Jeremiah 49:26 - Hawaii Pidgin Bible

²⁶ Fo shua, da young guys from dea Goin fall down an mahke on top da streets. All da army guys from dea No goin make noise cuz dey all wipe out!” Az wat Da One In Charge tell, da God Ova All Da Armies.

Jeremiah 49:26 ပူးပေါင်းရင်းမြစ်များ

Jeremiah 11:22

So dis wat Da One In Charge, Da God Ova All Da Armies, tell: “Me, I goin punish dem guys! Army guys wit swords goin kill dea young guys. Dea boys an girls goin mahke cuz dey no mo food.

Jeremiah 50:30

Az why da young guys from Babylon Goin mahke on top da streets. All dea army guys goin mahke dat time, An eryting goin come real quiet.” Az wat Da One In Charge tell.

Jeremiah 9:21

Teach um lidat, cuz da way us stay now, Jalike oua enemy guys stay come inside thru oua windows fo kill, An inside oua strong wall. Jalike fo wipe out da kids on top da streets An da young guys inside da parks.

Sad Song 2:21

“Da young guys an da ol guys, Dey all stay lay mahke inside da dirt on top da streets. My young guys an girls get kill wit swords. You wen kill dem wen you stay real huhu. You wen wipe um out an neva get pity fo dem.

Ezekiel 27:27

Yoa stuffs dat cost plenny, da odda stuffs you like sell, Da guys dat know how fo use da ropes fo da sails, Da odda boat crew guys, Da ones dat fix da leaks, da trader guys, All da army guys dat go wit you, an all da ones on yoa boat— Dey all go down in da ocean Wen da storm hit da boat!

Amos 4:10

Da One In Charge tell: “Was me wen sen da sick fo make trouble fo you guys, Same ting jalike befo time I wen make da Egypt peopo come sick. War time, was me wen kill yoa young guys An let da odda peopos catch you guys horses. Real sad! Haunas, da mahke army guys bodies inside yoa camp! Still yet, you guys no like come back an be my guys!” Dass wat Da One In Charge tell.