Jeremiah 44:28 - Hawaii Pidgin Bible

²⁸ But if get anybody dat no mahke cuz a da war, an dey get away an go back inside da Judah land from Egypt, ony goin be litto bit peopo. Den all da Judah peopo dat wen come fo live Egypt side goin know fo shua who stay tell da trut, me o dem.’ ”

Jeremiah 44:28 ပူးပေါင်းရင်းမြစ်များ

Songs 33:11

Eryting Da One In Charge make one plan fo do, Dass how goin stay foeva. Wen he tink wat fo do, Dass how goin be foeva.

Isaiah 10:19

Ony litto bit trees goin stay Inside da Assyria king fores. Not too much, even one young boy can count um.

Isaiah 10:22

No matta you Israel peopo Get plenny, jalike da sand by da ocean, Ony some a dem goin come back. God tell all da oddas goin come wipe out, Jalike wen da big watta carry um away, Cuz az da right ting fo him do.

Jeremiah 42:17

Fo shua, erybody dat still stay hard head an yet like go Egypt side fo stay ova dea, dey goin mahke from da war, from no mo food, an from da real bad kine sick. No mo nobody goin stay alive an run away from da real bad kine stuff I goin make happen to dem.

Jeremiah 44:13

I goin punish dose Judah peopo dat live inside Egypt, jalike I wen punish da Jerusalem peopo—wit war, no mo food, an da real bad kine sick.

Jeremiah 44:14

From da Judah peopo dat wen go Egypt side fo live dea, no mo nobody goin run away fo save dea life, o get outa dea fo go back Judah side. No matta how much dey like go home fo live dea, ony litto bit peopo goin stay alive fo go back dea.’ ”

Jeremiah 44:29

Da One In Charge tell: “All dis goin be jalike one sign fo show you guys dat I goin punish you guys inside dis place. Dass how you guys goin know, all dat I tell bout da bad kine stuff, I goin make happen to you guys.”

Jeremiah 51:50

You guys dat wen run away from da army guys wit swords, Get outa hea! No jus stan dea! No foget Da One In Charge even wen you stay one far place, An tink plenny bout Jerusalem town!”

Ezekiel 6:8

“ ‘But some a yoa peopo, I goin let dem stay alive so dat da army guys no goin kill dem. Dey goin go all ova to diffren countries.

Zekariah 1:6

“But long ago, get plenny stuff I wen tell da guys dat wen talk fo me. Get plenny rules dat I wen give dose guys dat work fo me an talk fo me. I tell um all dat, fo dem pass um on to yoa ancesta guys fo dem know wat dey gotta do. An da tings I tell um, dey not jus fo yoa ancestas! My rules wen stay fo dem, an dey still stay true!” Den da peopo wen come sorry. Dey change how dey tink. Dey tell, “Da One In Charge, Da God Ova All Da Armies, he punish us guys fo tings we wen do, an befo time he wen make up his mind he goin do dat.”

Census 14:41

But Moses tell, “How come you guys goin go wea Da One In Charge tell you fo no go?! Dis no goin come out good!

Matthew 24:35

Da world an da sky goin go way, but da tings I tell no goin go way foeva.