Jeremiah 48:26 - Hawaii Pidgin Bible

²⁶ “Make da Moab peopo come wasted, Cuz dey tink dey stay mo big den Da One In Charge. Let da Moab peopo roll aroun inside dea bahf Fo erybody stay make fun a dem.

Jeremiah 48:26 ပူးပေါင်းရင်းမြစ်များ

Job 15:25

All dat happen cuz da bad kine guys make fis fo fight God! Dey get big head an tink dey can handle Da God Dat Get All Da Powa!

Job 9:4

God know wat fo do erytime, mo den erybody. He get mo powa den anybody. Nobody can go agains him an come out okay!

Songs 2:4

Da One In Charge, dat sit on top his throne inside da sky, He ony laugh! Da Boss Up Dea, he make fun a dem!

Songs 59:8

But you, Da One In Charge, You ony laugh at dem. You make fun a all da diffren peopos.

Songs 60:3

You wen make yoa peopo suffa, Jalike you make um Drink da kine wine Dat make um piloot So dey no can stan up strait.

Songs 75:8

Wen Da One In Charge come huhu, Jalike he holding one big wine cup Full a strong kine wine mix wit spice An bubble coming up. He goin make all da peopo Inside dis world Dat do bad kine stuff Drink da whole ting, Down to da junks in da bottom, Fo punish dem!

Outa Egypt 5:2

Da Pharaoh guy tell, “Wot! Who you talking bout, wen you tell ‘Da One In Charge,’ aah? You tink I suppose to lissen wat he tell me, fo me let da Israel peopo go? I donno Da One In Charge guy! An no way I goin let go da Israel peopo!”

Outa Egypt 9:17

But you still yet ova an ova ack jalike my peopo ony junk, an you no let um go way!

Isaiah 10:15

You tink da ax mo betta den da guy dat swing um? Da saw mo betta den da guy dat use um? You tink da club goin lif da guy dat carry um? Da stick fo walk goin lif somebody dat use um? No way!

Isaiah 19:14

Da One In Charge, him da one wen make da Egypt peopo So dey no can tink strait. Cuz a Da One In Charge, da leada guys make dea peopo Go da wrong way bout eryting dey stay do. Da Egypt peopo, dey jalike one piloot guy Dat stay fall all ova, even in his puke.

Isaiah 28:8

Dey bahf all ova on top all da tables, Get doodoo all ova on top, No mo one clean table.

Isaiah 29:9

Hang aroun an no do notting, An yoa jaws goin drop! Cova yoa eyes, Fo you no see notting! Come jalike you stay piloot, But not cuz you drink wine. Walk aroun an stagga, But not cuz you drink beer.

Isaiah 51:17

Wake up! Wake up! Stan up, you Jerusalem peopo! Befo time, Da One In Charge wen stay huhu wit you guys, An he make you guys suffa plenny! Jalike he make you guys drink wine From inside one wine bowl he give you, An you drink da whole ting, An you, you no can walk strait cuz a dat.

Isaiah 63:6

I walk all ova da diffren peopos fo punish dem Jalike dey da grapes, cuz I stay huhu. I make da peopos stagga jalike dey piloot, Cuz I stay huhu still yet, An I make dea blood pour out all ova da groun.’ ”

Jeremiah 48:39

“Da Moab peopo stay all bum out! Erybody stay cry an yell. Da Moab peopo no like show dea face Cuz dey come shame. Erybody make fun a da Moab peopo! An same time, dey stay sked Cuz a wat happen wit da Moab peopo!”

Jeremiah 48:42

Moab goin come wipe out, An no goin be one peopo no moa, Cuz dey tink dey mo big den Da One In Charge.

Jeremiah 50:29

“Go tell all da guys dat shoot bow an arrow fo come, Da guys dat know how fo make da bow ready fo shoot, Fo dem go attack Babylon town. Go camp all aroun Babylon. No let nobody get outa dea. Pay dem back fo wat dey wen do. Make to dem jalike dey wen make to da odda peopos. Cuz dey wen get big head an go agains Da One In Charge, Da God Dat Stay Good An Spesho fo da Israel peopo.

