Jeremiah 4:19 - Hawaii Pidgin Bible

¹⁹ Den Jeremiah tell, “Bummahs! I suffa plenny! I plenny sore cuz I hurt inside. My heart stay poun hard inside, I gotta tell someting! Cuz I hear da soun from da trumpets fo start fo fight! I hear da army guys yell!

Jeremiah 4:19 ပူးပေါင်းရင်းမြစ်များ

Start 49:6

Inside, goin bodda me plenny if I gotta lissen Wen dey make plan togedda fo do bad kine stuff. Wen dey come togedda, I no like stay wit dem, Cuz wen dey come huhu, dey kill peopo. Dey even tink az good fun hurt da cows fo notting.

2 Kings 4:19

He tell his faddah, “My head sore!” His faddah tell one worka guy, “Carry him by his muddah.”

2 Kings 8:11

Den Elisha jus stan dea in front Hazael an eye him up long time, till bodda Hazael. Den Elisha, da guy dat stay tight wit God, start fo cry.

Songs 103:1

I tink lidis: “Tell erybody dat Da One In Charge, He da One give me Da powa fo do eryting!” Eryting inside like tell Wat kine god him, Da One dat stay good an spesho!

Songs 116:7

I know notting can bodda me No moa, Cuz Da One In Charge Wen do good tings fo me.

Songs 119:136

I cry real plenny, Jalike get ditch watta Stay come outa my eyes. Cuz get peopo dat no do Wat yoa Rules tell.

Songs 119:53

I stay plenny piss off Cuz a da peopo dat stay do wass wrong, An dat no stay tight wit da Rules you wen give.

Songs 146:1

Eh you guys! Tell good ting Bout Da One In Charge! Fo me, I tink lidis: “Tell good tings Bout Da One In Charge!”

Songs 16:2

Dis wat I tell Da One In Charge: “You, you da Boss fo me! If no was fo you, No mo notting good happen to me!”

Isaiah 15:5

Inside I stay cry fo da Moab peopo. Da peopo from dea run all da way to Zoar town An to Eglat-Shelishiyah. I stay cry cuz dey go up da way fo go to Luhit, An dey still stay cry wen dey stay going. I stay cry cuz on top da road to Horonaim, Da peopo stay yell An tell bout dea place Wea eryting stay broke.

Isaiah 16:11

Dass why I stay cry inside fo da Moab peopo. I stay cry real plenny, Jalike one sad song you play wit da harp. How I tink an how I feel, I feel real sore inside fo da Kir-Hareset peopo.

Isaiah 21:3

Wen I hear dis, I come plenny sore inside An I move my body. Da pain stay grab me, Jalike wen one wahine start fo born one bebe. I stay all mix up an no can figga Cuz a wat I wen hear. Bodda me plenny an make me sked, Wat I wen see.

Isaiah 21:4

I no can tink good! I stay shake cuz I real sked! I wait fo da light come litto bit, But now da light come, I stay sked even mo plenny!

Isaiah 22:4

Dass why I tell dis, “Go way! No look at me! Let me cry hard! No try make me feel good inside Cuz dey wipe out my peopo! My peopo, dey jalike one wahine, Gone awready, eryting dey get.

Jeremiah 13:17

But if you no lissen wat I tell, I goin go hide an cry, Cuz you guys ack high makamaka. I goin cry real hard wit plenny tears, Cuz da peopo a Da One In Charge all goin come prisonas.

Jeremiah 20:9

But if I tell, “I no goin even tink bout Da One In Charge! I no goin talk fo him no moa!” Den, da tings he like me tell stay inside me, Jalike one fire stay burn inside me! Jalike my bones burning up inside. I stay tired from hold um inside. I no can hold um inside no moa.

Jeremiah 23:9

Dis bout da guys dat talk fo God. I tink bout Da One In Charge An all da tings he tell cuz he good an spesho. An den I tink bout da guys dat tell dey talk fo God. Make my head come all hamajang inside. Me, jalike my body come real weak. I stay jalike I piloot, Jalike one guy dat no can handle notting, from drink wine.

Jeremiah 4:21

How long I gotta look da war flag An hear da soun from da trumpets fo start fo fight?!”

Jeremiah 4:5

Da One In Charge tell: “Tell da Judah peopo! An make da Jerusalem peopo hear dis! ‘Make noise wit da sheep horn trumpet all ova da land!’ Yell real loud an tell, ‘Erybody come togedda! Us guys gotta reach da big towns dat get strong wall!’

