Jeremiah 46:21 - Hawaii Pidgin Bible

²¹ Da Egypt guys pay guys from anodda place Fo go fight fo dem. Dey feed um plenny fo dem come Jalike fat young cows dat peopo feed. But even dem, dey goin turn aroun An run away togedda. Dey no goin stan up fo fight. Cuz da time fo dem come all wipe out goin come on top dem, Az da time fo punish dem.

Jeremiah 46:21 ပူးပေါင်းရင်းမြစ်များ

2 Samuel 10:6

Da Ammon peopo know dat dey wen make pilau kine to David. So dey pay da Aram king guys Syria side fo sen um army guys: da king guys from Bet-Rehob an Zobah sen um 20,000 infantry guys. From da king fo Maakah, dey get 1,000 army guys. An from Tob dey get 12,000 army guys.

2 Kings 7:6

Az cuz da same time da sick guys leave Samaria town, da Boss wen make da Aram army guys hear plenny noise from plenny war wagons an horses, an one big army. Da army guys tell each odda, “Eh! Da Israel king wen pay da kings fo da Het peopo an da Egypt peopo fo come attack us guys!”

Songs 37:13

But da Boss, he ony laugh At da bad peopo, Cuz he know dat bumbye Dey gotta stan in front him, da Judge.

Smart Guys 15:17

Az mo betta you ony get litto bit vejable fo eat, An da place get plenny love an aloha, Den if you get one big luau wit plenny meat, An erybody hate each odda!

Isaiah 10:3

But wat you guys goin do Wen da time come fo God punish you guys? Wen da army guys from far away Wipe you guys out jalike one storm? Wat peopo you guys goin run to Fo dem help you guys? Wea you guys goin leave all yoa rich stuffs Wen you run away?

Isaiah 34:7

He goin kill da wild cows An da odda kine animals fo make sacrifice. He goin kill da young bulls too, An da real big bulls fo make sacrifice. Goin get blood all ova dea land. Da dirt ova dea goin stick togedda from da fat.

Jeremiah 18:17

I goin make dem go all ova da place In front da peopo dat stay agains dem, Jalike one wind from da dry boonies throw dirt all ova da place. I goin make deaf ear to dem Wen time fo wipe dem out.”

Jeremiah 46:22

Da Egypt army goin make noise jalike one snake dat stay run away Wen plenny guys from da odda army come. Dey goin come agains Egypt wit axes, Jalike guys dat cut down trees.

Jeremiah 46:5

“But how come I see dis? Da Egypt guys stay real sked! Da Babylon guys stay push dem back! Dea bestes fighta guys, dey all bus up! Dey run away real fas, An dey no even look behind dem wen dey go. All aroun dem, erybody stay real sked!” Az wat Da One In Charge tell.

Jeremiah 46:9

“Attack, you horse ridas! Go fo broke, you war wagon drivas! March, you guys dat fight— You guys from Sudan an Libya Dat carry one shield. You guys from Lydia Dat fight wit bow an arrow!

Jeremiah 48:44

“Anybody run away from wateva make dem real sked an shaking, Dey goin fall down inside one deep hole. An whoeva climb outa da deep hole, Da trap goin catch um anyway. Cuz az time awready Fo me punish da Moab peopo.” Az wat Da One In Charge tell.

Jeremiah 49:8

“You guys from Dedan town, Turn aroun, run away from Edom! Go hide inside da caves! Cuz da time goin come Fo me punish da peopo dat come from Esau. I goin make real bad kine stuff happen fo punish dem.

Jeremiah 50:11

“Cuz you Babylon guys Stay real good inside, An make jalike you da winnas, Da time you wen rip off my property, You guys wen feel good jalike one young girl kine cow Dat jump aroun all ova da grass. O jalike one strong boy kine horse Dat stay yell cuz he stay real good inside!

Jeremiah 50:27

Kill all da bull kine Babylon army guys! Take um down to da killing place! Ho! Da time stay come fo punish dem.

Ezekiel 30:22

Az why me Da One In Charge, da Boss, tell dis: I like beef Pharaoh, da Egypt king. I goin broke his two arms, da good arm an da one dat stay broke awready. Az how I goin make da sword fall outa his hand.

Ezekiel 35:5

You Edom guys hate da Israel peopo fo long time. You guys let da Israel guys get kill in da war wen dey get hard time, afta me Da One In Charge pau punish dem to da max.

Hosea 9:7

Da time fo punish you stay come. Az da time fo pay you back, cuz you wen make lidat. Make shua da Israel peopo know dat! You guys do plenny bad kine stuff, An you guys hate me plenny. Az why you guys tink da guys dat talk fo God Do bad kine stuff an no bodda dem, An you tink da guys dat lissen God Spirit, pupule.

Amos 6:4

“Bummahs, you guys! You lay down on yoa punee all day, dat get fancy kine ivory all ova. You guys lay down all day an grind da luau food, From bebe sheeps an cows!

Obadiah 1:13

No good you guys wen go inside da town gates wea my peopo live, Da time dey come wipe out. No good you guys wen high nose dem an laugh Wen dey come wipe out. No good you guys wen grab dea rich stuffs Wen dey come wipe out.

Micah 7:4

Even da bestes kine guy dea, He jalike one bush wit thorns all ova um. Da guy wit dem dat do da mos right kine stuff, He still mo worse den one plant wit thorns! “Dis, da time yoa guys dat watch fo messages from God Wen talk bout awready. Az time awready fo God punish you guys. Now erybody stay all mix up.

Matthew 22:4

“So den he sen some mo odda worka guys. He tell um, ‘Tell all da peopo I wen tell fo come, “Time awready! I wen kill da cows an da bestes kine bebe cows. I make all da food ready. Try come!” ’

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.