiah 48:39

“Da Moab peopo stay all bum out! Erybody stay cry an yell. Da Moab peopo no like show dea face Cuz dey come shame. Erybody make fun a da Moab peopo! An same time, dey stay sked Cuz a wat happen wit da Moab peopo!”

Jeremiah 49:22

Look! One nation stay come! Jalike one eagle dat stay fly high An den come down fas. Da eagle spread his wings fo attack Bozrah town. Dat time, da Edom army guys, Goin suffa, jalike one wahine Dat suffa wen she born one bebe.

Jeremiah 49:24

“Da Damascus peopo wen lose fight. Dey turn aroun fo run away, An dey no can stop shake. Dey ony tink How dey stay sad inside dem, Jalike one wahine wen she born one bebe.

Jeremiah 49:29

Steal dea tents! Rip off da sheeps an goats too! Hemo da curtains from inside dea tents! Steal all dea stuffs, an dea camels! Peopo goin yell to da Kedar peopo, ‘Da army goin come attack all you guys from all ova da place, An you guys goin come sked fo real kine!’

Jeremiah 49:38

I goin put my throne Elam side. I goin wipe out dea king an dea leada guys from dat land.”

Jeremiah 49:5

But you know wat I goin do?! I goin make you guys come real sked a all da peopo Dat live aroun you guys.” Az wat Da One In Charge tell, da God Ova All Da Armies. “Dey goin chase away all you guys, all ova da place. An you no goin get nobody fo bring back da ones dat run away.

Jeremiah 50:36

Goin get war Agains da guys dat bulai An tell, dey can find out stuff from dea gods. Dey goin ack stupid cuz dey donno Da One In Charge! Goin get war Agains dea bestes army guys. All dose guys goin come real sked.

Jeremiah 6:19

Lissen, all you peopo on top da earth! Dis wat I stay do: I stay make bad kine stuff happen to dis peopo. Da same ting dey make plan fo do, goin happen to dem, Cuz dey no bodda fo lissen wat I tell dem. Dey hate my rules.

Jeremiah 9:15

Az why dis da message from Da One In Charge, da God Ova All Da Armies, da God fo da Israel peopo: ‘Dis wat I goin do. I goin make dis peopo suffa, jalike I give um da kine food dat taste real bad fo eat, an poison watta fo drink.

Jeremiah 9:16

I goin let plenny diffren peopos make da Israel peopo prisonas—da kine peopos dey donno. Da Israel peopo ancestas, dey neva know bout um befo time too. I goin sen peopo fo chase um wit swords till I wipe dem out.’ ”

Ezekiel 12:14

All da peopo dat stay aroun him, I goin scatta dem ery way da wind blow—his helpa guys an his army guys. An jalike I goin chase dem wit my sword ready fo swing.

Ezekiel 32:23

Dea graves stay inside da mos far part a Da Deep Dark Hole, an dea army guys lay down dea aroun da Tomb fo Assyria. Dey da strong guys dat wen get kill wit swords. Dey da ones dat make da peopo dat still stay alive come sked.

Ezekiel 5:12

One third you guys goin mahke inside da town cuz dey goin come sick real bad kine, o dey no mo notting fo eat. One third you guys goin mahke from da sword fight outside da town. An one third you guys I goin scatta all ova da place. Den I goin pull out my sword an go afta dem.

Ezekiel 5:2

Afta you pau make jalike you goin take ova Jerusalem, take one pile hair an burn um in da middo part a da Jerusalem map. Den take anodda pile, put um all aroun da map an chop um up wit da sword. An throw da odda part up fo da wind blow um all ova. Az cuz I goin pull out my sword an go afta dem.

Prieses 26:33

I goin make you guys go all ova da place wea all kine peopos stay. I goin take out my sword an go afta you guys. You guys land goin come good fo notting, an yoa towns, goin come all bus up.