Jeremiah 42:14

den maybe you guys tink: ‘Mo betta we go live inside Egypt! Cuz ova dea no mo war! No goin hear da war trumpets, an no goin stay wit no mo food.’

Jeremiah 49:2

But Da One In Charge tell: “Az why da time goin come Wen I goin make erybody hear Da trumpet blow fo war Agains Rabbah town, Da main town fo da Ammon guys! Rabbah goin come one big pile a dirt Cuz all da houses goin come bus up. All da towns aroun Rabbah goin burn down. Den da Israel guys goin kick out Da Ammon guys dat wen kick dem out befo time.” Dass wat Da One In Charge tell.

Jeremiah 50:22

I hear big noise from da fighting inside da Babylon land. Soun jalike dey stay bus up eryting big time!

Jeremiah 6:24

I tell: “Us wen hear stuff bout dem awready, An we lose fight. Us worry plenny, an dat make us come weak. We hurt jalike one wahine dat stay born one bebe.

Jeremiah 8:18

Jeremiah tell, “I real sad! No way I can come good from dat! Inside, I come weak.

Jeremiah 8:21

Da peopo I love, dey all bus up. Az why me too, I stay all bus up inside. I stay real bum out an real sked.

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Jeremiah 9:10

Jeremiah tell: “Wen I tink bout da mountains, I like cry an make big noise. I goin sing sad songs bout da mahke peopo, Cuz a da grass inside da boonies Wea da sheep guys wen stay wit dea sheeps. Da grass stay all burn up, No mo nobody go thru dea. You no hear da noise from da cows no moa. Da birds an all da animals, Dey run away awready.”

Sad Song 1:16

“Dass why I stay cry plenny. No mo nobody stay nea fo make me feel mo betta. No mo nobody stay hea fo make me come strong inside. My kids, no mo notting. Cuz da peopo dat stay agains us guys win awready!”

Sad Song 1:20

“Eh! Da One In Charge! Look how I stay bum out! I stay suffa inside. I stay lose fight. Cuz I wen go agains you fo real kine. Outside in da street, da army guys kill da peopo. Inside da house, peopo mahke.

Sad Song 2:11

I cry till my eyes no can see notting. I suffa inside my gut. Jalike my heart pour out on top da groun. Cuz my Jerusalem peopo come wipe out awready. Da bebes an da kids pass out On top da streets inside Jerusalem.

Daniel 4:19

Wat da king tell wen throw me Daniel off, an I no can figga an I come real bum out. Az why Nebukadnezzar, tell me, “Belteshazzar, no let da dream o wat da dream mean make you sked.” Me Belteshazzar tell, “Boss, I like if da dream ony tell bout da peopo dat hate you, an if da dream ony talk bout da peopo dat stay agains you. But az not how goin be. Dis dream, az bout you!

Daniel 7:15

“Me, Daniel, bodda me bout da pichas I see inside my head dat make me real sked.

Daniel 7:28

“Dass da story, by me, Daniel. But dis story wen bodda me plenny, an give me chicken skin cuz I sked. Az why I no talk bout um.”

Daniel 8:27

Me, Daniel, afta I see all dis, I come weak an come sick fo days. Den I get up an do my job fo da king. I stay bum out cuz a da dream, az cuz da dream blow my mind.

Amos 3:6

If somebody blow da war trumpet inside one town, Da peopo dea goin tell, “Wassup?! Watch out!” Weneva bad tings happen inside one town, Az Da One In Charge da One make um happen!

Habakkuk 3:16

Wen I hear all dat, my body stay shake. My lips shake cuz I sked. My bones come weak. My legs shake wen I stan. But I goin res easy An wait fo da time God goin punish dem, Dose peopo dat attack us.

Census 10:9

Wen you guys go fight inside yoa land agains da guys dat put presha on you guys, blow three short time wit da trumpets. Den me, yoa God, Da One In Charge, no goin foget you guys an get you guys outa da way from da guys dat stay agains you.

Rome 10:1

My braddahs an sistahs, you know fo real kine wat I like fo happen fo da Israel peopo? I pray real hard fo God take dem outa da bad kine stuff dey stay do.

1 Corint 14:8

An if da bugle make funny kine noise, how da army guys goin know wen dey suppose to get ready fo fight, aah? No can.

Galatia 4:19

You guys jalike my kids. Jalike wen one wahine born one bebe, I suffa fo you guys one mo time till you guys come mo an mo tight wit Christ.

Local Leadas 5:21

Da Kishon Gulch wash dem away. Da gulch dat stay from befo time, az Kishon. No sked, go fo it, march!