Jeremiah 46:15 - Hawaii Pidgin Bible

¹⁵ How come Apis, yoa bull god from Memphis in Egypt, stay lie on top da groun? How come he no can stan up? Az cuz Da One In Charge push um down!

Jeremiah 46:15 ပူးပေါင်းရင်းမြစ်များ

Songs 18:14

He sen da lightning jalike he shoot arrows, He make da peopo dat stay agains him Run all ova da place. He make da arrows flash plenny times wit lightning, So da peopo donno wat fo do.

Songs 18:39

You wen make me strong fo fight. You make da peopo dat come agains me Go down undaneat my feets.

Songs 44:2

Was cuz a yoa powa Dat you wen throw out Da odda peopos. Dis jalike you wen plant yoa peopo Ova hea. You wen hurt da odda peopos plenny, An make yoa peopo grow plenny.

Songs 68:1

I like fo God make ready fo fight. I like fo da peopo dat stay agains him Run away all ova da place. I like fo da ones dat hate him Run away from in front him.

Songs 68:2

I like fo God make da peopo Dat do bad tings run away, Jalike da wind make da smoke go way, Jalike da wax melt in front one fire! I like fo da peopo dat do bad tings Come all wipe out Wen dey stan in front God!

Outa Egypt 6:1

Da One In Charge tell Moses: “Now, time awready. You goin see wat I goin do to da Pharaoh guy. Cuz I get mo powa den him, he goin make da peopo go way. Cuz I get da powa fo put presha on him, he goin throw da peopo outa his land!”

Jeremiah 46:21

Da Egypt guys pay guys from anodda place Fo go fight fo dem. Dey feed um plenny fo dem come Jalike fat young cows dat peopo feed. But even dem, dey goin turn aroun An run away togedda. Dey no goin stan up fo fight. Cuz da time fo dem come all wipe out goin come on top dem, Az da time fo punish dem.

Jeremiah 46:5

“But how come I see dis? Da Egypt guys stay real sked! Da Babylon guys stay push dem back! Dea bestes fighta guys, dey all bus up! Dey run away real fas, An dey no even look behind dem wen dey go. All aroun dem, erybody stay real sked!” Az wat Da One In Charge tell.

Rules Secon Time 11:23

If you do dat, den Da One In Charge goin go in front you guys an make dese nations dat stay dea get outa dea. Az how you goin take ova dea land, no matta dey mo big an mo strong den you guys.