Jeremiah 46:5 - Hawaii Pidgin Bible

⁵ “But how come I see dis? Da Egypt guys stay real sked! Da Babylon guys stay push dem back! Dea bestes fighta guys, dey all bus up! Dey run away real fas, An dey no even look behind dem wen dey go. All aroun dem, erybody stay real sked!” Az wat Da One In Charge tell.

Jeremiah 46:5 ပူးပေါင်းရင်းမြစ်များ

Start 19:17

Afta dey get um outside da town, one a da angel messenja guys tell Lot, “Run away some place wea you no goin mahke! No look behind you! No stay nea da towns. Run away mauka side cuz goin be good ova dea. No good Da One In Charge blow you away too!”

Isaiah 13:8

Dey stay real sked an lose fight. Dey feel sore inside, an no can keep still Jalike one wahine dat goin born one bebe. Dey look at each odda An dea face stay all red from da fire, Cuz Babylon town stay burn!

Isaiah 19:16

Dat time, da Egypt peopo goin come jalike da wahines. Dey goin stay sked an shaking, wen dey see dat Da One In Charge, Da God Ova All Da Armies, put up his hand an shake um cuz he goin wack um.

Isaiah 42:17

But da peopo dat trus da idol kine gods An tell da metal statues, ‘You oua gods,’ Dey goin go back, dey no goin come by me! Dey goin come plenny shame!”

Isaiah 5:25

Dass why Da One In Charge stay come huhu Agains his peopo. He put up his hand An stay ready fo wack dem down. Dass why da mountains stay shake, An da peopo body dat mahke Lay all ova outside jalike opala. “But no matta God wack his peopo lidat, He still yet stay huhu An he stay ready fo wack um one mo time.

Jeremiah 20:10

I hear plenny guys talk sof kine, Dey tell, “Dis Jeremiah, da ‘stay real sked’ guy— We go tell on him.” Even all my frenz stay wait fo me fo tell someting wrong. Dey tell, “Maybe us guys can trick Jeremiah! Den we can win, an get back at him!”

Jeremiah 46:15

How come Apis, yoa bull god from Memphis in Egypt, stay lie on top da groun? How come he no can stan up? Az cuz Da One In Charge push um down!

Jeremiah 46:21

Da Egypt guys pay guys from anodda place Fo go fight fo dem. Dey feed um plenny fo dem come Jalike fat young cows dat peopo feed. But even dem, dey goin turn aroun An run away togedda. Dey no goin stan up fo fight. Cuz da time fo dem come all wipe out goin come on top dem, Az da time fo punish dem.

Jeremiah 49:29

Steal dea tents! Rip off da sheeps an goats too! Hemo da curtains from inside dea tents! Steal all dea stuffs, an dea camels! Peopo goin yell to da Kedar peopo, ‘Da army goin come attack all you guys from all ova da place, An you guys goin come sked fo real kine!’

Jeremiah 49:5

But you know wat I goin do?! I goin make you guys come real sked a all da peopo Dat live aroun you guys.” Az wat Da One In Charge tell, da God Ova All Da Armies. “Dey goin chase away all you guys, all ova da place. An you no goin get nobody fo bring back da ones dat run away.

Jeremiah 6:25

No go out inside da fields. No walk on top da roads. Cuz da guys dat come fo fight you get swords. Dey stay come from ery side, so stay real sked!

Ezekiel 32:10

I goin make plenny peopo bum out cuz a wat goin happen to you. Dea kings goin come sked an shaking an come bum out cuz a you, Wen I wave my sword aroun in front dem. Da time you fall down, dey all goin shake an come sked, Cuz dey donno if dey goin stay alive, o not.’

Ezekiel 39:18

You goin eat da meat from da spesho force army guys, an drink da blood from da leada guys from all ova da world, jalike dey boy kine sheeps an bebe sheeps, goats an young cows, all a dem fat animals from Bashan.

Nahum 2:8

Nineveh town jalike one pool dat leak all da time, An da peopo jalike da watta dat run out. But now, peopo yell, “Stop! Stop!” But no mo nobody turn aroun an come back.

Nahum 2:9

Rip off da silva! Rip off da gold! Nobody can count all da rich kine stuff! Fo shua dey stay rich inside Nineveh town!

Zefaniah 1:14

“Da day stay nea wen me Da One In Charge come fo judge da peopo! Goin happen fas! Lissen! Da peopo goin yell real hard. Da guys dat fight goin scream ova dea.