Jeremiah 49:31 - Hawaii Pidgin Bible

³¹ Da One In Charge tell Nebukadnezzar: “Stan up! Go attack dis peopo! Dey no stay worry bout notting. Dey tink dey stay okay. Dey no mo bars on top dea town gates. Da peopo stay far from odda peopo.

Jeremiah 49:31 ပူးပေါင်းရင်းမြစ်များ

Songs 123:4

Us stay had it awready, Cuz da peopo dat ack high makamaka An no mo notting fo do, Talk stink bout us an laugh. An da proud peopo dat put Plenny presha on us, Dey stay make jalike us guys notting.

Songs 73:12

Dass how da peopo Dat do bad kine stuff stay. No mo notting bodda dem any time. Dey stay make Mo an mo plenny money.

Isaiah 32:11

Shake an come sked You wahines dat no give a rip bout notting. Shake an come sked You daughtahs dat stay shua notting goin hurt you. Take off yoa clotheses An put burmbag cloth aroun yoa wais Fo show you stay sad an crying.

Isaiah 32:9

Eh, you wahines dat no stay worry bout notting! Stan up an lissen wat I stay tell you! You daughtahs stay shua notting goin hurt you, Lissen wat I get fo tell you.

Isaiah 42:11

Sing, you peopo dat live Inside da towns in da boonies. Let da peopo stay good inside Dat live in da small towns Wea da Kedar ohana peopo stay. Let da peopo inside Sela town yell Cuz dey stay good inside. Let dem call real loud From da top a da mountains.

Isaiah 47:8

“Now lissen, you Babylon guys! You guys, jalike one wahine Dat tink she get eryting nice An can do wateva she like, Cuz no mo nobody goin hurt her. Jalike you stay tink: ‘Me, I da ony one! No mo nobody jalike me! I no goin come one widow An my kids no goin mahke.’

Jeremiah 48:11

“Da Moab peopo, from da time dea land come one country, No mo notting happen fo give dem trouble. No mo nobody make dem prisonas O take um outa dea land. Dey jalike da kine wine Dat stay long time inside da same jar. Nobody pour um from one jar to anodda jar Fo make um taste mo betta. If you taste dat kine wine, Still yet goin taste an smell same same.”

Ezekiel 30:9

Dat time, goin get messenja guys go out in Nile Riva kine boats from wea I stay, fo make da Sudan peopo come sked so dey no figga eryting stay okay no moa. Dey goin worry plenny wen da Babylon army guys bus up da Egypt peopo, cuz fo shua dey goin had it too!

Ezekiel 38:11

You goin tell, ‘Me, Gog, goin go afta da peopo inside da Israel land. Da peopo ova dea no mo wall aroun dea small towns. Da peopo I goin attack, no mo notting bodda dem, an dey figga no mo notting bad goin happen to dem. Dey all live wea no mo town wall, an no mo bar o gate door fo keep me outside.

Ezekiel 39:6

I goin start one fire on top da Magog land, an on top da peopo dat live in da islans, wea dea figga nobody can hurt dem. An dey goin know dass me, Da One In Charge, do all dat.

Micah 7:14

Den da peopo tell: “You Da One In Charge! Carry yoa club an come Jalike one sheep guy proteck his sheeps. Lead yoa peopo jalike dey yoa sheeps, Dey da peopo I wen give you jalike dey yoa property. Some a dem live wit nobody inside da fores, But now, give um fields wit green grass fo eat all aroun. I like dem make jalike sheeps Dat eat da green grass Bashan an Gilead side, Jalike befo time.”

Nahum 1:12

Dis wat Da One In Charge tell: “No matta da Assyria guys plenny peopo An get plenny frenz, I goin cut um down. No matta I wen punish you Judah peopo, I no goin do dat one mo time.

Zefaniah 2:15

Dis da big town wea da peopo wen stay amp out. Dey figga dey safe dea. Dey tell each odda, “Us guys, Numba One! No mo nobody stay jalike us!” But bummahs! Dea big town wen come all bus up. Ony get wild animals live ova dea! Erybody dat walk by um Ack sked an feel good cuz da town gone awready!

Census 23:9

From da cliff tops, I see dem. From on top da high hills I watch dem. Look! Dey one peopo dat no live nea odda peopo! Dey no tink dey jalike one a da odda peopos.

Rules Secon Time 33:28

Dass how da Israel peopo goin live, An nobody goin hurt dem. Da place wea dey live, Nobody goin bodda dem o wipe um out. Da land get plenny wheat an barley an new wine An da sky give plenny dew dea.