Jeremiah 49:1 - Hawaii Pidgin Bible

¹ Dis wat Da One In Charge tell bout da Ammon peopo: “You tink da Israel peopo no mo boys, o wat? O you tink da Israel faddahs no mo nobody Fo take ova dea land wen dey mahke? Den, how come da Ammon peopo stay take ova da Gad ohana land Fo dea god Molek? How come dey take ova da Gad ohana towns an live dea?”

Jeremiah 49:1 ပူးပေါင်းရင်းမြစ်များ

Start 19:38

Da younga daughtah, same ting. She wen born one boy, an she give um da name Ben-Ammi, dat mean, “Boy From My Ohana.” He da ancesta guy fo da Ammon peopo dat get nowdays.

2 Kings 10:33

east a da Jordan Riva, an inside all da Gilead land wea da Gad, Reuben, an Manasseh peopo stay, from Aroer by da Arnon Canyon, thru Gilead, an all da way to Bashan.

2 Kings 24:2

Da One In Charge sen steala kine army guys from Babylon, Aram, Moab, an Ammon fo fight Jehoiakim. He sen all dem Judah side, fo wipe out da land, jalike Da One In Charge wen tell da guys dat talk fo him befo time, fo go tell da Judah peopo wass goin happen.

2 Records 20:1

Afta dat, da Moab an da Ammon guys wit some a da Meun guys come fo make war agains Jehoshafat.

2 Records 20:23

Firs ting, da Ammon an Moab guys attack da Mount Seir guys an wipe um all out. Afta dey pau kill all da Mount Seir guys, den all da Ammon an Moab guys help fo wipe out each odda.

Nehemiah 2:19

But wen Sanballat da Horon guy, his helpa Tobiah da Ammon guy, an Geshem da Arab guy find out, dey make fun a us guys, an talk bad bout us. Dey tell, “Wassup?! Wat you guys stay do?! You guys stay go agains da King, o wat?”

Nehemiah 4:7

But den, Sanballat an Tobiah an da Arab guys an da Ammon guys an da Ashdod guys, dey hear dat da work fo fix da Jerusalem town wall stay go good, an dat da peopo start fo fill up da places wea da wall stay bus up. Sanballat dem come real huhu bout dat.

Songs 83:7

Da Gebal peopo an da Ammon peopo An da Amalek peopo, Da peopo from Filisha, An da ones dat live Tyre town.

Songs 9:6

Dass why, da peopo dat stay agains me, Dey all come wipe out. Dea place fo live, gone awready, An no goin come back. You bus up dea towns, An nobody even rememba dea name.

Jeremiah 12:14

Dis wat Da One In Charge tell: “All da real bad kine peopos dat live nea me, dey like grab da land I wen give to my Israel peopo fo come dea property. I goin throw out dose bad peopos from dea land. But I goin throw out da Judah ohana from dea land too!

Jeremiah 25:21

da Edom, Moab, an Ammon peopos,

Jeremiah 25:9

I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.

Jeremiah 27:3

Den sen one message bout da yoke to ery ambassada guy dat come by Zedekiah, da king fo Judah inside Jerusalem. Da ambassada guys come from da kings fo Edom, Moab, Ammon, Tyre, an Sidon. Tell um take home da message fo dea king.

Jeremiah 48:1

Fo Moab, dis da message from Da One In Charge, da God Ova All Da Armies, da God fo da Israel peopo: “Ho! Bummahs fo da peopo dat live Nebo town, Cuz dey goin come wipe out! Da Kiriataim peopo goin come prisonas an come shame. Da mountain dat get one strong wall on top, Dat wall goin broke down An da peopo dea goin come shame too.

Jeremiah 49:23

Dis wat Da One In Charge tell bout da Damascus peopo: “Hamat town an Arpad town, Da peopo dea donno wat fo do. Cuz dey wen hear bad kine stuff Bout wat wen happen Damascus side. Dey all bodda inside cuz a dat. Dass why dey stay nerjus, Jalike da ocean dat no can stop go up an down.

Jeremiah 49:28

Bout da Kedar ohana an da small town leada guys aroun Hazor, da ones King Nebukadnezzar wen take ova, dis wat Da One In Charge tell: “Stan up! Go attack Kedar! Wipe out da peopos dat live inside da east side boonies!

Jeremiah 49:7

Bout da Edom peopo, dis wat Da One In Charge, da God Ova All Da Armies, tell: “No mo nobody Teman side Dat know wat fo do erytime, o wat? No mo nobody dat undastan stuff An can help odda peopo make one good plan? Da ones dat befo time wen know wat fo do erytime, Now, dey come good fo notting, aah?

Ezekiel 21:25

“Eh! Zedekiah! You da prince ova da Israel peopo! But you one pilau crook! Now, yoa time stay come fo get punish. Dis mean, dis da end fo you!

Ezekiel 25:1

Get anodda message from Da One In Charge a me:

Zefaniah 1:5

I goin wipe out da peopo dat go on top dea flat roofs Fo go bow down in front Da sun, da moon, an all da star gods. An I goin wipe out da peopo dat use my name ‘Da One In Charge’ fo pray to me, An same time dey use da Molek god name fo pray to him too.

Census 1:24

Da ones dat come from Gad: All da guys twenny year ol o mo dat can join da army get dea names dea, by dea ohanas an faddahs.

Rules Secon Time 2:19

You guys go pass da land wea da Ammon peopo stay. No make harsh to dem an no make dem like fight you guys. Cuz no ways I goin give you guys da Ammon peopo land. I awready give dat land to dem cuz dey da Lot ohana peopo.’ ”

Rules Secon Time 23:3

Nobody from Ammon o Moab o dea kids an grankids can come one a da peopo a Da One In Charge, even if dey wait ten generation.

Rules Secon Time 23:4

Cuz wen you guys stay come outa Egypt, da Ammon peopo neva come out fo meet you guys wit bread an watta. An da Moab guys wen pay Baalam, Beor boy from Petor inside Aram-Naharaim fo put kahuna on top you guys.