Jeremiah 40:10 - Hawaii Pidgin Bible

¹⁰ Me, I goin stay Mizpah side fo me talk fo you guys in front da Babylon guys dat come by us. You guys goin harves da grapes, make da wine, harves da summa fruits, make da olive oil an put um inside yoa jars fo stash um, an live inside da towns you wen take ova.”

Jeremiah 40:10 ပူးပေါင်းရင်းမြစ်များ

2 Samuel 16:1

Wen David go down litto bit da odda side a da Olive Ridge, he see Ziba ova dea. He da land manager fo Mefiboshet. He stay wait fo meet David. He bring two donkeys wit pack saddle. Da donkeys stay carry two hundred roun kine breads, one hundred chunk block raisin candy press togedda, one hundred summa kine fruits, an one goat skin all sew up wit wine inside.

1 Kings 10:8

Fo shua, yoa guys stay good inside! Yoa helpa guys dat stan in front you all da time an hear wat you know how fo do erytime—dey all can stay good inside!

Smart Guys 22:29

Wen you spock somebody Dat know how fo do his work real good, Dat guy, goin work fo da king guys, Not fo da kine guys dat nobody know.

Smart Guys 27:25

Afta you harves da hay from da field Fo feed yoa animals, An you see da new grass stay come up, An you even cut da grass from on top da mountains,

Isaiah 16:9

Dass why I stay cry plenny Da same way da Jazer peopo cry Fo da grape plants Sibmah side. I cry mo plenny Fo da Heshbon an Elealeh peopo. Befo time, wen da Moab peopo bring dea summa fruit An harves da wheat, Erybody yell plenny, Cuz dey feel good inside. But now, da peopo no yell dat way no moa Cuz no mo notting fo harves.

Jeremiah 35:19

Az why me, Da One In Charge, da God Ova All Da Armies, an da God fo da Israel peopo, tell dis: “Rekab boy Jonadab, his ohana erytime goin get peopo in place fo work in front me.” ’ ”

Jeremiah 39:10

But Nebuzaradan let some a da Judah peopo dat no mo notting stay dea inside da Judah land, an he give dem grape fields an odda fields dey can plow, dat time.

Jeremiah 40:12

dey all come back Judah side, by Gedaliah, Mizpah side, from all da lands wea dey wen run away from da Babylon army guys. Dey come back an dey harves plenny grape an summa fruit.

Jeremiah 40:6

So Jeremiah go by Gedaliah, Ahikam boy, Mizpah side, an stay dea wit Gedaliah, wea da odda peopo stay dat still stay live inside da land.

Jeremiah 43:5

Az how come Johanan an all da army officer guys wen take away da peopo dat still stay Judah side—an da ones dat come back Judah side from all da odda countries all ova da place wea dey wen run away befo time.

Jeremiah 48:32

You Sibmah peopo, I stay cry fo you guys Mo den I wen cry fo da Jazer peopo. You Sibmah peopo get frenz all ova da place, Jalike one vine dat get branches spread all da way to da Big Salt Lake, An reach all da way to Jazer town too. Somebody come dat goin wipe you out Jalike dey goin rip off yoa ripe kine fruits dat ony get summa time, An da grapes you guys harves.

Micah 7:1

Den Micah tell: “Bummahs! I feel jalike one guy dat like go pick up fruits summa time, Afta da harves guys harves um awready. An I no find grapes fo eat, An no mo early figs dat I plenny ono fo eat.

Luke 21:36

Watch out all da time, an stay ready. Tell God fo let you get outa all da stuff dat goin happen, an fo let you stan in front me, da Fo Real Kine Guy.”

Rules Secon Time 1:38

But yoa helpa guy, Joshua, Nun boy, he goin go inside dea. Talk to him an give him good kine words, cuz he goin lead da Israel peopo fo take ova da land I goin give dem.’

Rules Secon Time 16:13

Da Spesho Religious Ceremony Fo Live In Shacks fo seven days afta you guys bring togedda all da wheat from da place wea you split da wheat, an da wine from da place wea you step da grapes fo smash um.