Jeremiah 48:17 - Hawaii Pidgin Bible

¹⁷ All you peopo dat live nea Moab, Come real sore inside fo dem! Erybody dat know how awesome Moab was befo time, Dey tell ‘Bummahs! Dea king wen stay strong, but now his spear stay broke! Dea king was awesome befo time, but now, his kahili all bus!’

Jeremiah 48:17 ပူးပေါင်းရင်းမြစ်များ

Songs 110:2

Da One In Charge stay On top Mount Zion, Jerusalem side, An he goin make you strong Fo be da king ova mo an mo peopo. No matta get peopo all aroun you Dat stay agains you, You da one goin be in charge.

Isaiah 10:5

God tell: “Bummahs fo you guys! I goin use da Assyria peopo jalike one club fo punish you, Cuz I stay huhu wit you Israel peopo, An I goin make da Assyria guys wack you!

Isaiah 14:6

Da Babylon king guys wen bus up All kine diffren peopos, Cuz dey real huhu, an dey no stop. Az cuz dey real huhu an dey take ova plenny countries An dey no hold back from hurt dem plenny.

Isaiah 16:8

Da grape fields Heshbon side An da grape plants Sibmah side Stay all dry up. Da leadas a da diffren countries Wen tell dea army guys Fo go smash down da red grape plant. Befo time, had grape farm all da way to Jazer, An da shoots from da vine go all ova da place, To da boonies an all da way down To da odda side a da sea.

Isaiah 9:4

Jalike you wen do befo time, Wen da Midian peopo make da Israel peopo bus ass fo dem. You wen hemo da Israel peopo From da hard work da Midian peopo make dem do. Jalike you wen stop da Midian peopo Fo dem no wack dem wit one stick An poke dem fo dem work mo fas.

Jeremiah 48:39

“Da Moab peopo stay all bum out! Erybody stay cry an yell. Da Moab peopo no like show dea face Cuz dey come shame. Erybody make fun a da Moab peopo! An same time, dey stay sked Cuz a wat happen wit da Moab peopo!”