Jeremiah 51:39

Wen da Babylon peopo all stay amping out, Me, Da One In Charge, goin make one big party fo dem. An dea, I goin make dem come all piloot an wasted, Dey goin all pass out sleep foeva, An no wake up.” Az wat Da One In Charge tell.

Jeremiah 51:57

I goin make um come piloot—dea leada guys, Dea guys dat erytime know wat fo do, An dea govna guys, dea govmen guys, an dea army guys too. Dey all goin go sleep foeva, an no wake up.” Az wat da king tell, Da One dat get da name “Da One In Charge, da God Ova All Da Armies.”

Jeremiah 51:7

Da One In Charge wen use da Babylon peopo Fo punish da whole world! Jalike he stay give um one gold cup Fo make da whole world come piloot. Jalike all da peopos suck up da wine Dat da Babylon guys give um, Az why all da nations come pupule!

Sad Song 1:21

“Peopo hear me moan, But no mo nobody come fo make me feel mo betta. All da peopo dat stay agains me wen hear I get trouble, An dey dance an sing cuz a wat you, Da One In Charge, wen do. I like you make da tings happen dat you wen promise goin happen, Fo dem suffa jalike I suffa!

Sad Song 3:15

God make me suffa plenny, Jalike I stay swallow someting dat taste real bad.

Sad Song 4:21

You Edom peopo tink you can stay good inside, You guys dat live inside da Uz land. But bad tings goin happen to you guys too. Jalike you guys goin get piloot, an take off all yoa clotheses.

Daniel 11:36

“Da Syria king goin do watevas he like do. He goin ack jalike he mo big den all da gods. He goin talk mo bad den da peopo eva hear befo, agains da God Dass Mo Importan Den All Da Odda Gods. An eryting goin go good fo him till da time wen God punish him. Cuz wat God tell gotta happen goin happen fo shua.

Daniel 5:23

You go ack jalike you mo importan den da God dat stay king inside da sky. You wen tell yoa guys fo go bring da fancy kine cups an bowls from da Temple fo dat God. Den you, yoa alii guys, yoa real wifes, an yoa odda wifes drink wine from um. An you talk good bout da silva, gold, bronze, iron, wood, an stone gods—no matta dey no can see, hear, o undastan notting. But you neva tell notting bout how awesome da God dat get da powa fo make you stay alive o fo kill you! He da One stay in charge a eryting you do!

Daniel 8:10

Da new horn grow, an reach all da way up to wea can beef da army inside da sky. Den da horn throw down some a da sky army an some a da stars on top da earth, an poun his feet on top um.

Nahum 3:11

Same ting wit you Nineveh peopo! You guys goin drink plenny an come piloot too. You goin hide an look fo one place Wea da guys dat stay agains you no can find you.

Habakkuk 2:16

You da ones goin lose face! No way wat you do Goin make you guys look awesome! Now az time fo you guys suffa! So drink, an show erybody Dat you no mo da cut skin mark Dat da peopo a Da One In Charge get! Da One In Charge goin use his powa Fo make you drink from his cup. Dat mean you goin get plenny trouble! Befo time, you guys was awesome, but now you shame ony!

2 Tessalonika 2:4

He da guy dat goin go agains all da religious kine stuff, an go agains all da diffren tings dat peopo call gods. He goin tell he mo betta den dose gods. He even goin take ova God temple an tell he da real God.

Jesus Show 16:19

Babylon, da mos importan big town, split an come three part. An da big towns fo da diffren peopos all ova da world get wipe out. God come huhu wit da peopo inside Babylon, da big town. He make um suffa real bad, cuz he tell “Laytas” to da bad kine stuff da peopo ova dea stay do. He make to dem jalike wen one guy make anodda guy drink too much real strong wine, fo make um come real piloot.