Jeremiah 44:6 - Hawaii Pidgin Bible

⁶ Az why I come real huhu agains da peopo inside da Judah towns an on top da Jerusalem streets. Cuz I wen get mad, da towns stay all bus up an no mo peopo dea now.’

Jeremiah 44:6 ပူးပေါင်းရင်းမြစ်များ

Isaiah 1:7

You guys land, nobody can live dea. Yoa big towns stay all burn up. You see da odda peopo take away All yoa food from yoa fields an eat um. An peopo from odda places take um ova.

Isaiah 51:17

Wake up! Wake up! Stan up, you Jerusalem peopo! Befo time, Da One In Charge wen stay huhu wit you guys, An he make you guys suffa plenny! Jalike he make you guys drink wine From inside one wine bowl he give you, An you drink da whole ting, An you, you no can walk strait cuz a dat.

Isaiah 51:20

Yoa boys pass out. Dey lay down dea, da end a ery road. Jalike one deer dey catch inside one net. Yoa God, Da One In Charge, stay real huhu wit dem. An stay poin finga dem.

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Jeremiah 21:12

You David ohana guys, dis wat me, da Boss, tell: “ ‘Wen you guys judge da peopo, Do wass right ery morning. No let da guys dat rip off peopo Put presha one mo time fo da ones dey wen steal from. If you no do dat, I goin come real huhu jalike fire, Cuz you guys do bad kine stuff. An no mo nobody goin pio dat fire!

Jeremiah 21:5

Goin be me dat use my strong powa fo fight you guys! Cuz I stay real huhu, an I no like wat you guys do.

Jeremiah 34:22

I tell dem right now fo come back Jerusalem town. Dey goin fight um an burn um up. I goin wase da towns Judah side fo no mo nobody live ova dea.’ ” Dass wat Da One In Charge tell.

Jeremiah 36:7

Da One In Charge tell awready, he stay real huhu wit dis peopo an tell ‘Laytas’ to wat dey do. But dey get chance. Dey go in front Da One In Charge, an beg him fo make good to dem. An get chance too, dat all dem no goin do bad kine stuff no moa!”

Jeremiah 4:27

Dis wat Da One In Charge tell: “All da land goin come bus up fo nobody live dea. But I no goin wipe all dem out.

Jeremiah 4:4

Cut skin yoa boys fo show dat dey da peopo a Da One In Charge. Make same kine inside you, Fo show dat inside, you da peopo a Da One In Charge, fo real kine! Cuz if you guys not pono inside, Den I talking to you guys from Judah, An you peopo dat live inside Jerusalem town: I tell, I no like show how mad I stay agains you guys, An burn you up jalike wit fire! But if you guys stay do real bad kine stuff still yet, Den no goin get nobody dea fo pio dat fire!”

Jeremiah 42:18

“Cuz dis wat Da One In Charge, da God Ova All Da Armies, da God fo da Israel peopo, tell: ‘Jalike I come huhu an tell “Laytas” to wat da peopo dat wen stay inside Jerusalem do, same ting az how I tell “Laytas” to wat you guys goin do wen you go Egypt side. Peopo goin sing sad songs an cry loud kine bout you guys. Dey goin tink az skery wat happen to you. Dey goin like put kahuna on top you guys, an poin finga you guys an laugh at you. An you guys no goin see dis land no moa.’

Jeremiah 44:22

You guys all da time wen do da worses pilau kine stuff eva. But Da One In Charge, he had it awready wit you guys. Az how come yoa land come all wipe out. An dass goin get one bad rep dat peopo like use fo put kahuna on top somebody, cuz no mo peopo live ova dea. An dass how stay today.

Jeremiah 7:17

You no see wat da peopo do inside da Judah towns an on top da Jerusalem streets, o wat?!

Jeremiah 7:20

“Az why Da One In Charge a me tell: ‘You know wat I goin do to dis place?! I goin come real huhu, an I had it wit wat dis peopo do. Az why da peopo inside dis place hea, an da animals, da trees, an da stuffs dat grow on top da groun—eryting goin burn, an no mo nobody can pio da fire!’ ”

Jeremiah 7:34

Inside da Judah towns an da Jerusalem streets, no mo noise goin come from dea, from peopo dat stay good inside, da ones dat get good fun. No goin get wedding party kine noise cuz da whole land goin come all wipe out.”

Jeremiah 8:3

Da peopo dat stay alive still yet, from dis real bad kine nation, wea eva I make dem go, dey all goin like mahke mo den dey like live!” Az da message from me, Da One In Charge, da God Ova All Da Armies.

