Jeremiah 46:18 - Hawaii Pidgin Bible

¹⁸ Da real king get da name Da One In Charge, Da God Ova All Da Armies, an he tell: “Jalike I shua I stay alive, I stay shua one man wit plenny powa goin come, He big, jalike how Mount Tabor stay mo big den all da odda mountains. Big, jalike Mount Carmel by da sea.

Jeremiah 46:18 ပူးပေါင်းရင်းမြစ်များ

Songs 89:12

From da north side to da south side, You wen make eryting dea. Mount Tabor an Mount Hermon Stay yell, Cuz dey stay good inside Bout who you.

Isaiah 47:4

Da One dat wen free us guys up From da bad kine stuff we do, Da One In Charge, Da God Ova All Da Armies, Dass his name. Him, da Good An Spesho God fo da Israel peopo.

Isaiah 48:2

You guys tell dat you come From Jerusalem, da town dat stay spesho fo God, An dat you guys trus da God fo da Israel peopo— His name, Da One In Charge, Da God Ova All Da Armies.

Jeremiah 10:10

But Da One In Charge, he da ony god dass fo real. He da God dat stay alive an stay da king foeva. Wen he come huhu, da earth shake. Da diffren peopos no can handle Wen he no like wat dey do.

Jeremiah 10:16

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Da One In Charge, he Da God Ova All Da Armies, Az wat kine god him!

Jeremiah 4:13

“Look! Da army guys, come jalike da clouds. Dea war wagons come jalike one strong wind! Dea horses run mo fas den da eagles fly. Bummahs! Us guys goin come wipe out awready!

Jeremiah 4:7

“Get one guy, Jalike he one lion dat come outa da place he hide. His army guys goin wipe out plenny peopos. Dey wen go way from dea place Fo come wase yoa land An make erybody come bum out. Yoa towns goin come all bus up Cuz no mo nobody goin stay ova dea.

Jeremiah 44:26

But lissen wat Da One In Charge tell, all you Jews dat live inside Egypt! He tell: ‘Me, Da One In Charge, I get da rights fo make dis spesho promise cuz a who me, I da greates. No mo nobody from Judah goin use my name fo make one spesho kine promise, o go tell stuff like “I tell dis cuz I stay shua Da One In Charge a me stay alive!” fo make dea promise come strong, any place ova dea inside Egypt.

Jeremiah 48:15

Da Babylon army guys Goin go inside da Moab towns An wipe dem out. Dey goin kill dea bestes young guys. Az wat me, Da One In Charge, oua King, da God Ova All Da Armies, tell.

Jeremiah 51:17

“Erybody dumb, an dey donno how fo tink. All da guys dat make stuff from gold Ony come shame cuz a da idols dey make. Da idol kine gods dey make, dey not fo real! Dey no can breave!

Jeremiah 51:57

I goin make um come piloot—dea leada guys, Dea guys dat erytime know wat fo do, An dea govna guys, dea govmen guys, an dea army guys too. Dey all goin go sleep foeva, an no wake up.” Az wat da king tell, Da One dat get da name “Da One In Charge, da God Ova All Da Armies.”

Amos 4:13

Amos tell dis: “You know wat? Da One In Charge, Him da One dat shape da mountains. Him da One make da wind blow. Him da One tell peopo eryting he tink. Him da One change da morning light Fo make um come dark one time. Him da One walk on top da mos high places inside da world! An him Da One In Charge A Da Armies. Dass wat kine god him!”

Malakai 1:14

But I tell, get times wen one guy make one promise fo make one sacrifice to me, an he get one good boy kine sheep fo da sacrifice. But den da guy tink he can bulai God. Az why he ony bring one no good kine sheep fo me. But you know wat? Me, Da One In Charge, goin put kahuna on top dat guy! Cuz Da One In Charge, Da God Ova All Da Armies, tell: “I da big king. Az why wen all da diffren peopos find out wat kine god me, dey show real respeck.”

Matthew 5:35

No make one promise an tell ‘by da earth,’ cuz dass God stool fo his feets. No make one promise an tell ‘by Jerusalem,’ cuz dass da spesho town fo da big King.

1 Timoty 1:17

God, he da King foeva. He no can mahke. Nobody can see him fo real kine. He da ony God. Dass why us guys like tell him we get respeck fo him, an he stay awesome foeva an eva. Dass right!

Joshua 12:22

da king fo Kedesh, da king fo Jokneam inside Carmel,

Joshua 19:22

Da edge go from Mount Tabor to Shahazumah an Bet-Shemesh, an down by da Jordan Riva. Dass sixteen towns an da small towns aroun um.

Local Leadas 4:12

Wen somebody tell Sisera dat Barak, Abinoam boy, wen go up to Mount Tabor,

Local Leadas 4:6

She sen somebody fo tell Barak, Abinoam boy, from Kedesh inside Naftali, fo come by her. She tell him, “Da One In Charge, da God fo da Israel peopo, he tell you fo do dis: ‘Go. Take 10,000 guys from Naftali an Zebulun, an lead dem Mount Tabor.