Jeremiah 48:40 - Hawaii Pidgin Bible

⁴⁰ Dis wat Da One In Charge tell: “Look! One nation stay come! Jalike one eagle dat dive down fas. Da eagle spread his wings fo attack Moab.

Jeremiah 48:40 ပူးပေါင်းရင်းမြစ်များ

Smart Guys 30:19

How da eagle can go inside da sky? How da snake can go on top one big rock? How da big boat can go inside da middo a da deep ocean? An da numba four ting dat I no can undastan, cuz I donno: How one guy make um fo one young wahine like um?! Dis too, too much fo me fo undastan!

Isaiah 11:14

Togedda dey goin rush da Filisha peopo on da west side, All da way to da sea, An steal stuff from peopo on da east side. Dey goin take ova da Edom peopo an da Moab peopo An da Ammon peopo gotta do wat dey tell um fo do.

Isaiah 8:8

“Wen da armies come, Goin be jalike one big riva stay run fas thru da Judah land, Dat go all ova da land Till da watta come up to da neck! Wen da armies come, Goin be jalike one big bird come flying, An da wings cova yoa whole land. Immanuel!

Jeremiah 4:13

“Look! Da army guys, come jalike da clouds. Dea war wagons come jalike one strong wind! Dea horses run mo fas den da eagles fly. Bummahs! Us guys goin come wipe out awready!

Jeremiah 49:22

Look! One nation stay come! Jalike one eagle dat stay fly high An den come down fas. Da eagle spread his wings fo attack Bozrah town. Dat time, da Edom army guys, Goin suffa, jalike one wahine Dat suffa wen she born one bebe.

Sad Song 4:19

Da guys dat chase us guys run fas. Mo fas den da eagles inside da sky. Dey chase us ova da mountains. Dey wait fo jump us inside da boonies.

Ezekiel 17:3

Tell um, ‘Dis wat Da One In Charge, da Boss, tell: Had one big eagle wit strong wings, long feathers, an plenny odda feathers in all kine colors. He go Lebanon side an grab da top a one cedar tree.

Daniel 7:4

“Da firs wild kine animal, look jalike one lion, but get wings jalike one eagle. I look long time. Den somebody broke off da wings. Somebody lif up da animal from da groun, an make um stan on two feets jalike peopo, an make um come jalike one man inside, fo him tink jalike peopo.

Hosea 8:1

Da One In Charge tell, “Blow da sheep horn war trumpet! Da ones dat stay agains dem, Az jalike get one eagle bird stay come down fo attack my Temple. Az cuz da peopo wen broke my deal wit dem. Dey go agains my rules.

Habakkuk 1:8

Dea horses run mo fas den da leopards. Dey mo skery den da hungry wild dogs Wen dey hungry dark time. Wen get war, all dea horses run real fas. Da guys dat ride um come from far away. Dey go jalike one scavenja bird Dat dive down fas fo grab someting fo eat.

Rules Secon Time 28:49

“Da One In Charge goin bring one peopo agains you guys from one far place, from da mos far part a da earth. Dey goin come real quick, jalike one eagle dat dive down real fas fo grab one small animal. You no goin undastan dea language.