Jeremiah 46:4 - Hawaii Pidgin Bible

⁴ “Tie da horses to da war wagons! Climb on top inside da war wagons! Line up in yoa place Wit yoa helmet on! Make yoa spear sharp! Put on yoa body armor!

Jeremiah 46:4 ပူးပေါင်းရင်းမြစ်များ

2 Records 26:14

Uzziah give all da army guys shields, spears, army kine helmet, body armor, bows an arrows, an stones fo throw wit dea sling.

Nehemiah 4:16

From dat time, half my young guys do da construction work, an da odda half make ready da spears, an da shields, da bows an arrows, an da metal plate kine body armor. Da leada guys stay right dea behind da Judah peopo.

Isaiah 8:9

“All you diffren peopos, Go do all da bad kine stuff you do! Den you goin lose fight cuz you sked. Lissen, you peopo in all da far places in da world, Get ready fo fight! But you goin lose fight cuz you sked. You, get ready fo fight one mo time! But you goin lose fight one mo time, cuz you sked.

Jeremiah 46:14

“Tell dis inside da Egypt towns! Make shua erybody hear um inside Migdol, Inside Memphis, an Tahpanhes: ‘Line up, an make ready fo fight! Cuz da war stay wipe out da peopo all aroun you!’

Jeremiah 51:11

Da ones dat goin attack Babylon tell, “Make yoa arrows sharp. Fill up yoa arrow bags! Da One In Charge wen put one spirit inside da kings fo da Mede peopo Dat make um like do someting. Az cuz he make up his mind, Fo wipe out Babylon. How come Da One In Charge goin pay dem back, aah? He pay um back Cuz a wat dey wen do to his Temple!

Jeremiah 51:3

No give da Babylon bow an arrow guys time fo make ready. No let dem put on dea body armor. No show pity fo da young Babylon guys. Kill all dea army guys jalike dey one sacrifice.

Ezekiel 21:28

“An you, Real Kine Guy! Go talk fo me. Tell wat me Da One In Charge, da Boss, tell—bout da Ammon ohana peopo, an bout da way dey mout off an make fun a da Israel peopo. Tell um dat get one sword! Da sword come outa da sword bag ready fo kill you Ammon peopo! All polish fo kill cuz dat sword flash jalike da lightning!

Joel 3:9

Tell all da peopos dis: “Make ready fo fight one war fo Da One In Charge! Make da strong guys ready fo fight! I like all da guys dat fight fo come togedda fo attack.

1 Samuel 17:38

So den, Saul put his clotheses fo war on top David, an one bronze helmet on top his head. He make um wear da kine body armor dey make wit plenny small piece bronze metal, put togedda jalike fish scale.

1 Samuel 17:5

He wear one bronze helmet, an one body armor wit plenny small piece bronze metal, put togedda jalike fish scale, dat weigh one hundred twenny-five poun.