Jeremiah 4:4 - Hawaii Pidgin Bible

⁴ Cut skin yoa boys fo show dat dey da peopo a Da One In Charge. Make same kine inside you, Fo show dat inside, you da peopo a Da One In Charge, fo real kine! Cuz if you guys not pono inside, Den I talking to you guys from Judah, An you peopo dat live inside Jerusalem town: I tell, I no like show how mad I stay agains you guys, An burn you up jalike wit fire! But if you guys stay do real bad kine stuff still yet, Den no goin get nobody dea fo pio dat fire!”

Jeremiah 4:4 ပူးပေါင်းရင်းမြစ်များ

2 Records 34:25

Cuz da peopo wen bag from me. Dey make sacrifice fo da odda gods. I stay real piss off cuz a all da idol kine stuff dey wen make wit dea hands. I goin stay real huhu wit dis place, an no mo notting goin change dat!’

Isaiah 10:17

Da God dat give da Israel peopo light, Fo da Assyria peopo, he goin come jalike one fire. Da One dat stay good an spesho fo da Israel peopo Goin burn up da Assyria peopo. In one day, dat fire goin burn up All da Assyria peopo, jalike dey thorns an weeds.

Isaiah 30:33

Da place outside Jerusalem Wea da peopo dat donno God Burn up dea kids Fo make one sacrifice fo dea idol kine gods, From long time, jalike dat place stay ready Fo burn up da Assyria king. Somebody wen dig da burning place Real deep an real wide. Get plenny fire An plenny wood all pile up dea. Wen Da One In Charge blow on top um, Make um start fo burn, Jalike one burning sulfur riva Make da wood pile burn.

Isaiah 51:17

Wake up! Wake up! Stan up, you Jerusalem peopo! Befo time, Da One In Charge wen stay huhu wit you guys, An he make you guys suffa plenny! Jalike he make you guys drink wine From inside one wine bowl he give you, An you drink da whole ting, An you, you no can walk strait cuz a dat.

Jeremiah 15:14

I goin let da peopo dat stay agains you guys Take you guys away Inside one land you guys donno from befo time. I goin do all dis cuz I stay real huhu wit you guys, Jalike one hot burning fire.”

Jeremiah 21:12

You David ohana guys, dis wat me, da Boss, tell: “ ‘Wen you guys judge da peopo, Do wass right ery morning. No let da guys dat rip off peopo Put presha one mo time fo da ones dey wen steal from. If you no do dat, I goin come real huhu jalike fire, Cuz you guys do bad kine stuff. An no mo nobody goin pio dat fire!

Jeremiah 21:5

Goin be me dat use my strong powa fo fight you guys! Cuz I stay real huhu, an I no like wat you guys do.

Jeremiah 23:19

Watch out! Wen Da One In Charge come huhu, Az jalike one big storm come. Stay jalike one tornado dat come down On top da head a da guys dat do real bad kine stuff.

Jeremiah 36:7

Da One In Charge tell awready, he stay real huhu wit dis peopo an tell ‘Laytas’ to wat dey do. But dey get chance. Dey go in front Da One In Charge, an beg him fo make good to dem. An get chance too, dat all dem no goin do bad kine stuff no moa!”

Jeremiah 44:22

You guys all da time wen do da worses pilau kine stuff eva. But Da One In Charge, he had it awready wit you guys. Az how come yoa land come all wipe out. An dass goin get one bad rep dat peopo like use fo put kahuna on top somebody, cuz no mo peopo live ova dea. An dass how stay today.

Jeremiah 9:25

Anodda message from Da One In Charge: “Da time goin come Wen I goin punish all da guys Dat get da cut skin mark ony on top dea body But dey no mo notting inside fo show dey my peopo:

Jeremiah 9:26

Da Egypt guys, da Judah guys, da Edom guys, Da Ammon guys, da Moab guys, An all da ones dat live inside da boonies Dat cut dea hair spesho fo dea gods. All dose peopos, an all da Israel guys, dey cut skin, But dey no mo da mark inside dem Dat show dey my peopo.”

Sad Song 4:11

Da One In Charge come real huhu wit dem. He tell “Laytas” to wat dey do. He make one fire inside Jerusalem town, Dat burn down eryting to da foundations, all ova Zion town.

Ezekiel 16:38

I da judge, an I goin punish you Jerusalem peopo. I goin punish you jalike da Rules tell fo da wahines dat fool aroun da guys dey no stay married to, an da wahines dat kill peopo. Dat mean, you goin bleed an mahke. Cuz I stay real huhu wit you, jalike one jealous husban.

