Jeremiah 47:2 - Hawaii Pidgin Bible

² Dis wat Da One In Charge tell: “Look! da army guys stay come from da north side! Jalike one flash flood stay come! Danger, da stream goin come, Cuz goin run all ova da place! Goin run all ova da land an eryting inside um, All ova da towns, an da peopo dat live inside um. Da peopo goin yell loud cuz dey no can handle. Erybody inside da land goin cry jalike somebody mahke!

Jeremiah 47:2 ပူးပေါင်းရင်းမြစ်များ

Songs 24:1

Da One In Charge, he own Da whole world an eryting dea. He own da land An all da peopo dat live dea.

Songs 50:12

“Even if I was hungry, no way I tell you, Cuz da world an eryting dat get Inside da world, az mines awready.

Songs 96:11

God tell, “All you peopo inside da sky, Dance an sing! All you peopo inside da world, Yell cuz you feel good inside! Good, da ocean An eryting inside da ocean, Make big noise jalike thunda!

Songs 98:7

Same ting, I like fo da ocean An eryting dat get inside um Make plenny noise fo Da One In Charge, Jalike wen get one storm! I like da world An all da peopo dat stay live dea Make big noise fo him too!

Isaiah 14:31

Yell, all you peopo inside da town gates! Cry plenny, you peopo inside da big towns! All you Filisha peopo, You real sked, you stay shake! Cuz one strong army come from da north side! Dey burn down da towns. Can see da smoke! Da army guys, dey all stay togedda, Dey no even lose one army guy.

Isaiah 15:8

I stay cry cuz from one side A da Moab land to da odda side, Can hear peopo stay crying All da way to Eglayim an Beer-Elim side.

Isaiah 22:1

Me Isaiah, I get heavy kine stuff fo tell bout wat I see goin happen to da Jerusalem peopo: Dis wat God tell bout da place Wit mountains all aroun, Wea can see wat goin come bumbye. “Wassup wit all you guys?! How come erybody go up on top yoa flat roof?!

Isaiah 28:17

Fo tes you Jerusalem peopo, I goin look fo see if you stay judge da right way An if you do wass pono erytime, Jalike da builda guys use one strong string Fo measure tings, An dey pull anodda string Fo check out if da building stay strait. You guys tink you can bulai da Assyria army guys Fo dem no hurt you. You tink you get one place fo hide Wen da army guys come Jalike da big watta. But no way you can bulai dem! No mo no place you can hide!

Isaiah 59:19

Da peopo from da west side, Dey goin get respeck fo Da One In Charge Wen dey find out wat kine god him. From da east side, wea da sun come up, Dey goin get respeck fo him Wen dey see how awesome he stay. Wen Da One In Charge come, Goin come jalike one flood inside one small gulch, An wit one strong wind from Da One In Charge Dat goin make um move fas.

Jeremiah 1:14

Da One In Charge tell me, “From da north side, Hard time goin come ova us guys Fo erybody dat live inside dis land.

Jeremiah 46:12

All da peopos goin hear how you wen lose face. All ova da world, peopo hear you stay yelling real loud. One fighta guy goin trip ova anodda fighta guy. Den da two a dem goin fall down togedda.”

Jeremiah 46:13

Dis da kine stuff Da One In Charge tell Jeremiah, da guy dat talk fo him. He tell bout how Nebukadnezzar da Babylon king goin come attack da Egypt land.

Jeremiah 46:20

“Da Egypt land stay jalike one nice looking young girl cow. But somebody jalike one biting horse fly Goin attack Egypt from da north side.

Jeremiah 46:24

Dey goin make da peopo dat live inside da small towns Egypt side come shame. Da guys from da north goin take dem ova.” Dass wat Da One In Charge tell.

Jeremiah 48:39

“Da Moab peopo stay all bum out! Erybody stay cry an yell. Da Moab peopo no like show dea face Cuz dey come shame. Erybody make fun a da Moab peopo! An same time, dey stay sked Cuz a wat happen wit da Moab peopo!”

Jeremiah 6:22

Dis wat Da One In Charge tell: “Look! Get army guys stay come from da north side. Peopo from da mos far part a da world Stay make ready fo war.

Jeremiah 8:16

From da Dan ohana land north side We hear da noise From da horses dat da army guys use dat stay agains us! Wen dea strong horses make noise, All da Judah peopo stay shake an come sked. Da army guys stay come Jalike dey goin eat up da land an eryting inside um, An Jerusalem town an all da peopo dat stay live dea.”

Daniel 11:22

Den he goin wipe out one mangus army, an take da powa from da pries guy dat stay in charge a da deal God wen make wit his peopo.

Nahum 1:8

But he goin wipe out da Nineveh peopo, Jalike wen one big flood come. He goin chase da peopo dat stay agains him, An make dem run inside one dark place.

1 Corint 10:26

Da Bible tell, “Da One In Charge, he own da world, an eryting inside da world too,” you know.

1 Corint 10:28

But, if somebody tell you guys, “Dis meat come from one temple sacrifice fo one idol kine god,” den no eat um. You guys gotta figga bout da guy dat wen tell you dat, if okay o not okay fo him.

James 5:1

Eh! You rich peopo! Lissen! Mo betta you cry plenny now, an feel sad! Cuz bumbye, you goin suffa plenny fo shua.

Jesus Show 17:1

Den, jalike one dream, one a da seven angel messenja guys dat get da seven bowl wen come tell me, “Go come fo me show you how God goin punish da big hoa dat get her throne nea da big ocean.

Jesus Show 17:15

Den da angel messenja guy tell me, “Da big ocean you wen see, wea da hoa get her throne, dass peopos, nations, countries, an languages.