Jeremiah 46:22 - Hawaii Pidgin Bible

²² Da Egypt army goin make noise jalike one snake dat stay run away Wen plenny guys from da odda army come. Dey goin come agains Egypt wit axes, Jalike guys dat cut down trees.

Jeremiah 46:22 ပူးပေါင်းရင်းမြစ်များ

Songs 74:5

Dey ack jalike guys dat carry dea axes Fo cut down one bunch trees.

Isaiah 10:15

You tink da ax mo betta den da guy dat swing um? Da saw mo betta den da guy dat use um? You tink da club goin lif da guy dat carry um? Da stick fo walk goin lif somebody dat use um? No way!

Isaiah 14:8

Even jalike da pine trees An da cedar trees on top da Lebanon mountain, Dey feel good inside cuz you king guys no mo powa. Da trees stay sing bout you lidis: “Now dat you no mo powa, Nobody come up hea fo chop us down.”

Isaiah 29:4

Yoa peopo goin come notting. Wen you guys go try fo talk, goin soun Jalike you stay bury unda da groun. Wateva you like tell, Goin stay down inside da dirt. You guys goin soun jalike one mahke guy Talking from da groun an no can hear, O jalike one small bird on top da dirt.

Isaiah 37:24

You wen sen guys dat work fo you, Dat wen try make me, da Boss, shame. You wen tell, “Me, Sennakerib, I get plenny war wagon! I can go on top a da high mountains, To da mos far part a da Lebanon mountains, Fo cut down da mos tall cedar trees An da bestes pine trees! Me, I da kine guy can go all da way to da end A da mos high places, Da fores wea da bestes tree grow!

Jeremiah 46:21

Da Egypt guys pay guys from anodda place Fo go fight fo dem. Dey feed um plenny fo dem come Jalike fat young cows dat peopo feed. But even dem, dey goin turn aroun An run away togedda. Dey no goin stan up fo fight. Cuz da time fo dem come all wipe out goin come on top dem, Az da time fo punish dem.

Jeremiah 46:23

Da Egypt peopo, dey jalike one fores Wit real plenny trees fo no go thru dea. But da army dat stay come, Dey goin cut down all da trees. Dat army get plenny guys, Jalike wen da locust kine grasshoppas come. No can count dem.

Micah 1:8

Micah tell: “Cuz a dis, I goin cry real hard an real loud. I goin walk aroun barefeet an naked, Fo show dat I stay sad inside. I goin cry real loud jalike one wild dog, An make sad noise jalike one pueo.

Micah 7:16

Wen da odda peopos see dat happen, dey goin come shame, Cuz dey no mo powa. Dey goin put dea hand on top dea mout Cuz dey donno wat fo do. Dey no can hear notting dat time.

Zekariah 11:2

Cry loud, you cypress trees, Cuz da cedar trees wen fall down! Da tall an awesome trees stay all bus up. Cry loud, you oak trees inside Bashan, Cuz all da fores stay cut down!

Joshua 9:21

Da leada guys tell, “Let dem stay alive. But let dem cut wood an carry watta fo all us Israel peopo.” So az how da leadas keep dea promise to da Gibeon peopo.