Jeremiah 44:7 - Hawaii Pidgin Bible

⁷ “An now, dis wat Da One In Charge, da God Ova All Da Armies, da God fo da Israel peopo, tell: ‘How come you guys stay do all dis real bad kine stuff? You da ones get hurt cuz a dat. You guys cut off erybody from da Judah land, da guys, da wahines, da kids, an da small bebes. An cuz a dat, no mo nobody from yoa peopo alive ova dea.

Jeremiah 44:7 ပူးပေါင်းရင်းမြစ်များ

Smart Guys 1:18

Dese guys, dey try jump somebody, But dey da ones goin bleed, Dey da ones goin mahke.

Smart Guys 15:32

Da peopo dat no like learn how dey suppose to live, Dat mean, dey hate demself An tink dey no good. Da peopo dat lissen Wen somebody give dem strong kine words, Dey goin learn how fo tink mo betta cuz a dat.

Smart Guys 5:22

Wen somebody do bad kine stuff, Da tings dey do, trap dem. Dey no can run away, Cuz jalike dey all tie up wit rope.

Smart Guys 8:36

But whoeva no can find me, Dey ony come jam up. Whoeva hate me, Jalike dey like fo mahke.”

Jeremiah 25:6

No follow odda gods. No work fo dem. No go down in front dem. No make me come huhu wit da idol kine gods you guys make wit yoa hands. Den I no goin hurt you guys.’ ”

Jeremiah 25:7

But Da One In Charge tell: “You guys no lissen me. An you guys make me come huhu cuz a da idol kine gods you guys make wit yoa hands. Az how come you guys make trouble fo you!”

Jeremiah 26:19

You tink Hezekiah da Judah king an his peopo wen kill Micah cuz he talk lidat?! No ways! Dey no do bad kine stuff. Dey show choke respeck fo Da One In Charge. Dey beg Da One In Charge fo give chance. Cuz a dis, Da One In Charge no do wat he was goin do befo time. He no put da bad kine stuff on top dem dat he wen tell befo time he goin do. But wat goin happen to us guys if we kill dis guy Jeremiah!”

Jeremiah 3:24

From da time us small kids, Baal, da god dat do shame kine stuff, Eat up all da stuff oua faddahs wen bus ass fo get. He take dea sheeps an goats an cows. An he take dea boys an girls.

Jeremiah 38:17

Den Jeremiah tell Zedekiah, “Dis wat Da One In Charge tell, da God Ova All Da Armies, da God fo da Israel peopo: ‘If you give up to da officer guys fo da Babylon king, den you goin stay alive, an dey no goin burn down dis town. You an yoa ohana guys goin stay alive.

Jeremiah 42:20

Cuz you guys wen make how you tink come all hamajang, da time you guys come by me an tell me fo go by yoa God, Da One In Charge, an tell, ‘Pray fo us guys to oua God, dass Da One In Charge a us. Tell us eryting he tell you, an we goin do um!’

Jeremiah 44:14

From da Judah peopo dat wen go Egypt side fo live dea, no mo nobody goin run away fo save dea life, o get outa dea fo go back Judah side. No matta how much dey like go home fo live dea, ony litto bit peopo goin stay alive fo go back dea.’ ”

Jeremiah 44:8

How come you guys make me come real huhu wit yoa idol kine gods dat you guys make wit yoa hands, aah? Cuz you guys burn incense fo da odda gods inside Egypt wea you guys live now! You guys come wipe out. You goin make all da odda peopos on top da earth like put kahuna on top you. Dey goin poin finga you cuz a all da bad stuff you do.

Jeremiah 51:22

I goin use you fo bus up da guys an da wahines, Fo bus up da ol guys an da young guys, Fo bus up da young guys an da young wahines.

Jeremiah 7:19

But you tink I da One dey hurt?! No way! Dey ony make lidat fo dem come shame. Dey hurt ony dem wen dey do dat. Az da message from Da One In Charge.

Jeremiah 9:21

Teach um lidat, cuz da way us stay now, Jalike oua enemy guys stay come inside thru oua windows fo kill, An inside oua strong wall. Jalike fo wipe out da kids on top da streets An da young guys inside da parks.

Sad Song 2:11

I cry till my eyes no can see notting. I suffa inside my gut. Jalike my heart pour out on top da groun. Cuz my Jerusalem peopo come wipe out awready. Da bebes an da kids pass out On top da streets inside Jerusalem.

Sad Song 2:22

“Jalike you call da peopo fo come togedda wen get da spesho religious ceremonies, Now you call terroris guys fo come all aroun me fo make me come real sked. Wen you, Da One In Charge, wen stay real huhu, No mo nobody get outa dea o stay alive. Get peopo dat was born from me, an I bring dem up, But da peopo dat stay agains me wipe dem out!”

Ezekiel 33:11

“Tell um, ‘Fo shua az me Da One In Charge, da Boss, tell dis. I stay alive! An fo shua, no ways I stay good inside wen one bad kine guy mahke. Mo betta dey no do no moa da bad kine stuff dey wen do. Den dey goin stay alive fo real kine! No do da bad kine stuff no moa! Run away from all dat! How come you ack jalike you like mahke, you Israel peopo?!’

Ezekiel 9:6

Kill ol guys, young guys, teenage girls, kids an wahines. But all da guys dat get da mark on dem, stay away from dem. Da firs place you go, go da spesho place dass fo ony me.” So da firs peopo dey kill goin be da older leada guys dat stay in front da Temple.

Habakkuk 2:10

You wen make one plan dat goin make shame fo yoa ohana. You plan fo wipe out plenny peopos, But you ony goin jam up yoa life!

Census 16:38

Pick up da fire pans dat da guys use dat wen do bad kine stuff, an dey mahke cuz a dat. Pound da pans wit hammas fo make big metal sheets fo cova da outside a da altar wit um. Cuz dose guys wen use da fire pans wen dey come in front me, Da One In Charge. Dass why da fire pans come spesho fo me. So put da metal from um on da outside a da altar, fo stay jalike one sign fo da Israel peopo.”

Rules Secon Time 32:25

Outside on da street, Goin get war dat goin wipe out dea kids. An even inside dea houses, Dey goin come real sked. Same ting fo da young guys an young wahines, Da bebes an da ol guys, Dey goin mahke too.

Joshua 6:21

Dey make da town spesho fo Da One In Charge, jalike az one big sacrifice. Da Israel guys wipe out eryting inside um—da guys, da wahines, da young guys, da ol guys, da cows, da sheeps, an da donkeys.

Local Leadas 21:11

Dey tell, “Dis wat you guys goin do. Wipe out all da Jabesh-Gilead guys jalike dey one sacrifice. An same ting fo all da wahines ova dea dat sleep wit one guy awready.”

1 Samuel 15:3

Now go! Go afta da Amalek peopo, an wipe um out an eryting dey get, make um all one sacrifice fo me. No let um go! Kill da guys, da wahines, da kids, da bebes, da cows, da sheeps an goats, da camels, an da donkeys!’ ”

1 Samuel 22:19

Doeg go Nob, da town wea da pries guys live, an wit his sword he kill da peopo dat still stay ova dea too. He kill da wahines, da kids, da bebes, da cows, donkeys, sheeps, an goats.