Jeremiah 48:35 - Hawaii Pidgin Bible

³⁵ Fo da Moab peopo, I goin make da ones Dat make da burn up kine sacrifice on top dea sacrifice places, No can make um no moa, An no can burn incense dea fo dea gods no moa.” Az wat Da One In Charge tell.

Jeremiah 48:35 ပူးပေါင်းရင်းမြစ်များ

Isaiah 15:2

Da Moab peopo go up to dea temple, An da Dibon peopo go up da sacrifice place on top da hill Fo cry. Cuz Nebo an Medeba stay bus up, Da Moab peopo yell plenny. Dey cut off dea hair an all dea beard Fo show dey stay sad inside.

Isaiah 16:12

Bumbye, no matta da Moab peopo go up Da sacrifice places fo dea gods on top da hills, An no matta dey work real hard an stay tired Fo go pray inside da temple dat stay spesho fo dea gods, All dat, no goin do notting fo dem!

Jeremiah 11:13

You Judah guys get plenny towns an plenny gods, jalike get one god fo ery town. An you Jerusalem guys put up plenny sacrifice places fo make one shame kine sacrifice, an dose sacrifice places fo da shame kine god Baal, jalike you guys get one sacrifice place fo ery street inside Jerusalem.’

Jeremiah 48:7

You guys make jalike all da stuff you do An all da rich kine stuff you get Goin get you outa trouble. But da Babylon army guys still yet goin catch you guys An make you prisonas. Dey goin make yoa idol kine god Kemosh dea prisona, Same ting fo all yoa pries guys an leada guys.

Jeremiah 7:9

“ ‘You guys stealas, an killas! You fool aroun wit wahines dat not yoa wife! You guys make one strong promise, but you bulai! You guys burn incense fo da Baal god! You guys stay tight wit odda gods you guys neva know from befo time!

Census 28:14

Fo ery bull, gotta bring one drink sacrifice wit two quart wine. Fo da boy kine sheep, two an one half pint wine, an fo ery bebe sheep, one quart wine. Dis da burn up kine sacrifice dat you make wen get da new moon ery month inside da year.