Jeremiah 49:25 - Hawaii Pidgin Bible

²⁵ Da peopo dea tell, ‘Ho! Damascus town, erybody know how was befo time! Make me feel real good inside wen I tink bout um! How come oua peopo still stay ova dea, aah?!’

Jeremiah 49:25 ပူးပေါင်းရင်းမြစ်များ

Isaiah 1:26

Den I goin bring good kine judge guys fo you guys, jalike befo time. An akamai kine peopo dat can tell you guys wat fo do, Jalike you guys wen get da firs time. Afta dat, peopo goin call you guys ‘Da big town wea erybody do da right ting,’ An ‘Da town wea you can trus da peopo.’ ”

Jeremiah 33:9

Den plenny peopo goin know wat kine god me cuz a wat goin happen Jerusalem town. Peopo goin stay good inside, talk good bout me, an respeck me plenny. All da diffren peopos on top da earth goin hear bout all da good kine stuff dat I stay do fo da Jerusalem peopo. Dey goin feel real good, cuz a all da good kine stuff I do fo da peopo inside Jerusalem, an cuz I make eryting come good fo dem.”

Jeremiah 48:2

No mo nobody goin talk good no mo bout da Moab peopo. Inside Heshbon town get guys dat make plan fo wipe dem out. Dey tell: ‘Go come, fo us go wipe out da whole Moab nation!’ All you Moab guys dat live in Madmenah town goin mahke. You no can run away from da war dat goin come!

Jeremiah 48:39

“Da Moab peopo stay all bum out! Erybody stay cry an yell. Da Moab peopo no like show dea face Cuz dey come shame. Erybody make fun a da Moab peopo! An same time, dey stay sked Cuz a wat happen wit da Moab peopo!”

Jeremiah 51:41

Dis wat Da One In Charge tell bout Babylon town: “You know wat?! Da army guys goin take ova Sheshak (Az one secret name fo Babylon town)! Dey goin take charge a da town Dat peopo all ova da world talk good bout! All da odda peopos goin come real sked Wen dey see how Babylon town stay wasted!

Daniel 4:30

He tink, “Dis town, Babylon, stay big now! Az cuz I wen build um lidat fo come my house, da king! I do um cuz I stay real strong an peopo goin know I awesome an importan!”

Jesus Show 18:10

Dey goin stan far away, cuz dey real sked wen dey see da Babylon peopo suffa. An dey goin tell, “Horraz! Horraz! Babylon, da big town wit plenny powa! An in one hour, you wen come wipe out!”