Sad Song 1:1

Jerusalem town stay all empty! Befo time get plenny peopo dea. Befo time, Jerusalem was jalike one importan lady, But now, come jalike one widow! Befo time, from all da districks, Jerusalem was jalike dea princess, But now, jalike one slave!

Sad Song 1:13

“From da sky he sen fire Down inside my bones. He spread one net fo catch my feets, An make me turn an go back. He make me come all wipe out, Ready fo pass out all day.

Sad Song 5:18

No mo notting stay on top da Temple hill dat dey call Mount Zion. Ony da wild jackal kine dogs go aroun dea.

Ezekiel 20:33

Me, Da One In Charge, da Boss, tell dis: Cuz me Da One In Charge, fo shua I goin be da king ova you Israel guys, wit one strong hand, an plenny powa, an I goin show dat I stay huhu.

Ezekiel 20:34

Cuz I show how made I stay agains da odda peopos, I goin use my powa fo hemo you guys from wea you stay. I goin bring you guys togedda from all da lands wea you guys stay scatta.

Ezekiel 24:13

You Jerusalem peopo no stay clean inside. You guys no can come in front me Da One In Charge cuz you stay pilau inside an do all kine bad stuff. I wen try fo make you come clean from all da pilau kine stuff, but you no like. Cuz a dat, you guys no goin come clean one mo time till I pau punish you cuz I stay huhu wit you.

Ezekiel 24:8

Kay den, I goin splash you Jerusalem guys blood on top one rock dat no mo dirt on top fo show dat I stay huhu wit you Jerusalem peopo. Dass how I goin pay you guys back fo wat you do.

Ezekiel 5:13

“Den afta I pau punish dem, an afta I no need do dat kine stuff to dem no moa, den dey goin know dass me, Da One In Charge, dat stay do all dis. An dey goin know I wen tell all dis cuz I goin go all out fo help dem! No mo I goin come mad wit dem.

Ezekiel 6:12

Da guy dat stay far away goin mahke wit da real bad kine sick. Da guys dat stay nea goin mahke cuz a da war. An da guys dat still yet stay alive an no mahke from dat goin mahke cuz no mo food. I goin punish dem till I pau come huhu. Afta dat, I no goin stay huhu wit dem no moa.

Ezekiel 8:18

So same ting. Me, Da One In Charge, I real huhu. I goin show how huhu I stay wit dem. I no goin pity dem. I no goin hold back. No matta dey yell loud, I no goin lissen dem.”

Daniel 9:12

You make happen da stuff you wen tell you goin do fo punish us an oua govmen guys wen you make happen all dis bad kine stuff to us. All ova da world, no mo nobody eva do notting lidis befo, jalike you wen do to Jerusalem.

Prieses 26:28

den I goin get real mad wit you guys. I goin punish you guys cuz a da bad kine stuff you guys stay do, seven times mo worse.

Prieses 26:31

I goin make yoa towns come all bus up, an wipe out da places you make spesho fo yoa gods. I no goin feel good inside notting from da nice smell you guys make wit yoa sacrifices.

Nahum 1:2

Da One In Charge, da Boss, He one jealous God. He no like fo peopo pray to odda gods. He pay back peopo fo wat dey do. He stay real huhu. Fo shua, he pay back da peopo dat stay agains him. He had it wit wat da peopo do dat go agains him.

Zekariah 1:2

“Me, Da One In Charge, I wen stay real huhu wit you guys ancesta guys.

Zekariah 1:6

“But long ago, get plenny stuff I wen tell da guys dat wen talk fo me. Get plenny rules dat I wen give dose guys dat work fo me an talk fo me. I tell um all dat, fo dem pass um on to yoa ancesta guys fo dem know wat dey gotta do. An da tings I tell um, dey not jus fo yoa ancestas! My rules wen stay fo dem, an dey still stay true!” Den da peopo wen come sorry. Dey change how dey tink. Dey tell, “Da One In Charge, Da God Ova All Da Armies, he punish us guys fo tings we wen do, an befo time he wen make up his mind he goin do dat.”

Zekariah 7:14

An I scatta dem jalike wit one tornado, so dey gotta go wea all da odda nations stay. An no mo nobody know dem ova dea. Inside dea land, no mo peopo. Az why no mo nobody like come dea, an no mo nobody go way from dea. Az how dey make dis nice land come one place wea no mo nobody stay!”