Jeremiah 49:29 - Hawaii Pidgin Bible

²⁹ Steal dea tents! Rip off da sheeps an goats too! Hemo da curtains from inside dea tents! Steal all dea stuffs, an dea camels! Peopo goin yell to da Kedar peopo, ‘Da army goin come attack all you guys from all ova da place, An you guys goin come sked fo real kine!’

Jeremiah 49:29 ပူးပေါင်းရင်းမြစ်များ

Start 37:25

Afta dat, da braddah guys sit down fo eat. Dey look, an spock plenny guys from da Ishmael ohana stay come from Gilead side. Da guys all go Egypt side togedda. Dey get plenny camels, an da camels stay carry stuff fo sell Egypt side, sap from da trees dat smell nice, diffren kine sap fo make perfume, an bark from da trees fo incense.

Job 1:3

He own seven tousan sheeps three tousan camel, five hundred pair cows, an five hundred donkey. He get plenny guys work fo him. From all da peopos from da east side, he da mos importan guy.

Songs 120:5

Bummahs! I gotta live Far away from my peopo, Jalike I stay wit da no good peopo Meshek side, O jalike I put up one tent Wit da Kedar peopo.

Songs 31:13

Cuz you know, I hear da bad kine tings Dat plenny peopo tell bout me, An all aroun me, Get stuff dat make me real sked. Get peopo dat come togedda agains me. Dey figga how fo kill me.

Isaiah 13:20

Peopo no goin live ova dea no moa. Not even dea kids o grankids goin make house dea. No mo no guys from Arabia goin come dea Fo put up dea tent no moa. No mo no sheep guys goin bring dea sheeps Fo res ova dea no moa.

Isaiah 60:7

All da sheeps from Kedar goin come togedda fo you guys. Da goats from Nebaiot goin be wat you guys need Fo make good kine sacrifice on top my altar. An I goin make my awesome Temple mo nice still yet.

Jeremiah 10:20

My tent stay all bus up. All da tent ropes stay broke. My kids stay gone from me awready. No mo dem. No mo nobody stay hea fo help me put up my tent one mo time An stretch out da tent cova.

Jeremiah 4:20

Get one big boom, den anodda! All da land come bus up. Fas dey wipe out my tents, Mo fas den I can handle!

Jeremiah 46:5

“But how come I see dis? Da Egypt guys stay real sked! Da Babylon guys stay push dem back! Dea bestes fighta guys, dey all bus up! Dey run away real fas, An dey no even look behind dem wen dey go. All aroun dem, erybody stay real sked!” Az wat Da One In Charge tell.

Jeremiah 49:24

“Da Damascus peopo wen lose fight. Dey turn aroun fo run away, An dey no can stop shake. Dey ony tink How dey stay sad inside dem, Jalike one wahine wen she born one bebe.

Jeremiah 49:5

But you know wat I goin do?! I goin make you guys come real sked a all da peopo Dat live aroun you guys.” Az wat Da One In Charge tell, da God Ova All Da Armies. “Dey goin chase away all you guys, all ova da place. An you no goin get nobody fo bring back da ones dat run away.

Jeremiah 6:25

No go out inside da fields. No walk on top da roads. Cuz da guys dat come fo fight you get swords. Dey stay come from ery side, so stay real sked!

Habakkuk 3:7

I see da tents Kushan side. Da peopo dat live dea stay bum out. I see da peopo from Midian stay sked an shaking.

2 Corint 4:8

Us get plenny presha from all ova, but us guys still can handle. We no undastan eryting, but we no give up.

2 Corint 7:5

Wen us guys wen come Macedonia side, oua bodies all tired out. Us had trouble from eryting all ova, fighting on da outside, an real sked inside.

Local Leadas 6:5

Dey come wit dea animals an tents ova dea, jalike wen get real plenny locust kine grasshoppas. No can count da Midian guys an dea camels. Dey attack da land fo wase um.

Local Leadas 7:12

Da Midian guys, da Amalek guys, an da odda guys from da east side wen stay inside da valley. Dey get plenny guys, jalike locust kine grasshoppas. No can count dea camels, jalike no can count da sand on top da beach.

Local Leadas 8:21

Den Zebah an Zalmunna tell Gideon, “Come. You wack us. One guy dass fo real, he strong.” So Gideon go kill dem. An he take da jewelry off dea camels.

Local Leadas 8:26

Togedda, da gold earrings he tell um fo give weigh 43 poun. Get odda stuffs too: da odda jewelry, an da purple clotheses from da Midian kings, an da gold chains on top dea camels neck.