Jeremiah 49:13 - Hawaii Pidgin Bible

¹³ Da One In Charge tell: “I get da right fo make dis spesho promise cuz a who me: Fo shua, Bozrah, da main town fo da Edom peopo, goin come all bus up! Erybody goin come bum out wen dey tink bout Bozrah. Dey goin poin finga da Bozrah peopo, an talk bad bout dem. All da towns aroun dea goin stay bus up, foeva.” Dass wat Da One In Charge tell.

Jeremiah 49:13 ပူးပေါင်းရင်းမြစ်များ

Start 22:16

He tell, “Eh! Dis me Da One In Charge, an I goin make one strong promise an I da one dat make shua I fo real kine goin do wat I tell I goin do. “Dis da promise I goin make: Cuz you wen do dis ting, an you neva hold back yoa boy, an he da ony one you get,

Start 36:33

Den Bela mahke, an Jobab, Zerah boy from Bozrah side come king.

1 Records 1:44

Wen Bela mahke, Jobab, Zerah boy from Bozrah come king.

Isaiah 34:6

Da One In Charge, his sword get plenny blood on top! Get fat all ova um From da bebe sheeps an goats fo make sacrifice, Fat from da boy kine sheep kidney Dat he use fo make sacrifice. He goin kill plenny peopo inside da Edom land, Jalike goin get one sacrifice fo Da One In Charge Inside Bozrah, da Edom town.

Isaiah 45:23

I wen make one strong promise, An I goin make shua da ting happen. Me, I make dat promise Cuz I do da right ting erytime, An wat I stay promise, nobody can change um. Erybody goin go down on top dea knees Fo show dey get respeck fo me. Erybody goin make one strong promise An aks me fo make shua dey do um.

Isaiah 63:1

Da watcha guy tell: “Eh! Who dat guy stay come from da Edom land, From dea main town Bozrah? His clotheses, all red on top! Who dis awesome looking guy, He stay wear real nice clotheses? He march strait, an he real strong! “Da guy tell, ‘Me, I da One get da right fo talk, Cuz I do wass right! I get plenny powa fo get peopo outa trouble!’

Jeremiah 18:16

Odda peopo goin bus up dea land. Odda peopo goin come shock erytime dey see um. Erybody dat go by dea goin come bum out. Dey goin shake dea heads cuz all bus up da land.

Jeremiah 19:8

I goin bus up dis big town so no goin get notting dea, an peopo goin come shock wen dey see um. Erybody dat pass by dea goin come bum out. Dey goin come shock cuz da town stay all bus up.

Jeremiah 44:26

But lissen wat Da One In Charge tell, all you Jews dat live inside Egypt! He tell: ‘Me, Da One In Charge, I get da rights fo make dis spesho promise cuz a who me, I da greates. No mo nobody from Judah goin use my name fo make one spesho kine promise, o go tell stuff like “I tell dis cuz I stay shua Da One In Charge a me stay alive!” fo make dea promise come strong, any place ova dea inside Egypt.

Jeremiah 48:24

Keriot an Bozrah. He punish all da Moab towns, nea an far.

Jeremiah 49:22

Look! One nation stay come! Jalike one eagle dat stay fly high An den come down fas. Da eagle spread his wings fo attack Bozrah town. Dat time, da Edom army guys, Goin suffa, jalike one wahine Dat suffa wen she born one bebe.

Jeremiah 51:14

Da One In Charge, da God Ova All Da Armies, Wen make one strong promise. He da One goin make shua dat wat he tell goin happen, goin happen. He tell: ‘Fo shua, I goin fill up you Babylon guys town wit plenny army guys, Dat goin jump all ova you guys jalike wen get real plenny locust kine grasshoppas. Dey goin yell cuz dey win ova you guys.’

Joel 3:19

But Egypt goin stay all wipe out. Edom goin stay ony boonies, all wipe out too. Cuz dey wen make any kine to da Judah peopo, An dey make peopo bleed an mahke Dat neva do notting wrong inside dea land.

Amos 1:12

Dass why I goin sen army guys fo burn Teman town, An da fire goin eat up da palaces dat get strong wall, Bozrah town.”

Amos 6:8

“Da Boss, Da One In Charge a me, he wen make one strong promise, An he no need anodda guy fo help him do um, jus him. Dis wat Da One In Charge tell: ‘Watch out! Me, I so mad wit dem Israel guys! Dey tink dea Israel ohana mo betta den anybody! Dey get strong wall, but I goin go agains um! Dea main town, an eryting inside dea, I goin give all a dat To da guys dat stay agains um.’ ” Dass wat Da One In Charge tell. An you know wat?! He da God Ova All Da Armies.

Obadiah 1:18

Da Jacob ohana goin be jalike one fire. Da Joseph ohana, same ting. An da Esau ohana goin come jalike da junk kine stuffs from da wheat. Dey goin burn up jalike da junk kine stuffs. No mo nobody goin stay alive From da Esau ohana.” Az wat Da One In Charge tell.