Jeremiah 49:33 - Hawaii Pidgin Bible

³³ “Da Hazor districk goin come one place Wea ony get wild dogs stay live dea. Goin stay all wipe out, foeva. No mo nobody goin live Hazor side. No mo nobody goin stay ova dea even fo one short time.”

Jeremiah 49:33 ပူးပေါင်းရင်းမြစ်များ

Isaiah 14:23

“I goin make Babylon town come jalike da boonies, One place wea da heron bird live inside da swamp. I goin wipe out Babylon town, Jalike I sweep um wit one broom.” Az how goin be, Da One In Charge, Da God Ova All Da Armies, tell.

Jeremiah 10:22

You know wat?! Get news: One big army stay coming From da land north side! Soun jalike one earthquake! Da army stay come Fo bus up all da Judah towns, Fo ony da jackal kine wild dogs live hea.”

Jeremiah 51:37

Babylon goin come one big pile a rocks from da ol buildings, One place wea da jackal kine wild dogs can hide. I goin bus up dis big town so no get notting dea, An peopo goin come shock wen dey see Babylon. An no mo nobody goin live ova dea.

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Zefaniah 2:9

But Da One In Charge, Da God Ova All Da Armies, da God fo da Israel peopo, he tell dis too: “Fo shua I stay alive! Az why da Moab peopo goin come jalike da Sodom peopo, An da Ammon peopo goin come jalike da Gomorrah peopo. Inside dea land, ony goin get Da kine weed dat make yoa skin itch, An dry pukas full a salt, Eryting goin stay all wipe out, foeva. My peopo dat still stay alive goin rip dem off. My peopo dat still stay alive, goin take ova dea land.”

Malakai 1:3

Da Esau peopo, I hate dem. I make dea mountains all bus up fo nobody live ova dea. I make dea land come one place ony da wild jackal dogs live.

Jesus Show 18:2

Da angel tell wit one loud voice, “Babylon wen get wipe out! Dat big town pau awready! Now inside dea ony get bad kine spirits, An all kine pilau scavenja birds stay hide dea too!