Jeremiah 48:11 - Hawaii Pidgin Bible

¹¹ “Da Moab peopo, from da time dea land come one country, No mo notting happen fo give dem trouble. No mo nobody make dem prisonas O take um outa dea land. Dey jalike da kine wine Dat stay long time inside da same jar. Nobody pour um from one jar to anodda jar Fo make um taste mo betta. If you taste dat kine wine, Still yet goin taste an smell same same.”

Jeremiah 48:11 ပူးပေါင်းရင်းမြစ်များ

Songs 123:4

Us stay had it awready, Cuz da peopo dat ack high makamaka An no mo notting fo do, Talk stink bout us an laugh. An da proud peopo dat put Plenny presha on us, Dey stay make jalike us guys notting.

Songs 55:19

God, he stay sit on top his throne From long time An he no change. (Time out fo da music.) God hear wat happen, An he goin make dose guys lose face, Da ones dat no stay sked a God.

Smart Guys 1:32

Da peopo dat easy fo bulai, Dey goin go away from me, Az dea fault Wen dey get all bus up an mahke from dat. Da stupid peopo, dey ack jalike notting bad goin happen, An cuz a dat, someting goin wipe um out.

Isaiah 16:6

We wen hear dat da Moab peopo get real big head. Dey plenny high nose. Dey go any place dey like. But all dea big kine talk, Az not true, an no mean notting!

Isaiah 24:3

All ova da world, no goin get notting dea, Jalike somebody wen go rip off eryting! Dis wat Da One In Charge tell.

Isaiah 25:6

On top dis mountain, Jerusalem side, Da One In Charge, Da God Ova All Da Armies, He goin make one big luau fo all da diffren peopos. Goin get da bestes kine food, All da bestes kine wine, An good kine meat wit plenny good stuff inside da bone, Ol kine wine dat no mo junks awready.

Jeremiah 22:21

“Dat time eryting stay okay fo you, I wen tell you watch out! But you tell, ‘I no goin lissen you!’ Az how you ack from small kid time. You neva lissen me!

Jeremiah 48:12

But Da One In Charge tell dis too: “Da time goin come Wen I goin sen guys ova dea Fo take da Moab peopo outa dea country, Jalike wen peopo pour da wine From one jar to anodda jar, Az why bumbye goin taste real good! Da guys dat come Goin make da Moab peopo go way from dea land, Jalike wen you pour out da wine, An smash all da ol jars so no can use um no moa.

Jeremiah 48:29

“Us guys wen hear bout da Moab peopo get big head. Dey tink dey get um. Dey ack high makamaka to odda peopo. Inside, dey tink dey mo betta den odda peopo.

Jeremiah 51:34

Dis how da Jerusalem peopo goin talk: “Nebukadnezzar, da Babylon king, He eat up us Jerusalem guys. He make us come hamajang. He show erybody, dat us guys no mo notting, Jalike us one empty pot. He swallow us guys, Jalike he one big monsta from inside da ocean. He fill up his opu wit ery part a us dat taste good to him, An den, he spit out da res.

Nahum 2:10

Da army guys goin rip off all da Nineveh peopo stuffs fo shua! Da Nineveh peopo lose fight an come bum out. Dey stay sked an shaking. Erybody look sked.

Nahum 2:2

Get guys dat like wipe out da peopo dat come from Jacob An wen wase um awready. Jalike wen peopo pull off branches from one grape vine. But Da One In Charge goin make da Israel peopo Come awesome one mo time.

Zefaniah 1:12

Dat time I goin use small olive oil lamps Fo look all ova Jerusalem town, An punish da peopo dat no kea wat God tink. Dey jalike da wine dat jus sit wit da junk kine stuff inside. Dey figga, ‘Da One In Charge no goin do notting to us guys, Good o bad!’

Zekariah 1:15

But I stay real huhu wit da odda peopos dat tink notting bad goin happen to dem. Befo time I stay ony litto bit huhu, but dose guys wen make mo worse tings happen to my peopo.’