Jeremiah 49:30 - Hawaii Pidgin Bible

³⁰ Run away! Go hide inside da caves! You guys dat live Hazor side, no stay ova dea! Cuz Nebukadnezzar, da Babylon king, He get one plan Fo wipe out you guys.” Az wat Da One In Charge tell.

Jeremiah 49:30 ပူးပေါင်းရင်းမြစ်များ

Isaiah 10:7

“But da Assyria guys, dey no tink like me. Dey no make same kine plan jalike me. Dea plan, diffren kine, Cuz dey ony like wipe out eryting, An kill plenny diffren peopos.”

Jeremiah 25:9

I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.

Jeremiah 27:6

Now, I give all da countries wea you guys stay king, to my helpa guy Nebukadnezzar, da king fo Babylon. I even give him all da wild animals fo help him!