Ezekiel 18:31

Throw out all da bad kine stuff you guys wen do agains me awready! Go put inside you one new kine heart an one new kine attitude! Eh! You Israel ohana peopo! You guys no need come cut off from God, you know!

Ezekiel 20:33

Me, Da One In Charge, da Boss, tell dis: Cuz me Da One In Charge, fo shua I goin be da king ova you Israel guys, wit one strong hand, an plenny powa, an I goin show dat I stay huhu.

Ezekiel 21:17

Me, Da One In Charge, goin clap my hands togedda too Fo tell da killa guy fo use da sword. An den, I goin tell um res, Cuz den I no goin stay huhu no moa. Az me Da One In Charge wen tell all dis.’ ”

Ezekiel 24:13

You Jerusalem peopo no stay clean inside. You guys no can come in front me Da One In Charge cuz you stay pilau inside an do all kine bad stuff. I wen try fo make you come clean from all da pilau kine stuff, but you no like. Cuz a dat, you guys no goin come clean one mo time till I pau punish you cuz I stay huhu wit you.

Ezekiel 24:8

Kay den, I goin splash you Jerusalem guys blood on top one rock dat no mo dirt on top fo show dat I stay huhu wit you Jerusalem peopo. Dass how I goin pay you guys back fo wat you do.

Ezekiel 44:7

You guys wen do plenny bad kine stuff in my face! An mo worse, get guys aroun hea from odda places dat no mo da mark fo show dey mines on top dea bodies o inside dem. But you guys, you bring dem inside da Temple dat stay spesho fo me. Dass how you guys make my Temple come pilau. Da same time you guys make one sacrifice wit fat an blood fo give me food, but you guys broke da deal I wen make wit you guys.

Ezekiel 6:12

Da guy dat stay far away goin mahke wit da real bad kine sick. Da guys dat stay nea goin mahke cuz a da war. An da guys dat still yet stay alive an no mahke from dat goin mahke cuz no mo food. I goin punish dem till I pau come huhu. Afta dat, I no goin stay huhu wit dem no moa.

Ezekiel 8:18

So same ting. Me, Da One In Charge, I real huhu. I goin show how huhu I stay wit dem. I no goin pity dem. I no goin hold back. No matta dey yell loud, I no goin lissen dem.”

Prieses 26:28

den I goin get real mad wit you guys. I goin punish you guys cuz a da bad kine stuff you guys stay do, seven times mo worse.

Prieses 26:41

An fo me, fo shua all dat make me stay piss off wit dem too. Az why I sen dem inside da land a da peopo dat stay agains dem. Dey neva like lissen me. But wen dey start fo tink dey notting, an dey tell az okay fo me punish dem cuz a da bad kine stuff dey wen do,

Amos 5:6

Amos tell: “Eh you guys! Go by Da One In Charge fo get help Fo you guys stay alive an no mahke. But if you no like, God goin wipe out da Joseph ohana real fas, jalike wit fire, An burn up Bethel town real fas, An nobody goin pio da fire.”

Zefaniah 2:2

Go come togedda befo da time start Dat Da One In Charge come huhu! Dat time goin come fas, Jalike wen da wind blow da junks outa da wheat! Go come togedda befo Da One In Charge catch up you guys, Cuz he real huhu wit you! Do um befo he punish you guys, Cuz he real mad!

Rome 2:25

If you do wat da Rules From God tell you fo do, az good you get da cut skin mark dat show you one Jew guy. But if you go broke da Rules From God, az jalike you no mo da mark awready, an you not one Jew guy fo real kine.

Rules Secon Time 10:16

He tell, ‘So den, not enuff you guys get one mark in yoa skin fo show you God peopo. Mo betta you get one mark inside you fo show you change how you stay lissen Da One In Charge a you. An no come hard head no moa.’

Rules Secon Time 30:6

Yoa God, Da One In Charge, goin make you an da peopo dat goin come from you bumbye, like come his peopo, jalike he goin put one mark inside you an yoa kids fo show dat you his peopo. Den you guys goin go all out fo show love an aloha fo him fo you live fo real kine.

Rules Secon Time 32:22

I stay huhu jalike one fire dat stay burn. Da fire dat burn all da way To da bottom a da Mahke Peopo Place, Goin burn up da earth an da food dat grow on top um. Goin burn up da foundations fo da mountains.

Colosse 2:11

Da Jew guys cut skin fo show dey God peopo. But Christ, he put his spesho mark inside us guys. He take away da powa oua body get fo make us do all da bad kine stuff oua body like us fo do.