Jeremiah 44:3 - Hawaii Pidgin Bible

³ Az cuz da peopo ova dea wen do real bad kine stuff. Dey make me come real huhu wen dey burn incense an do any kine stuff fo da idol kine gods. Dem guys an you guys an yoa ancesta guys, dey neva know dose gods befo time.

Jeremiah 44:3 ပူးပေါင်းရင်းမြစ်များ

Nehemiah 9:33

You wen do da right ting Fo eryting dat happen to us guys. Cuz we can trus you fo do Wat you tell you goin do. But us guys know fo shua Dat we wen do bad kine stuff.

Isaiah 3:8

You know, da peopo inside Jerusalem, Jalike dey no can walk strait. Da peopo inside Judah, Jalike dey stay fall down too. Cuz wit wat dey tell, An wit wat dey do, Dey talk bad bout Da One In Charge An go agains him. Dey tink he no good, no matta he awesome.

Jeremiah 11:17

“Me Da One In Charge, me da God Ova All Da Armies! I wen plant you guys on top dis land jalike dat olive tree. But I tell dis bout you guys now: you goin get wipe out! Az cuz you Israel ohana an Judah ohana guys wen do bad kine stuff, an dat make me come real huhu, cuz you guys burn incense fo da god Baal.”

Jeremiah 16:10

“Wen you tell da peopo all dis stuff, dey goin tell, ‘How come Da One In Charge make all dis real bad kine stuff happen to us?! Wat we wen do dass wrong?! Wat bad kine stuff we wen do agains oua God, dass Da One In Charge a us?!’

Jeremiah 22:9

Odda peopo goin tell, ‘Cuz da peopo broke Da deal dey wen make wit dea God, Da One In Charge, An dey go down an show respeck fo odda gods, an work fo dem.’ ”

Jeremiah 29:19

Az cuz da peopo hea no lissen wat I tell. No matta my guys dat work fo me an talk fo me tell dem ova an ova, dey no lissen. An you guys dat stay prisonas Babylon side, you guys no lissen too.” Az wat Da One In Charge tell.

Jeremiah 32:30

“Fo shua, from da start da Israel peopo an da Judah peopo stay do ony bad kine stuff, da way I see um. Fo shua, da Israel peopo piss me off bout da idol kine gods dey make wit dea hands.

Jeremiah 44:23

You guys burn incense an wen do bad kine stuff agains Da One In Charge. You guys no lissen wat Da One In Charge tell you, o follow his rules, o do da odda stuff he tell you guys you gotta do. You no live da way he like you fo live. An az why all dis bad kine stuff happen to you guys, jalike how stay now.”

Jeremiah 44:8

How come you guys make me come real huhu wit yoa idol kine gods dat you guys make wit yoa hands, aah? Cuz you guys burn incense fo da odda gods inside Egypt wea you guys live now! You guys come wipe out. You goin make all da odda peopos on top da earth like put kahuna on top you. Dey goin poin finga you cuz a all da bad stuff you do.

Jeremiah 5:19

Wen da peopo tell, ‘How come oua God, dass Da One In Charge a us, do all dis kine stuff to us?’ you, Jeremiah, goin tell um, ‘Da One In Charge tell, you guys wen dig out from me, fo work inside yoa land fo da idol kine gods from da diffren peopos. An den, dese diffren peopos goin make you guys work fo dem inside one land dass not yoa land!’

Jeremiah 5:29

Da One In Charge tell, “You tink I no need punish dem fo all dis stuff?! I goin punish dem! You tink I no goin pay back dat kine peopo fo dis?! I goin pay um back!

Jeremiah 7:19

But you tink I da One dey hurt?! No way! Dey ony make lidat fo dem come shame. Dey hurt ony dem wen dey do dat. Az da message from Da One In Charge.

Sad Song 1:8

Da Jerusalem peopo wen do plenny bad kine stuff. Dey come pilau an no can go in front God. All da peopo dat wen show respeck fo dem, Now dose peopo make to dem jalike dey no worth notting. Az jalike da Jerusalem peopo stay naked. Dey moan an dey stay plenny shame.

Sad Song 4:13

All dat happen, cuz da guys dat suppose to talk fo God Do bad kine stuff, An da pries guys kill da guys dat do wass right.

Ezekiel 9:9

Da One In Charge tell me, “Da Israel peopo an da Judah peopo do real plenny bad kine stuff. Get plenny peopo dat wen bleed an mahke all ova Israel an Judah. An da judges all ova Jerusalem town no judge da right way, so dey let da killa guys go erytime. Da Israel peopo an da Judah peopo tell, ‘Da One In Charge wen bag from dis land. Da One In Charge, he no see wass happening!’

Daniel 9:5

But us guys wen go buckaloose an do bad kine tings. Us guys do wass wrong. Us guys do da kine stuff we not suppose to do. Us guys go agains you, Da One In Charge, an us make deaf ear fo wat you tell us fo do. We wen bag from da rules you make dat show us wass right an wass wrong cuz you da Judge.

Rules Secon Time 13:6

If yoa braddah, yoa muddah o faddah boy, o yoa boy o girl, o yoa wife dat you love, o yoa bestes fren talk to you wea nobody can hear an like try make you like do wass kapu fo you do, an tell, “Eh! Us go down in front odda gods,” no lissen dem. You guys an yoa ancestas neva know dose gods befo time.

Rules Secon Time 29:25

“An some odda peopo goin tell, ‘Az cuz da peopo dea no like take da Deal dat Da One In Charge, da God fo dea ancesta guys, wen make wit dem wen he bring dem outa Egypt.

Rules Secon Time 29:26

Dey wen go off an work fo odda gods, an show respeck fo da idol kine gods dey donno befo time, dat God neva give dem da right fo pray to.

Rules Secon Time 32:17

You make sacrifice to da aumakua kine spirits. But dat kine spirits, dey not real gods! You guys neva know dose spirits befo time. Dey new kine spirits fo you peopo. Befo time, yoa ancesta guys neva stay sked a dem O show respeck fo dem.

Hebrews 3:16

Who da peopo dat wen hear all dis an go agains Moses, afta dey hear wat Moses tell? Dass all da peopo dat Moses wen bring outa Egypt.