Jeremiah 4:31 - Hawaii Pidgin Bible

³¹ “I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Jeremiah 4:31 ပူးပေါင်းရင်းမြစ်များ

Start 27:46

Den Rebecca tell Isaac, “You know da wahines from aroun hea from da Het ohana? I no like dem! If Jacob marry one a dem wahines from da Het peopo jalike Esau wen do, one local kine wahine from aroun hea, mo betta I mahke!”

Job 10:1

An Job tell, “Bum me out, Dat I gotta stay alive! Az why I goin squawk some moa. I goin talk, cuz inside, I feel all hamajang.

Songs 120:5

Bummahs! I gotta live Far away from my peopo, Jalike I stay wit da no good peopo Meshek side, O jalike I put up one tent Wit da Kedar peopo.

Isaiah 1:15

Wen you guys put up yoa hands fo pray to me I goin look da odda way. No matta you pray long time, I no goin lissen. Yoa hands stay dirty all ova From da blood a da peopo you wen kill.

Isaiah 13:8

Dey stay real sked an lose fight. Dey feel sore inside, an no can keep still Jalike one wahine dat goin born one bebe. Dey look at each odda An dea face stay all red from da fire, Cuz Babylon town stay burn!

Isaiah 21:3

Wen I hear dis, I come plenny sore inside An I move my body. Da pain stay grab me, Jalike wen one wahine start fo born one bebe. I stay all mix up an no can figga Cuz a wat I wen hear. Bodda me plenny an make me sked, Wat I wen see.

Isaiah 26:17

Us guys stay jalike one wahine Az time awready fo born one bebe, Den her move aroun an yell Cuz her stay real sore. Dass how we wen stay cuz a you, Da One In Charge.

Isaiah 42:14

Da One In Charge tell, “From long time I no say notting. I stay quiet an no talk. But now, time fo me talk strong, Jalike one wahine wen she born one bebe, An she make plenny noise, An breave hard, jalike no can get enuff air.

Isaiah 6:5

Den I wen yell, “Bummahs! I stay wipe out awready! Da way I stay talk, An da way da peopo I stay wit stay talk, No way us can come in front God! But still yet, I wen see Da One In Charge, da King, Da God Ova All Da Armies.”

Jeremiah 10:19

Da Jerusalem peopo yell: “Bummahs! I stay sore big time! Wea dey wen wack me stay mo worse. But I tink, ‘Fo shua, dass how sick I stay, An I gotta try handle.’

Jeremiah 13:21

You guys wen work hard Fo make da Babylon peopo tink You guys dea frenz. So den! How you guys goin handle bumbye Wen Da One In Charge put dem in charge a you guys?! You guys goin come real sore, Jalike one wahine ready fo born one bebe!

Jeremiah 14:18

If I go out da country side, I see da guys dat da army guys wen kill wit swords. If I go aroun inside Jerusalem town, I see all da peopo dat stay sick Cuz no mo food. Da guys dat talk fo God an da pries guys Stay go all ova da land fo do dea work, But dey donno wat dey stay do!’ ”

Jeremiah 15:18

How come I still stay suffa? An how come my plenny sores no heal, an no like come good? You goin come Jalike one small stream Dat stay all dry up, o wat?! You goin come jalike one puka Dat no can trus fo get watta inside, o wat?!”

Jeremiah 18:21

So make dea kids mahke cuz no mo food! Let dem get kill in da war! Make dea wifes come widows An lose dea kids too! Make dea guys mahke from da real bad kine sick! Kill dea young guys wit swords wen dey go war!

Jeremiah 22:23

You da king dat live inside Lebanon kine palaces, Dat get cedar wood fo make high makamaka. You goin moan plenny wen you start fo hurt, Jalike one wahine wen she born one bebe.”

Jeremiah 30:6

Tink bout dis— You tink one guy can born kids?! Den how come I see ery strong guy Wit his two hand on top his opu, Jalike one wahine dat goin born one bebe?! An erybody face come real white?!

Jeremiah 45:2

Dis wat Da One In Charge, da God fo da Israel peopo, tell you, Baruk:

Jeremiah 48:41

Da nation dat stay come Goin take ova da towns. Dey goin capcha all da place dat get strong wall. Dat time, da Moab army guys Goin suffa, jalike one wahine Dat suffa wen she born one bebe.

Jeremiah 49:22

Look! One nation stay come! Jalike one eagle dat stay fly high An den come down fas. Da eagle spread his wings fo attack Bozrah town. Dat time, da Edom army guys, Goin suffa, jalike one wahine Dat suffa wen she born one bebe.

Jeremiah 49:24

“Da Damascus peopo wen lose fight. Dey turn aroun fo run away, An dey no can stop shake. Dey ony tink How dey stay sad inside dem, Jalike one wahine wen she born one bebe.

Jeremiah 50:43

Da Babylon king stay hear bout dis, An he lose fight. He no can handle! He real sore, jalike one wahine dat ready fo born one bebe.

Jeremiah 6:2

Jerusalem town stay jalike one nice looking wahine Dat know how fo dress fancy kine. Still yet, I goin wipe out Jerusalem!

Sad Song 1:17

Da Zion peopo put out dea hands, But no mo nobody stay fo make dem feel mo betta. Da One In Charge tell dat fo da peopo dat come from Jacob, Da peopo dat live nea dem goin stay agains dem. Fo dose peopo, Jerusalem goin be jalike one pilau rag.

Sad Song 1:20

“Eh! Da One In Charge! Look how I stay bum out! I stay suffa inside. I stay lose fight. Cuz I wen go agains you fo real kine. Outside in da street, da army guys kill da peopo. Inside da house, peopo mahke.

Sad Song 2:21

“Da young guys an da ol guys, Dey all stay lay mahke inside da dirt on top da streets. My young guys an girls get kill wit swords. You wen kill dem wen you stay real huhu. You wen wipe um out an neva get pity fo dem.

Hosea 13:13

Da Efraim peopo hurt jalike one wahine born one bebe. But da bebe no like come outa da muddah!

Micah 4:10

Squirm an yell, you Jerusalem peopo! Jalike one wahine dat stay born one bebe. Cuz now you guys gotta go way from da big town, An stay inside da boonies. You guys goin go all da way to Babylon town. Az wea you guys goin get outa dis trouble. Az wea Da One In Charge goin do wat he gotta do Fo get you guys outa trouble From da powa dat da peopo Dat stay agains you guys get.

Micah 4:9

How come now you guys cry lidat? You guys no mo king, o wat? All da smart guys dat tell you guys wass good fo you do, Dey all gone, o wat? How come you guys squirm an suffa Jalike one wahine dat stay born one bebe?

Micah 7:1

Den Micah tell: “Bummahs! I feel jalike one guy dat like go pick up fruits summa time, Afta da harves guys harves um awready. An I no find grapes fo eat, An no mo early figs dat I plenny ono fo eat.

Matthew 21:5

“Go tell Zion town, Eh, look! Yoa King stay come by you, He make nice kine to erybody, He stay ride on top one donkey, Even one real young donkey.”

1 Corint 9:16

Jus cuz I stay tell peopo da Good Kine Stuff From God, dat no mean I can talk big bout me. I gotta tell um bout God. Real sad if I no tell peopo da Good Kine Stuff From God!

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!