Jeremiah 48:41 - Hawaii Pidgin Bible

⁴¹ Da nation dat stay come Goin take ova da towns. Dey goin capcha all da place dat get strong wall. Dat time, da Moab army guys Goin suffa, jalike one wahine Dat suffa wen she born one bebe.

Jeremiah 48:41 ပူးပေါင်းရင်းမြစ်များ

Isaiah 13:8

Dey stay real sked an lose fight. Dey feel sore inside, an no can keep still Jalike one wahine dat goin born one bebe. Dey look at each odda An dea face stay all red from da fire, Cuz Babylon town stay burn!

Isaiah 21:3

Wen I hear dis, I come plenny sore inside An I move my body. Da pain stay grab me, Jalike wen one wahine start fo born one bebe. I stay all mix up an no can figga Cuz a wat I wen hear. Bodda me plenny an make me sked, Wat I wen see.

Jeremiah 30:6

Tink bout dis— You tink one guy can born kids?! Den how come I see ery strong guy Wit his two hand on top his opu, Jalike one wahine dat goin born one bebe?! An erybody face come real white?!

Jeremiah 4:31

“I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Jeremiah 4:9

Dis wat Da One In Charge tell too: “Dat time, da king an da leada guys goin lose fight. Da pries guys goin come all bum out. Da guys dat talk fo God goin come futless.”

Jeremiah 48:24

Keriot an Bozrah. He punish all da Moab towns, nea an far.

Jeremiah 49:22

Look! One nation stay come! Jalike one eagle dat stay fly high An den come down fas. Da eagle spread his wings fo attack Bozrah town. Dat time, da Edom army guys, Goin suffa, jalike one wahine Dat suffa wen she born one bebe.

Jeremiah 49:24

“Da Damascus peopo wen lose fight. Dey turn aroun fo run away, An dey no can stop shake. Dey ony tink How dey stay sad inside dem, Jalike one wahine wen she born one bebe.

Jeremiah 50:37

Goin get war Agains da Babylon guys horses an war wagons, An agains all da army guys From odda countries dat stay wit dem. Dey goin come real sked an lose fight, jalike dey wahines. Goin get war Fo take away all dea rich kine stuff. Da army guys from anodda place goin rip um off.

Jeremiah 50:43

Da Babylon king stay hear bout dis, An he lose fight. He no can handle! He real sore, jalike one wahine dat ready fo born one bebe.

Jeremiah 51:30

Da Babylon army guys, Dey no fight no moa. Dey stay inside dea strong wall. Dea powa all dry up. Dey come jalike wahines. Dea houses all burn down an dea town gates all broke.

Jeremiah 6:24

I tell: “Us wen hear stuff bout dem awready, An we lose fight. Us worry plenny, an dat make us come weak. We hurt jalike one wahine dat stay born one bebe.

Amos 2:2

Dass why I goin dump fire on top da Moab land Fo burn up da palaces dat get strong wall, Keriot town. Da Moab peopo goin mahke, Goin get war an peopo yelling an trumpet noise.

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!